وش افضل الورش المتخصصه في فحص السيارات المستعملة ؟

جزاك الله خير والله يصلح لك ماركيزك

بالعكس يالغالي بيعلمونك وش بها سيارتك وبيعطونك برنت مطبوع
يعلم لك على الأشياء اللي تغييرها مهم والاشياء اللي ممكن تتغاضى عنها
وحقهم انت وياهم بتتفق على سعر معين قبل يفحص لك وبعضهم يأخذ الدراهم قبل الفحص
على العموم يابعدي الله يوفقنا ويوفقك .. آمين

المشكلة بعض هالورش ماعندهم ذمة .. يخافون يطلعون بلاوي في سيارتك وثم ماتعطيهم حقهم

يعني يقولون لك سيارتك تماااااااااااام .. وتطلع مبسوط وهي فيها كل البلاوي

ياطويل العمر انا اشوف الورش اللي على شارع المعارض بالنسيم هم افضل شئ <<انت تقول شرق الرياض
لانهم ياطويل العمر كل يوم تمرهم انواع واشكال المواتر واكيد اكتسبوا خبره << وجهة نظر
وبالنسبة وش يفحصون .. مثل ماقال اللي قبلي الفحص نوعين .. مكينه وسيارة كامله
الاشياء اللي يفحصونها .. كهرباء السيارة .. محركات السيارة .. إلخ

الفحص ياخوي نوعين : مكينه أو السياره بالكامل

اسعارها عندنا بالشرقيه ١٥٠ للمكينه ٢٠٠ للسياره بالكامل

فحص الكمبيوتر يعلمك قوة المكينه صاحيه ماهي صاحيه

يعني لا قالك الفحص السياره اوكي يعني اوكي <<<< حسب المحل طبعا

انا عن نفسي شكيت في راس المكينه لان عندي مشكلة حراره رحت فحصتها

قالي الراس ما فيه شي وانا كنت معزم اني ابيع السياره وهونت :)

اي استفسار انا حاضر ..

لا غير الوكالة الان فيه البريدي والغروب وش غيرهم ؟؟

وماحد جاوبني فحص الكمبيوتر وش يفحص بالضبط ؟

الوكاله افضل شئ يفحص اخوي راقي
ترى اخواننا من مصر اعضاء بالمنتدى ترى يرفعون عليك دعوه وتصير قضية رأي عام وتروح فيها مؤبد