:bigggrin:
التشغيل عن بعد موجوده بالجكسار من 2008 واذا تبي تتاكد شف موضوع وتقرير عبدالله الشهري على موتره الجكسار 6 سلندر فل كامل فيه تشغيل عن بعد وليش نلجك فيها شايفنا ناقصين مواصفات او شي من هالقبيل لا سمح الله :bigggrin: حتى نفاخر بتشغيل عن بعد اقدر اركبه بالغرابي
ترا اللاندكروزر فيه كمبيوتر لا تحسبه من العصر الحجري الله يبارك فيك :bigggrin:
مادري ليش يابو هذال تتفاخر بأمور عاديه جدا واذا صارت قزازة موترك تنزل ترا ماهي اولويه للأمريكان
هذا الشي اللي تتكلم عنه موجود باللكزس الـ 400 من عام 95
اما سالفه البيبان فهي موجوده في موتري الله يسعدك وهو موديله 2004
مو شرط على اي سياره تنزل المهم انه عكاشه الياباني سبقكم بها :tongue:
اما بالنسبه للبرمجه فترا يابو هذال مامنها الا المشاكل واعطيك مثال
مره جاني ايميل لبرمجة مسجل الكابرس المهم اني تعلمت منه وبرمجت المسجل على مزاجي
وايضا مسحت التنبيه حق الزيت كل 10 الاف كم
المهم انه بعد فتره يومين تقريبا لا جيت اطفي الكابرس المسجل مايطفى ابدا الين انت تعطيه Off
حتى لو نزلت وقفلت البيبان يظل شغال (( :bigggrin: ))
المهم انه البطاريه بعد فتره جابت العيد وخليت الموتر منطول بالبيت يمكن اسبوع غيرت البطاريه بعد هالاسبوع صار الموتر يطفى من حاله مادري وش اللي حصل له
فلا تفتخر بالبرمجه وانت بلسانك قايل انه اغلب خرابات الامريكي بسبب البرمجه رديئة التقنية :bigggrin:
مادري على وش قلت انه الامريكان متفوقين على اليابانيين بالتقنية وش هي انجازات واولويات الامريكيان في زمن التقنيه والتكنولوجيا وخلنا نقول من عام 95 ياليت تسردها لي يابو هذال
لا يوجد اي انجاز يستحق الذكر للامريكان في صناعه السيارات بالوقت الحالي (( 15 سنه الاخيره ))
دائما ياخذون التقنية الجديده ويطورونها فقط لا غير اما كبراءة اختراع ماشفنا منهم شي
لا تجي وتقولي المرايات تنصفط وانت تمشي :bigggrin:
ترا بخربها معك :tongue:
ياليتهم يصنعون موتر مثل جودة اللاندكروزر انا اول واحد يشريه بالرياض لو يجي
لكن
لا اعتقد الامريكان يقدرون يصنعون مواتر بنفس جودة السيارات اليابانيه حتى الالمان مايقدرون بأستثناء بورش
جودة المواد خلها على جنب اتكلم عن الجودة الميكانيكيه
يمكن فورد هي الاقرب وافضل السيارات الامريكيه جودة ميكانيكية واعتماديه
لكن دوج وجي ام لا تعليق :c0038:
صوت التاهو على السرعات المنخفضة جدا واضح داخل المقصورة او اذا انت تمشي 120
مااقصد والموتر واقف ويشتغل
والله العظيم الفكسار وانت تمشي 190 ماتسمع صوت محركه مع انه ضغط المكينه يصل الى 4.5
وجب جمسك يوم للرياض وشف فرقه عن الفكسار
معليش يابو هذال ترا فرق السعر بالسوق الامريكي يصل الى 14 الف دولا يعني اكثر من خمسين الف ريال
والفرق بينه وبين الدينالي 9 الاف دولار يعني اكثر من 30 الف ريال
معليش ياعزيزي :bigggrin:
هلا وغلا
معليش على المداخله << بس اني بدخل غصب خخخ
ابو منصور شف انا ماهظم حق اللاند باشياء كثيره واولها الاعتماديه
والي خلان ارد هو ظلمك للجي ام بالتقنيه
حرام عليك
التقنيه اشوف انه الجي ام من اول وهي سباقه بالشي هذا
خذ مثلا
-عندك الدف لوك بدا ببعض الفئات من موديل 97 !! لكن التيوتا من اي موديل بدت بالديف لوك ؟؟
- تقنية تشغيل الانورا اوتو ماتيك باليل يشتغل بالنهار يطفى من موديل 96
- تقنية ارتفاع صوت المسجل مع زيادة السرعه من موديل 95 . << اتوقع الى اليوم تيوتا تسمع بالمييزه هذي
- تسخين مراتب ونفخها موجود من موديلات 96 . << مدري اذا موجود بموديل 2009 هالشي بالاند
- تثبيت سرعه موجود الظاهر من موديل 60 :bigggrin: وباقل الفئات تحصله الى اليوم << بينما حقين الفورتشنر يروحون القصيم عشان يرهمه الفلبيني الي اسمه رانو :tongue:
- قفل ريموت موجود من موديل 95 ومن تالي بدينا نشوف ريموتات للجيوب
8
8 طبعا هذا الي فوق كله موديلات 95 :bigggrin:
- موديلات 2000 دفع رباعي جا الديف لوك اساسي
- تحكم اكتروني بمرتبة الراكب والسائق سواء ظهر او مقعد << ركز ظهر ومقعد كهرب
موديلا 2003 :
- مسجل 6 سيديات
شاشات دي في دي شد بلد خلفيه << الاند من متى بدا يجيب دي في دي :wink:
-الخروج السهل من السياره بحيث اذا طلعت المفتاح ترجع المراتب لاخر حد لتسهيل الخروج
- نزول المرايات عند الرجوع للخلف بالقدر الي تحتاجه << لاتقولي مالها داعي لانك ماجربتها بالمواقف . عشان تشوف الرصيف
- تنبيه اذا خليت الاشاره شغاله
- تحكم من الطاره بالمسجل والاعدادات
- سماعات رياضيه نظام بوز << مسجل اللاند الى يومك اركبه معليش كنه بالغرابي مركب
- تعتيم مرايات اكتروني
- التنبيه بان احد الاطارات ينقصه هواء . مع ميزة ايظاح كل كفر كم فيه مقدار الهوا .!
- ميزات الطريق . كم باقي بالتانكي وعلى السرعه الي تمشيها كم كيلو يمشيك .
- توظيح نسبة لزوجة الزيت ؟
- تراكشن مع ستيبلتي مانع انزلاق
- امكانية التحكم المنفصل بالنظام السمع ي. يعني يقدرون الي ورى يشغلون اي سي دي غير الامام
- تقديم دعاسات البنزين والفرامل وترجيعها
- اظاف ه الى ميزات كثير والله ناسيها
- ميزه ميكانيكيه . اذا تعطلعت السياره او ارتفعت حراراتها لاي سبب كان اوتو ماتيك تصير المكينه تعمل بنظام اربعه سلندر ويطفى المكيف اجباري لتوصيلك لاقرب نقطة صيانه ..
اما المكينه : فمعليش يالغالي
اصلا جي ام اكثر شي ابدعت فيه المكينه
قلي باقي قطع السياره اقولك صحيح تايوتا متفوقه فيها بس مكينه مستحيل !!!
تدري انت ان في بلوككات مكينه من جي ام تتحمل الى 900 حصان !!!! << وهالبلوكات تنزل على سيارات عادي فئة تراك او حتى suv ؟
بينما بعض مكاين التايوت لو ركبت عليها بواجي قويه انشعر الراس حق المكينه :bigggrin:
شف حلبات السباق 90 بالميه من المكاين من جي ام
داري بتقولي اغلب هالميزات عندنا << مع غالبة الميزات مي موجوده لليوم :wink:
لذلك بقولك اوكي عندك بس رح شف متى نزلتها تويوتا وجي ام متى نزلتها
وهذا هو محور حديثنا من الي سباق بالتقنيه ؟
عموما اختلاف الرائي لايفسد للود قظيه << خاف ينطق بالرحله الجايه
ملاحظه ترى الى الان ماطريت ولا ميزه من موديلات 2007 وطالع
حتى الدينالي ماطريته الي هو افخم فئه بالجي ام وكل هالميزات تجي بفئات اقل من الدينالي
