ياجماعه ياخبراء مشكلتي عرضتها وللحين مالقيت لها حل

مشرفنا العزيز اهلا اهلا لك رساله على الخاص

الحرطوش توني مبدله مع البلف

لكن حسب معرفت لو ان الرأس به خلل او القازقيت الحراره ترتفع على طول

يعني مو معقوله كل يومين او اسبوعين تجي الحراره

افحص مدى سلامة خرطوم الماء المذكور ...
لربما يدخل منه هواء لدورة التبريد , او ينقص ماء .

لربما راس المحرك به خلل , او ان قاسقيت الراس
محروق لاسمح الله .

افحص مدى سلامة راس المحرك لدى ورشه مختصه .

والله اعلم .

مع الاسف الشديد

الى الان الحرارة

طلعت قبل شوي مشوار اقل من عشر دقائق وقفت شويه حسيت ان المراوح شغاله وطولت على مافصلت طفيت السيارة

ولما رجعت اشغل بعد 5 دقايق واثنا دقة السلف الاولى ارتفع مؤشر الحرارة الى فوق النصف
طبعا ماكملت تشغيل وفي هالاثناء المراوح شغاله انتظرت 5دقايق اخرى شغلت ومشيت والحرارة طبيعيه

شيكت على الخرطوش لقيته مرتخي شوي لأن موية الرديتر طلع منها شويه مو كثير

والله احترت وماني عارف شسوي ونفسيتي ضاقت بالحيل

هل تتوقعون ان كفاءة دفع المراوح ضعيفه مع العلم ان اذا حطيت ايدي احس بدفع هواء قوي

ماني عارف الحل ؟؟؟؟؟؟؟؟؟؟؟؟؟ او بالضبط شسوي

اخي ماصار لي من غيرت البلف الا يومين والامور الحمدلله تمام بس مااقدر احكم الا بعد فترة تمتد الى اكثر من اسبوعين

لأني كماذكرت الحرارة تجي بين فترات متباعده

ومشكورين على اهتمامكم وتواصلكم

ياليت لو تعلمنا بالنتيجة اخي الكريم

تم ارسال الرقم على الخاص مع الشكر لشعورك الطيب

السلام عليكم بالنسبة لسيارتك وجميع سيارات اللومينا و الكابرس من موديل 2000 فيهن مشكله بالمراوح تفصل وتشبك والغريبه ما مرت على الشباب بس على العموم اذا كنت من سكان الرياض ارسل رقمك على الايميل واتصل بك وتمرني بالورشه وما يكون خاطرك الا طيب

اعلمنا بالنتيجه وان شاء الله خير .

عزيزي فني سيارات

اعتقد ان الحرارة موجوده فعلا لأن عند ارتفاع الحرارة يخرج ماء من قربة المويه احيانا

لكن الغريب في الامر بعد ارتفاع الحرارة اقوم باطفاء السياره وبعد عدة دقائق لاتتجاوز الـ 5 دقائق اشغل السيارة ترجع الحرارة لوضعها الطبيعي

والشي الثاني والاغرب ان مره ارتفاع الحراره الى النصف وتنزل الى وضعها الطبيعي

ومره الى النصف وتثبت

ومره ترتفع تبي توصل الى H

لكن هل بالفعل يكون هناك احتمال البلف مره يفتح ومره لا او يعلق ويكون السبب منه

عموما اخر شي سويته ركبت بلف جديد وهو ثالث مرة لكن هالمرة اخذته من الوكاله


انشاءالله الامور تضبط

واذا في اي ملاحظات او تنبيهات ياريت تفيدوني

مع الشكر الجزيل للمشرفين والاعضاء على الاهتمام والله يكثر من امثالكم

عند ارتفاع الحرارة هل تشعر فعليا ان الحرارة مرتفعه يعني المحرك تعبان وحرارة المحرك باينه من الكبوت طبريقة تستشعر ان فعلا حرارتها عاليه ام ان الموضوع سيان في كلا الحالتين

ما اردت الوصول اليه انه قد يكون حساس الحرارة بنفسه عطلان ولا يعطيك اشارة صحيحة او السلك الموصل به مرتخي وغير ثابت و الله اعلم
لان الحرارة هي الحرارة لاتعطي مره حرارة وبعد اسبوع حرارة ؟؟

ابو الباسل

اخوي لا ارتفعت الحرارة فورا انزل وشيك على ليات الموية الي رايحة للمكينة ان كان ضغطها طبيعي فهذا معناه ان المشكلة من امبير الحرارة أو الطبلون يمكن ما يوصله ماس زين ( ماس = - ) أو مثل ما ذكر في أحد المواضيع رؤوس البطارية تعطي قراءات خاطئة ان كانت تعبانة .

انا سيارتي كانت ترتفع فجأة الى اتش اوقف على طول واشيك على الليات الاقيها طبيعية حتى اني المس المكينة والاقيها باااردة اطفيها واشغلها فجأة تنزل الى حرارتها الطبيعية

جننتني الين عرفت المشكلة وهي ان الطبلون ما يوصله ماس زين وصلحته عند كهربائي والحين تماام .

حساس الحراره وظيفته : حسب معرفتي ,

يعطي امر لتشغيل المراوح عند درجة حراره معينه
وهي التي تكون مسجله على الحساس نفسه .

والله اعلم .

مشرفنا العزيز مااعتقد ان حساس الحرارة يزيف لأن الماء يتدفق عند ارتفاع الحرارة

كما ذكرت لك الافضل فحص المشكله حالة حدوثها فورا ...

اذا خراطيم المياه طريه وغير صلبه بشكل مقبول
يعني ان الماء قد لايمر بالخراطيم بسبب ان البلف فيه خلل .

لربما الخلل من حساس الحراره يزيّف .

والله اعلم .

اشكرك مشرفنا على الرد السريع

شيكنا عن المراوح عند اكثر من كهربائي وكل شي مضبوط

عاد اذا البلف يتوقف اولا ماعندي فكره شلون اشيك

بس والله محتااااااااااااااااااااااس

وعليكم السلام
هذي المشكله حدثت معي العام الماضي سيارتتي كابرس89 مرات تتعدى النصف وتقرب للخط الأحمر وفي الصباح الحراره طبيعيه غيرة الأديتر وتماتيك المروحه ونفس المشكله ماتغير شي حصلت المشكله من حساس الحراره اللي بالسرندل لكن الكهربائي نصحني ان اركب حراره خارجية بــ45 ريال وركبتها وصارة تمام تصل الثلث بعز الصيف ..وهي امريكيه الصنع وتعطي قراءه للحراره100%..لأنه يقول مادري المشكله من الحساس أو الأنمبير فأحسن شي تركب ساعة حراره خارجيه تجي كامله مع الحساس وهي تعمل بدون كهرباء لأنها تقيس حرارة الماء اللي بالسرنل مباشره والحساس حقها يركب بمكان الحساس القديم ..بعدين الحراره الزائده بينه اضغط بأصابعك على الخرطوش العلوي إذا انه متحجّر قاسي مره معناه ان فيه غليان للماء وإذا انه ينضغط بسهوله الحراره طبيعيه سو التجربه هذي إذا الحراره ارتفعت

وعليكم السلام ورحمة الله .

عندما ترتفع الحراره , هل تتفقد مايتعلق : بدورة التبريد ,
والمراوح ... الخ ,

افضل فحص حسب رايي : فحص المشكله عند حدوثها , اي
عندما ترتفع حرارة السياره ’ افتح غطاء المحرك لربما المروحه
تتوف عن العمل , او البلف يتوقف عن تمرير الماء , او لربما
يحدث تماس بكهرباء المروحه , وعلى كل حال جرّب تركب بلف اصلي من الوكاله .

ملاحظه : احذر !!! من فتح غطاء الرادياتور والمحرك ساخن ,
وانتظر حتى يبرد حتى لاتعرض نفسك للضرر .
والله اعلم .