رايكم في الجراند شيروكي استخدام امريكي

راقي طعس @user_154969 · 16-04-2009

وجدت فالمعارض عندنا في جدة جراند شيروكي 2005 ثمان سلندرات نظيف بس لاحظت انه مصبوغ من تحت ببوية سوداء ماادري وش السبب ممكن عشان الصدا!!!

المهم ماشي 60 الف ميل تقريبا .. فل كامل ليمتد بـ 58 الف ريال .. سعر مبالغ فيه جدا

انتم وش رايكم انا بشتريه من جده وبوديه لحايل عند النفود هناك .. يعني ناوي احلله بس ابي رايكم بصراحة كيف الامريكي فالتكييف والحرارة والمشاكل الاخرى علما ان السيارة عليه ضماان وهذا اللي معجبني فيها ضمان 3 سنين

وكم تتوقعون الجديد 2009 جراند شروكي ليمتد طبعا وكالة من السعودية ؟؟

سؤال اخير عندي رقم الهيكل وين اقدر اخذ برنت للمعلومات اللي عليه ؟؟ وشكرآآآآآآآآ

mso @user_92904 · 22-05-2009

دام السياره مصبوغه من تحت وراعي المعرض عيا تروح الوكاله

انا اجزم ان السياره يا غرقانه او انها ضحيه فياضانات

Sutherland @user_50946 · 21-05-2009

انا ناوي اشتري
Jeep Cherokee مستعمل سعودي وخايف والله من المبالغ ألي راح ادفعها في تصليحه ، لاني متأكد بعد ما أدخل به في البر بتطلع انواع المشاكل ، ومحتااار جداً :(

علاء شاهين @user_161010 · 21-05-2009

السلام عليكم

انا قريت موضوعك واذا حاب تستورد السياره من امريكا حلوه ونظيفه وعليها فحص من الكارفاكس حدود 50 الف ريال تراني جاهز اذا لسه مهتم وشكرا

راقي طعس @user_154969 صاحب الموضوع · 20-04-2009

والله ياخي لقيت في معرض ثاني هيمي ب 70 الف .. واجدد وماشي 70 الف كيلو بسسسسسسس

يعني بيني وبينك الرجال مغليه والظاهر بيطيح في كبده

say747 @user_146619 Registered User · 20-04-2009

اذا ليمتد 8 سليندر توكل على الله رخيص جدا واذا نظيف يدق ال 65 او سبعين بعد وكلها مثل بعض سعودي ولا امريكي يختلف الشاشه في الإمريكي زياده فقط وهذي نصيحة واحد مجرب وعارف اسعارها اما اذا بر او طعوس مالي خبره فيه والأخوه يفيدوك اكثر بس اللي اعرفه السيارة مجهزه تجهيز كامل لمختلف المناطق وأفضل من الليبرتي بمراحا ولا تنسى نظام كواترا درايف

أبـو جارالله @user_131239 · 18-04-2009

ر

راقي طعس

صاحب المعرض خاف يوم قلتله بروح افحصه عند الوكاله وعيا

الظاهر الموتر فيه بلا .. راح نشوف غيره

حق من حقوقك تفحص السيارة أكيد فيها بلا دور لك غيرها ,,
لك رسالة ع الخاص ,,
تحياتي ..

راقي طعس @user_154969 صاحب الموضوع · 18-04-2009

صاحب المعرض خاف يوم قلتله بروح افحصه عند الوكاله وعيا

الظاهر الموتر فيه بلا .. راح نشوف غيره

سوناتا 994 @user_50192 · 18-04-2009

الشروكي على اسمه جيب

القراند ميزته انه مناسب للمدينة والبر طبعا ان كنت تبي موتر للبر بس الرانجلر افضل

القراند يعتبر من النوع المتعدد الاستخدامات للي يبونه للمدينة ولطلعات البر البسيطة

الامريكي زينته انه اكثر مواصفات من السعودي وارخص

عيوبه العداد بالميل والاديتر يمكن يسبب ارتفاع الحراره لكن هالمشكلة محلولة تقدر تركبله مروحه

ومبروك مقدما

راقي طعس @user_154969 صاحب الموضوع · 18-04-2009

تازا الموديل اللي بشتريه ان شاء الله 2005

وابي اي نصيحة خصوصا من مجرب .. هل الشروكي ممتاز فالبر فعلا ولا متردي معاد به مثل اول ؟؟

انا راح اشتريه باذن الله يابكره يابعده فلا تبخلون علي

TAZA @user_65213 · 17-04-2009

اخوي ما انصحك بالامريكي ابد ..
لان الامريكي صناعه امريكيه ومواصفات امريكيه.
أما السعودي فصناعة نمساويه (اوربي) وتختلف قطع كثيره مثل القير والدفرنس والرديتر الخ ..
خاصه موديلات 2008 وفوق

راقي طعس @user_154969 صاحب الموضوع · 16-04-2009

ابي ارائكم ياخوان لاتبخلون بالنصيحة

راقي طعس @user_154969 صاحب الموضوع · 16-04-2009

معقوله ؟؟ وكالة بستين الف ريال اكيد مهوب فل كامل

على كل حال انا راح اشوف اشكرك وماقلتلي وش رايك بسيارات وارد امريكا خصوصا الجراند شروكي هل تكييفه سيء .. حرارته ترتفع

الكثير اذا سألته عنه يقولي أنحـــــــــــــش .. وماادري وش مشكلته بالضبط عشان انحاش منه

jeep liberty @user_143978 · 16-04-2009

أخي القراند لا يصلح للبر كثير

بتجربة شخصية الشيروكي (الليبرتي ) أداءه افضل وأقوى، تخيل بأنه لا مقارنة بينهما برغم أن القرائد ثمانية سلندر، ولكن لله في خلقه شؤون

ولكن في المدينة روعة

عموما سعره غالي

صديقي أخذ 2006 بستين ألف فقط رجيع من الوكالة لازال تحت الضمان
راجع الوكالة وبتحصل سعودي وأرخص

بالنسبة لرقم الهيكل أظن أخي الخل الوفي عنده موقع خاص بالتشييك على أرقام الهياكل، ممكن يفيدك