بكره بركب كفرات ومحتار؟؟

انا مركب تويو بروكسس تي بي تي لها شهرين زي العسل

توكل على الله وركب بريجستون
عازل صوت وريحه بالطريق
وتحمل سرعات عاليه

اخوي ميشلان صناعة تايلنديه افضل وترا نفس جودة الميشلان الفرنسي بالضبط والتايلندي ارخص بكثير من الفرنسي .. وانا مركب 4 اطارات ميشلان من سنة 2006 وماغيرتهم الا قبل شهرين او 3 والسبب ان السياره صارت تمون على اللفات يعني لفه ادشها على سرعه الموتر يدش معي والناس على بالهم اني افحط وهذا السبب اللي خلاني اغير الكفر ولكن بنظري ان الاطارات من سنة 2006 الى نهاية 2008 انجاز كبير جدا وتوفير بنفس الوقت.. اتمنالك التوفيق

أشوف البريجستون تمام وأسعاره متوسطة

حسبت تجربي للسموتومو كفر ممتاز سعره حلوو 280 ريال .. ياباني الصنع
بس عيبه ان نقشته تروح بسرعه ( علما باني اسبوعيا اطلع من الدمام للجبيل) والكفر الحين جلس معاي بالضبط سنه والان يبغاله تغير ... يمكن مع الخط والحراره وعوامل التعريه ؟؟؟ !!!

وعلما ان الوالد مكرب نفس كفراتي (سموتومو) له معاه الحين 3 سنوات لانه هو ما يطلع برى المدينه
وماشي معاه زي العسل....

انا جربت كفرات فايرستون والله طيبه ماعليها

انا مركب ماكسس واللة ممتازة

السلام عليكم ورحمة الله وبركاته،
[SIZE=5]تحية طيبة وبعد،،[/SIZE]



أقتباس من الرسالة الأصلية saad1412
شباب انا بكره بركب كفرات للفورد ولا ادري وش انواع الكفرات يا ليت اللي مجرب نوع وكويس معاه يعلمنا والسعر رخيص او متوسط لان السيووله قليله :) طبعاً الجنط 16واللي يعرف محلات كوويسه بالرياض ....
[COLOR=black]أخي الفاضل saad1412 مادام السيولة قليلة وتبحث عن سعر رخيص ومعقول امامك خيارين أما أن تأخذ هانكوك الكورية أو احدى الإطارات الصينية ذات المواصفات التي تطابق الخليج، وأنصحك ان لا تأخذها الا من الغرابي حيث السعر هناك افضل من اسعار المراكز التي تتواجد داخل محطات الوقود، ولا تستعجل خذ جولة حيث الاسعار تختلف من محل الى آخر، وتأكد من تاريخ الصنع والتخزين وبالتوفيق.[/COLOR]

4 أربع سنين ينتهي تاريخه
و الله ما قد حصلت معي أبد بالكثير سنتين و و عليها
يمكن أغلب الوقت واقف الموتر

سوموتو
ياباني اصلي ويكد معك 4 سنوات
ونفشته حلوه وممتاز
وسعره رخيص

والي يمشي على الكفر 3 او 4 سنين وش تقله؟طبعا كفرات ميشيلان

يمدحون البريللي:)

سموتومو يمدحونه كثير للفورد

^^^
خذ صيني و غيره بعد 8 أشهر بالكثير
و مشلان يجلس معك 24 شهر

بس بصرراحه حرااام ادفع فووق 300 على كفر:(

عندك اغلب الفوردات مركبين قوديير ..

وعندك فالكن . ودنلوب . وهانكوك << وش بقيت ؟؟ :D

والله اني زيك هالكم يوم ابغير الكفرات ووالله محتاااااااااااااااااااااار ..


شوف .. واحد من اخوياي مركب برمضان اللي راح كفرات بريللي تراكشن AA

الى الان معه زي العسل الحمد لله .. الكفر الواحد طلع عليه بـ500 ريال تقريبا ..

غالي لكن حلو ما شا الله .. لكن ترا ما تفرق واجد ولا تحس بالفرق بين الانواع اللي ذكرتها فوق .

لكن انك تاخذ نوع مو معروف او غير منتشر .. هنا المشكله ..

اما هانكوك ويوكوهاما والباقين معروفه .. وما فيه فرق كبير بينهم ..

بالتوفيق ..