نزووول أسعار السيارات (اكبر كذبة في التاريخ)..!!

شي في نفسي بتاريخ 13-12-2008
واتهموني بعدم الفهم >> والان التاريخ كم ياشباب ..؟
وين الي يقولون بتنخفض الاسعار .. النصيحه بلاش بس الكذب بفلوس

مو مشكلة انا غلطان خلاص بترتاح يعني ههههههه الحمدلله والشكر بس ..
اقول خلاص بكرة اجل بتنخفض السيارات الين يجون يوزعونها عليكم بلاااااااش لا ويحبون راسك عشان تأخذ سياراتهم ------->> ارتحتو ياحلوكم بس
المشكلة بعض الاخوان اذا حس ان فية شخص مو متفق معة يحاول يتهجم علية ويصادر رائية ويتهمة بتهم سبحان الله .. ياليت اني شريطي ولا صااحب معرض الله يسمع منكم .. مو مشكلة ياخوان اعتبروني غلطان .. وصدقو الجرايد والصحف .. واذا على تسريح الموظفين شي طبيعي ان الشركة تسرح موظفينها وخاصة في الغرب مو شي جديد يعني .. وعلى العموم الي يحس اني غلطان علية اقولة (اسف) من اعماق قلبي .. والي سبني وغلط علي اقولة (الله يسامحك) من اعماق قلبي .. نظل اخوان سوى ارتفع الرز ولا انخفضت السيارات .. وشكرا لكم على حسن اخلاقكم . تقبلو تحياتي للجميع

^ ^ ^ ^ ^
وعليكم السلام ورحمة الله أخوي KrEmBoOo ..
المشكلة أنه هو اللي قاعد يتهجم علينا بكلام سيء جداً لأننا ما طاوعناه في كلامه ، والكلام هذا تم حذفه من قبل المشرف ، وهو جاي يسولف لنا بكلام من عنده ما عنده أي دليل ..

فعلاً أخوي اكسل .. يا شريطي يا راعي معرض أو واحد له علاقة أو شغلة في تجارة السيارات ،، والدليل شوف مواضيعه وشي ..

السلام عليكم جميعا

ياشباب مافي داعي للتريقه والتجريح والتقليل من صاحب الموضوع .. هو له وجهه نظر في الموضوع والبقيه لهم وجهه نظر أخرى .. والاختلاف في الرأي لايفسد للود قضيهـ ..

وتوقعاتي :: اسعار السيارات راح تنخفض قريبا قريبا قريبا ولكن لا اتوقع الانخفاض يتجاوز 25%

ولكم تحيااااتــي

يا thafer88 ،، رجاءً ،، ما نبي كلام ما له داعي هنا ، كلم الرجال بكلام رجال والا خلك ساكت على قولتهم .. أما الكلام هذا فما يصدر عن رجل يحترم نفسه للأسف ..

ولو أني مسئول في هالصرح العملاق لوقفت عضويتك على هالكلام اللي ما يليق بمنتدى السيارات ..

تبي رابط هذا الرابط ، شف إعلان الفلاش اللي قدامك، امل عينك منه :http://www.universitydodge.com/index.htm

وهالحين عندك اثباتك والا لأ

وش فيك عصبت وانا اخوك

ترا السالفه ما تستاهل

انا اقترح عليك تبيع بالتشاليح ترى للحين ما تأثرت واجد

وبالاخير كل واحد له حرية الرأي مكفوله

يعني خلوووووها تصدي ومو بس تصدي يبيعونها حديد عسى يا رب

البينة على من ادعى...يالحبيب...انت تجيب ما يثبت كلامك وليس العكس...لأنك انت من ادعى

ولو أردت الإثباتات فهي كثيرة...وذكرت بعضها في ردي السابق.

العالم كله مقبل على انخفاض في الأسعار بشكل عام لأسباب كثيرة ذكرت هنا وفي الصحف والقنوات..

كل هؤلاء يطبلون ويكذبون علينا..؟؟!!

وأنت الوحيد الصادق اللي كاشف اللعبة ..؟

اثبت كلامك... بس بدون انفعالات وتعصب...ما يحتاج

صاحب الموضوع : أنت فين والربع فين

شركات الحليب لم تشارف على الإفلاس ولم تعلن إندماجها بشركة البيبسي- ويسير حليب بالغازات هههههههه - ولم تسرح عددمن الموظفين بل شركات السيارات هي التي اعلنت ذالك

ولا قول كمان إن هذا الخبر غير صحيح وتبغى دليل !!!!!!!!!!!

وبعدين المقاطعة إذاما نفعت ماضرت لا لأهل دخل محدود ولا أهل دخل ممدود وخل عنك بس

لاكن ماقول إلا حسبي الله ونعم الوكيل على الشريطية والمطبلين لهم

وخليــــــــــــــــــــــــــــــــــــــــــــــــــــــها تصـــــــــــــــــــــــــــــــــــــــــــــــــــــدي

خلوها ........... تصّدي

شكرا لكم جميعا بس فية اخوان احترمهم بشده

ابي اي شخص يجيب لي بس رابط من شركة من الشركات الامريكية الي تقول خذ سيارة واحصل على الثانية المشكلة الاخوان يصدقون الكلام بس ما يتأكدون ابد الله يهدي الجميع .. انا مثلكم ودي تنزل بصراحة واتوقع ان السيارة اذا زادت عن 100 الف ريال بذخ واسراف تحطها في حديد..
شباب (هذي مثل خــدعة الاسهم) ---->> نكبة الاسهم والكل يعرفها وانقرص منها
انا داخل كل روابط الشركات الامريكية ماحصلت ولا سيارة نزلت .. يمكن الاخوان يقصدون شركات ثانية بس في خيالهم هم ..!!

الي عنده رابط عن نزول يحطة ولا يسكت ولا يتكلم ابد ويقول لا اوفقك على اي ساس لا توافق اثبت طيب
ان فية نزول ولا بس تسمع وكلام مجالس .. شعبنا يحب يكذب على نفسة ويصدق كذبة بعد سبحان الله بس

على فكرة : لاحـــــــد يجيب كلام جرايد وخاصة الصحف الي عندنا لانهم يدربونها .. وكلهم يطبلون يعني وسع الصدر

خلوها ........... تصّدي

تعرفون بعد حملة المقاطعه ونزول الاسعار راح تكتشفون ان فيه عضويات تحتاج تتنقح من دبابيس الوكالات ومرتزقتهم

خلووووووووووووووووووووووها تصدي

خلوها وخفضوها

قل لا للشريطية .. نعم للمقاطعة

المعذرة اخي الكريم كلامك غير منطقي أبداً
الآن سعر البترول ما يتجاوز 45 دولار وكذلك أسعار الحديد والمواد البلاستيكية كلها في نزول مستمر .
وهذا يدل بالتأكيد على نزول أسعار السيارات وخصوصاً مع المقاااطعة العاااااارمة التي أخذت في التوسع الكبير.
ترقبواااا النزول الهائل في أسعار السيارات وواصلوا المقاطعة أيها الأبطاال فكما ورد عن عمر بن الخطاب حين اشتكى أهل المدينة من غلاء اللحم قال لهم: أرخصوه أنتم قالوا وكيف نرخصه . قال : دعوه لهم .
لله درك يابن الخطاااب.

قااااااطعواهم.

كلامك عزيزي كله لا يمد للواقع بصلة أبدا !!