السلام عليكم ورحمة الله وبركاته
كيف حالكم يااخوان يااعضاء القسم الكوري
ابشركم الحمدلله اخذتلي ازيرا فل الا حبه على ماقالوا من الناغي بجده
صراحه اول كنت ادور على ازيرا مستعمل رحت للرياض وما لقيت وبعدها على جده دايركت
بصراحه انا حصلت مستعمل بس المشكله في المواصفات انا كان اهم شي عندي الطبلون يكون ليزر
وبعدين قلت يارجال خلني اروح على فرع الناغي بجده ولما رحتلهم قلتلهم ابي اللون اللؤلئي وفل وقالولي مافيه الا لون رصاصي وانا مابي الا اللون الابيض اللؤلي قالوا فيه وحده ابيض قوة الماكينه 3800
ينقصها عن الفل الشاشه والدركسون والستاره والايرباقات قلت يارجال توكلنا على الله واخذتها بسعر حلو بـ73000 وقلت يارجال بالنسبه للشاشه انا اركبها بعدين والحمدلله استلمت السياره يوم الاربعاء الماضي واليوم كملت معي 1000 كيلو ورحت للناغي اللي عندنا بالمدينة وسوولها صيانه مجانيه وقالوالي السياره فيها شي فيها عيوب صراحه كان تعاملهم ممتاز وقلتلهم الطبلون من فوق كأن لونه متغير من الشمس قالي الموظف طيب ليه مابلغت الفرع اللي استلمتها منه قلتله انا استلمت السياره بعد المغرب وما كان واضح قال خلاص على العموم انا ابسوي لك بلاغ وهم يتصلون عليك وقلهم على مشكلتك والشي الثاني صوت الكمبروسر كأنه طالع شوي وقلتلهم عليه وقالي الموظف هذا عادي وقالولي تعالنا بعد 5000 طبعا السياره يوم اخذتها كان لون الفيابر السفليه اسود وجاي شكلها غلط رحت ورشيتها خليتها مثل الفل كلها لون واحد
انطباعي عن السياره
السياره ماشاءالله تبارك الله ولا احلى طبعا المفروض اني مااتكلم ذحين عن السياره لكن انا قبل كذا كانت معي كامري 2002 واخذتلي فورد 2001 يعني جربت الياباني والامريكي صراحا من وجه نضري انا شخصيا انا افضلها على الاثنين
واخيرا احب ان اشكر كل القائمين على هالقسم الرائع من مشرفين واعضاء/ بندر - فكتور - بلا حدود ولا يهونون الباقين وضموني معكم في هالقسم:smilie16:
ولا تنسون تباركولي على السياره
