ابو فهد ما حصل الا كل خير .
وأرجو ان تسمح لي اني وضح كل بعض النقاط بخصوص اللى قلته فوق
هذا اللي يهمن أنا لأني مزعوج من الطلعات اللي تترتب على الخاص
اخوي ليش تزعل من الطلعات اللي نطلعه على الخاص ,, احنا مجموعة التقينا في المنتدى وصرنا اصدقاء وليس مجرد اعضاء في منتدى ولا هو اللي يربطنا إطلاقاً ,, وكل الطلعات اللي طلعنها عبارة عن كشتات مثل ما يطلع اي مجموعة من الأصحاب ومرتبه بطريقة قد لا تهم منتدى الدفع الرباعي كهواية ! ومعظم طلعاتنا خارج المنتدى كانت عبارة عن مبيت في البر ,, وجلسات لمدة طويلة قد لاتكون ممتعة مع اشخاص لا تعرفهم او تقابلهم لأول مرة في حياتك!
لهذا السبب رحلاتنا للدفع الرباعي اللي نعلن عنها في المنتدى تكون فقط للمارسة الهواية مع جلسة تعارف وتنتهي في اخر النهار او بعده بقليل ... هذا منتدى دفع رباعي وليس منتدى كشتات ورحلات
وبرضو طلعاتنا اللي رتبناهن علنا في المنتدى على أمل انكم تجون ولا أحد جانا!!!!!!
اولاً حأتكلم عن نفسي : الرحلة الأولى كنت نواي اجي وانت تعرف هذا الشي واتكلمنا بالتلفون عن الرحلة ولكن إستجدت الأمور وسافرت للشرقية. وتأكد تماماً ان كل الشباب ما جو الرحلة برغبتهم ولم يكون في إتفاق مسبق إطلاقاً ... بالنسبة للرحلتكم الثانية اللي استغرقت من الاربعاء الى الجمعة انا كنت مسافر لجدة والمدينة من الثلاثاء الى السبت ,, ولو كنت في الرياض كان ممكن حضرت معكم جزء من الرحلة وأيضاء لم يكن هناك أي اتفاق مسبق ان شباب القروب ما يحضرو الرحلة.
ثانياً : كان الإقبال على الرحلتين اللى رتبتها قليل جداً ,,, طيب ليش؟؟؟ ,,, الرحلة الاولى كان ترتيبها جيد ووقت مناسب كونها يوم الخميس الساعة 11 ومكان رائع ,,, لكن اتوقع (وهذا رأي شخصي فقط) ان عدم الأقبال المطلوب لأسباب منها انها كان فيها طابع شخصي وكأنها عزومة وتكفلت بكل الترتيبات والمشتريات وذكرت ان الاجتمام عند بيتك! ,, فكل هذي الأمور تجعل الرغبة في الحضور ثقيلة وكأنك ضيف عند شخص لا تعرفه !! ,, (لكن بالنسبة لي هذه الأمور لم تمنعني شخصياً) ,, لكن ببساطة وعلى بلاطة اذا حبيت ترتيب لرحلة جاية حط اعلان وحدد تفاصيل الرحلة واللي يجي يجي حياه الله يجي معه اغراضه وموية وشاهي وقهوه وويره ومنفاخه الله لا يهينه وممكن توزع مهام الأكل اذا كان في طبخ ,, (ببساطة انت منت مسؤال عن أحد ! )
بالنسبة للرحلة الثانية الأمر تعدل بالنسبة للمشاركة وكانت على القطه ,, لكن كان فيها امر اخر صعبها وهي ان الرحلة طويلة وفيها مبيت !! ,, يابو فهد مو اي واحد يطلع رحلة مع اشخاص ما يعرفهم لمدة يومين ومبيت لليلتين و 800 كم مع اشخاص ما يعرفهم معرفة جيدة ويكون متأكد انه ممكن ينسجم ونبسط معهم! ,, هذا لا يعني بالضرورة الخوف منكم ,, لكن ايش يضمن ان الحاضرين في الرحلة رجاجيل مثل شرواك وناس ينجلس معهم.
ابو فهد انا متأكد انك تشتري معرفة الرجال ومخاواتهم وباين عليكم انك انسان اجتماعي ,, بس امكن نسيت انك في منتدى عام المعدل العمري فيه صغير !
اتمنى انك فهمت قصدي يابو فهد :)
والله ثم والله ين إجتمعت أنت وأبو وسن و ولد وايل لو لحالكم إني لا أذبحلكم ذبيحة بأي بر تختارونه بالسعوديه
الظاهر انك لسه ما تعرف اني حضرمي ,,, اقول انا اجيك بس اخذ الذبيحة واريحك من العزيمة :ch19: وسيبك من ابوسعد وولد وايل ,,, ماعندهم سالفة :tongue:
