الجمعة 5 يونيو 2026
عاجل

اشتريت فورد ماركيز ماهي نصائحكم ؟

ارشيف الاستفسارات
11 رد 1,447 مشاهدة 9 مشارك الأقدم أولاً
س
سلطان الغلا @user_87675 · 15-03-2009
اخوى شرا ميركوري جراند ماركيز موديل 2005 استخدام امريكي ls ليمتيد ماشي 57 الف كم

فل كامل واللي ناقصها بس سخانات وفتحه سقف عموما مايهمني هذولا الشيين

لكن بغيت اسألكم ماهي نصائحكم لي وماهي خرابات ومشاكل الفورد اللي تواجهكم

هل وفقت بشرائها ام لا

وبغيت اسألكم عن مشاكل الهيدروليك اللي بالفورد وش قصتها ؟

وش قصة الفصله اللي بعداد الفورد علما بأن راعيها مو راعي دعس ومطارحات بس لازم اعرف كل شي عن السياره

مثل منتم عارفين

وتحياتي لكم



ر
راعي الرويال @user_156421 · 22-04-2009
مبروك والله
س
سلطان الغلا @user_87675 صاحب الموضوع · 18-03-2009
الله يعطيكم العافيه جميعا كفيتم ووفيتم
و
وي ر فورد 2006 @user_60377 · 18-03-2009
مبروك السياره والاختيار الموفق
خله يسوي تصفيه للماكينه تنظيف بخاخات وتغيير بواجي وزيت وفلتر ويشيك على اسلاك البواجي والكويلات
ويغير زيت القير مع الفلتر احتياطا ويشيك على زيت الدفرنس اذا كان ناقص يزوده
ويغير سير الماكينه
ويغير صفاي البانزين ولا يعبيء الا 95

الهيدروليك اكثر مشاكله تنسيم البالونات
اذا كنت تبغاها تمشي معاه ع طول وماتشتكي من شيء الفورد حساس ويبي ركاده وبدون تهور عن تجربه
ويفضل انه يكون تحت رجل وحده= يسوقها واحد فقط الا ان دعت الحاجه ويسوقها مثل مايسوقها صاحبها
عشان تعيش عمر اطول ولاتشتكي السرعه والجلعده وشد العزم مع الاشاره والمطارحات = دمار الموتر
تليين اليايات او طرحه خفيفه او شعره<]ابعد عنها نهائيا خلي الموتر على وكالته تبغاه رزه تظليله زيرو ون وتغسيله كل يوم بالخرقه حقت المسح الحمراء او جلد طبي تباع بمحلات الزينه<عشان ماتظر البويه مع كثر الغسيل وخلي السرعه في داخل البلد من 100 الى 110<ان دعت الحاجه في الخط 140 الى 150 مناسبه جدا الهيدروليك لاتلعب فيه واجد ^_^يشتكي وطبعا المطبات والحفر<يبعد عنها ولاياكلها ع سرعه عشان ماتهرقل
ن
نواف القعود @user_147511 · 17-03-2009
اتوقع الاخوان كفو و وفو
بس حبيت استفسر .. فيه واحد من اللي ردوا
يقول عبه بانزين 95 ؟
ليش الـ 91 ما ينفع ؟ مع العلم ان الوكاله تطالب بـ 91 ؟
والله يستر على موترك
ويعطيك خيره ويكفيك شره
M
Mashari @user_53720 · 17-03-2009
الله يطعمك من خيره ويكفيك شره.

يجب تغيير صفاية البنزين ، تغيير زيت القير 6 علب مع الوجه (الكارتير) والفلتر وتاكد انه أصلي ، سير المكينة ، زيت المكينة 6 علب مع السيفون ، تشييك على الدفرنس وزيادة الزيت اذا كان ناقص ، شيك على الكويلات بفحص يدوي مو كمبيوتر لان الكمبيوتر يطلع لك الخربان وما يطلع الي فيه ضعف كهربائي وكمان غير البواجي ، فلتر الهوا ، اذا السيارة تحتاج تربيط خارجي ربطها ، الله الله بالركادة تراها هيدروليك ولا يهمك الي يقولون يخرب بسرعة ومن هالكلام ، هو يخرب من اخذ المطاب بسرعة والا الحفر والحفر اردى من المطاب.

واذا بغيت شي لا يردك الا الكيبورد ، ترا معي اختها بالتمام بس 2004.
س
سلطان الغلا @user_87675 صاحب الموضوع · 17-03-2009
للرفع،،،،،،،،،،،
س
سلطان الغلا @user_87675 صاحب الموضوع · 15-03-2009
الله يعطيكم العافيه في انتظار ردود باقي الاعضاء
ر
راعي الكامري 04 @user_61322 · 15-03-2009
مبروك الموتر وماشاء الله والله يعطيك خيره ويكفيك شره

نصيحه اخويه ..

اول شيء ماتمشي الموتر الا وهو واصل النص يعني تحميه .. تغير زيت المكينه مع السيفون والسيفون تشريه من الوكاله علشان يكون اصلي .. تحط له كاسترول 10-30 وتغير زيت القير 12 علبه او 13 يعني زيت وفلتر ووجه كارتير والطنجره .. وتشوف زيت الدفرنس اذا ناقص زوده لاتغيره انتبه .. والهيدروليك لاتلمسه خليه شغال 24/7 ولا تسوي شيء لاحركات ولا مطارح ويعيش معك ان شاء الله .. وانتبه من الزونن لاتركبه لانه يعدم الضفيره خله على وكالته وسلامتك ... يالغالي ترا الكلام هذا من واقع تجربه مو من راسي ولا كلام ناس .. لاني انا معي اخو موترك بس 99

تحياتي ..
ك
كـ87ـآبـرس @user_102857 · 15-03-2009
الله يعطيه خيرها ويكفيه شرها
اذا كنت تبغاها تمشي معاه ع طول وماتشتكي من شيء الفورد حساس ويبي ركاده وبدون تهور عن تجربه
ويفضل انه يكون تحت رجل وحده= يسوقها واحد فقط الا ان دعت الحاجه ويسوقها مثل مايسوقها صاحبها
عشان تعيش عمر اطول ولاتشتكي السرعه والجلعده وشد العزم مع الاشاره والمطارحات = دمار الموتر
تليين اليايات او طرحه خفيفه او شعره<]ابعد عنها نهائيا خلي الموتر على وكالته تبغاه رزه تظليله زيرو ون وتغسيله كل يوم بالخرقه حقت المسح الحمراء او جلد طبي تباع بمحلات الزينه<عشان ماتظر البويه مع كثر الغسيل وخلي السرعه في داخل البلد من 100 الى 110<ان دعت الحاجه في الخط 140 الى 150 مناسبه جدا الهيدروليك لاتلعب فيه واجد ^_^يشتكي وطبعا المطبات والحفر<يبعد عنها ولاياكلها ع سرعه عشان ماتهرقل من تحت وتبدا الاصوات الحلوه المزعجه تطلع لو
والله يوفقكم ويستر عليكم
ا
ابــو ســعــد @user_108772 · 15-03-2009
ماشاء الله الله يعطيك خيرها ويكفيك شرها وفقت في الاختيار
ا
اهيم شوقا @user_100185 · 15-03-2009
مبروك السياره والاختيار الموفق
خله يسوي تصفيه للماكينه تنظيف بخاخات وتغيير بواجي وزيت وفلتر ويشيك على اسلاك البواجي والكويلات
ويغير زيت القير مع الفلتر احتياطا ويشيك على زيت الدفرنس اذا كان ناقص يزوده
ويغير سير الماكينه
ويغير صفاي البانزين ولا يعبيء الا 95

الهيدروليك اكثر مشاكله تنسيم البالونات
وانا سيارتي فيها هيدروليك وخربان بس البالونات تمام لكن المشكله اما بالدينمو او شي ثاني

والشباب مايقصرون معك
سجّل دخول للرد...