استفسار عن فورد ايدج .... مالها وما عليها لا هنتوا يا اصحاب الخبرة

السلام عليكم ياشباب
شوفو موديل 2011 على هالرابط الصراحة روعة

http://www.youtube.com/watch?v=brnnfrCYPVM

تحياتي

السلام عليكم ورحمة الله وبركاته
أعزائي ملاّك فورد إيدج المحترمين
أنا كنت الشهر الماضي في التوكيلات فرع الخبر وأخبرني المسؤول هناك عن عدم توفّر شاشة الملاحة ( النفيقيشن ) في موديل 2010
حتّى في أعلى فئة وهي ( Ford Edge Sport )
فما الحلّ ياتُرى ؟
هل بالإمكان طلبها من الوكالة نفسها ؟
أم أنها تأتي هكذا فقط !!
غريبٌ جداً أن تتوفر الشاشة في الموديلات القديمة وتفتقر لها الموديلات الجديدة !!
لأول مرّة أجد السيارات تتأخر في المواصفات على مدى السنين بدل أن تتقدَّم !
أفيدوني لا هنتم

أبشركم ياشباب .. اليوم وصل فورد أيدج ليميتد 2010 لدى توكيلات الجزيرة ..
بس المشكلة في السعر الباهظ المبالغ فيه ... قالوا لي 134,850 ريال سعودي ..
في رمضان كان سعر الليميتد 2009 بسعر 116 الف ريال .. ولا يوجد أي فرق في المواصفات بينه وبين 2010 ... ياشباب هل يستاهل هذا السعر ؟

شكرا لك أخوي سلطان على ردك السريع ..
والله اتصلت بتوكيلات الجزيرة في جدة والرياض .. ماعندهم الفل أوبشن ... فقط عندهم الستاندرد .. بـ 100 ألف .
قالوا لي انتظر نزول دفعة 2010 .. الانتظار مو مشكلة بس أنا خايف الأسعار تزيد كثير .. في بداية رمضان كان الليميتد فل 118 ألف ريال (ما أدري بشاشة وللا بدون) ... بس أنا تأخرت في الشراء حتى خلص الستوك كله .. (إن شاء الله فيه خير) .

إخواني أحد عنده الخبر اليقين عن موعد نزول الفورد إيدج 2010 ؟ علما بأن الايدج مصنوع في كندا وليس أمريكا زي الفكتوريا . وهل تتوقعون نزول أي عرض قادم من توكيلات الجزيرة ؟ زي عروض موسم الحج أو غيره .. عروض رمضان خلص وإن شاء الله ماتزيد الأسعار كثير ..
في البحرين (وكالة المؤيد فورد) سعر الليميتد فل بـ 13500 دينار مع عرض رمضان .. (أغلى من السعودية) .

ع البركة الموتر مقدما ...

اخوي حاول تتصل ع فرع جده والرياض يمكن تلاقي وما عليك يجيبونها لك الدمام مثل ماصار معي
انا الي معي 2008 وماكان باقي غير سيارة وحده بنفس اللون الي ابيه وكانت بالرياض وحجزتها
وبالنسبه لسعر الستاندر 2009 مافيه فرق بينه وبين الستاندر 2008 كان ع ايامها ب 98000 وكان بوقت عروض ع موديلات 2008 يعني ما اتوقع يكون فيه زياده كبيره بس طبعا مع بداية كل موديل السعر يكون فوق وبعد فتره ينزل السعر يعني انا اول ما نزل 2008 سالت عن الفل اوبشن بشاشه وكان تقريبا ب 132000 وبدون شاشة ب 123000 ووقت العروض صار الي بشاشه ب 123000 وبدون شاشة ب 113000 مع ملاحظة ان موديل 2010 فيه اضافات عن موديل 2008 مثل الشنطة صارت تفتح بالريموت والمراية الجانبية صار فيها قطعة اضافية لرؤية النقطة العمياء ونظام مايكروسوفت للاوامر الصوتيه ع حسب ما قرأت يعني يمكن يزيد السعر شوي حتى لو كان فيه عروض

بالتوفيق ان شاء الله ....

إخواني ذهبت إلى توكيلات الجزيرة بالدمام قبل العيد ، قالو لي حاليا ماعندهم الفل بانوراما .. كل 2009 خلص . لازم انتظر نزول 2010 .. قالو لي بتنزل ان شاء الله أواخر أكتوبر أو بداية نوفمبر (ان شاء الله يكونوصادقين).
حاليا عندهم الستاندرد 2009 بسعر 100850 ريال (مع عرض رمضان) وهي من فئة SEL بمقاعد مخمل و6 سي دي وUSB و Sync وبدون شاشة وبدون بانوراما .
أنا ناوي على الفل ليميتد 4x4 مع بانوراما (الملاحة ليست إجبارية عندي).
إخواني كم تتوقعوا يزيد سعر 2010 عن 2009 علما بأنه لايوجد أي تغيير في المواصفات ؟
وكل عام وأنتم بخير ..

كنت عند التوكيلات قبل 3 اسابيع تقريبا، 2009 سقف بانوراما بدون شاشة ب124 الف

وين الافضل اكورد ولا ايدج كجودة ولا يخرب معي بعدين ؟

ماكينه جيده وقويه وسرعه مافيها كلام ....وفخامة الفورد طبعا....انا كنت بأفكر فيه ... لكن واحد صاحبي معاه 2008 قالي مايصلح لك عشان عندي اطفال ...لانه القطع البلاستيكيه الموجوده في الطابلون ضعيفه ومعرضه للكسر وأي قطعه تنكسر لايمكنك شراءها منفرده .... يعني مو عملي من الداخل يحتاج حرص في الاستعمال فقط .... السياره تنفع للشباب فقط؟؟؟:ch19:

أخوي بالنسبة للعزل رائع وهادية السيارة لكن بعد 140 تقريبا تبدأ تسمع صوت المكينة شوي تقريبا لان دورات المحرك تطلع عن الثلاثة آلاف وصوت الهوا الخارجي طبعا هذا لو كان داخل السيارة هادىء تماما اما لو مشغل مسجل او معاك احد تسولف ماراح تنتبه
أما العزم ماشاء الله تبارك الله ما يحتاج ما اتذكر اضايقت منها او خذلتني في اي مره
اما في البر صراحة ما جربتها لكن اتوقع انها تكون جيدة لانها دفع رباي وكفرات كبيرة
أسعار قطع الغيار ما اقدر احكم لكن عمموما فورد اسعارها في أغلى القطع تكون اهون بكثير من انواع اخرى ما اظن تكون غالية
اما اسعار الصيانة حسب علمي انها ثابتة حسب التلسلسل لكن لسى بدري على الصيانة الرابعة والصيانة كل ثمانية آلاف

أخواني
أنا ناوي آخذ لي فل كامل
ايش الملاحظات على :
1. العزل .
2. العزم .
3 . في البر .
4 . اسعار قطع الغيار .
5 . اسعار الصيانة هل هي ثابتة 300 600 1500 ثم ترجع على طول و لا بس أول ثلاثة صيانات , و جدول الصيانة كل كم كيلو ؟

ارجوا اني ما اكون كثرت عليكم بالاسئلة
وشكرا

أخوي السيارة ماشاء الله عليها ما عليها كلام

انا عندي 2009 والسيارة ماشاء الله روووعة بكل معنى الكلمة وعزم رهيب والتكييف جيد لكن أنصحك تاخذها بفتحة بانوراما

الله يعطيك الف عافية وما قصرت كفيت ووفيت

بالنسبة الى كوبون الصيانة المجانية ما عطوني شي

خذيت كوبون خصم عازل حراري من زيبارت 300 ريال بس وكنسلته ماهي مستاهله وكوبون ثاني حماية للجلد وكنسلته بعد :)

يمكن بوقت الي شريت فيه الموتر انت كان عندهم هالعرض ع العموم بتصل عليهم واتاكد

الله لا يهينك وما قصرت بيض الله وجهك

الحمد لله السيارة ماشيه معي تمام ما اشتكيت من شي الى الان
وبالنسبة للصيانة اول 3 مجانية يجي معه كوبون اول ما تشتري السيارة تاكد انه معك
وبالنسبه للاسعار اول وحده 300 ثم 600 ثم 1500 ثم ترجع ل300
وعليك الحساب

حياك الله ريكمارو

ماشاء الله تبارك الله

الله يعطيك خيره ويكفيك شره

ابي اسالك عن الموتر خلال هالسنه هل واجهت مشاكل فيه وتم اصلاحها

وسؤال ثاني لا هنت ياليت لو تعطيني اسعار الصيانه لاني الحين قطعت حول ال 6 الاف كيلو وماباقي شيء ع الصيانة :smile:

ان شاء الله تقرى ردي وتجاوبني ع استفساراتي

لاهنت

شباب انا عندي موديل 2007 فل كامل اسود
له فوق السنة عندي وماشيه 58 الف
اي استفسار انا جاهز
السيارة الحمد لله امورها تمام الى الان وماشي مع صيانة الوكاله كل 8000 كيلو
وبالنسبة للي يسال عن المكيف مثل الفكتوريا لا هو ضعيف ولا شي