مساعدة بشتري كامري 2009

طيب وان ماسددت لمدة 3 شهور يسحبون السيارة منك.. هل يطالبونك بدفع الاقساط المتأخرة؟ ام يكتفون بسحب السيارة وعدم المطالبة بدفع المبالغ لـ الثلاث شهور .... :emot125:
افيدووونا مشكورين

على فكرة انا سمعت انه فيه فتوى بعدم جواز الدفعة الأولى و الأخيره مع بعض

يعني اذا اشتريت السيارة باقساط او تأجير .. اما تدفع دفعة أولى و تقسط باقي المبلغ او دفع اخيره فقط بدون دفعة أولى

بتأكد من الفتوى ان شاء الله

بالعكس اشوف ان البنك الأهلي معقول مقارنة بالشركات .. اضرب لك مثال

اخوي اللحين ناوي يطلع كامري 2009 جي ال القير اوتو

عارف كم حسبوها شركة المتحدة للبيع بالتقسيط .. طبعا هذا تابعة لشركة عبداللطيف جميل

دفعة أولى 10000 .. اقساط شهريه 1600 ريال .. دفعة اخيره 22650 ريال ..

يعني مجموع اللي بتدفعه كاش لهم = 32650 ريال !!! .. غير الاقساط الشهريه 1600×48 = 76800 ريال + 32650 طلع الاجمالي = 109450 .. مع العلم ان السيارة قيمتها بالكاش 74 الف

يعني في اسوء الحالات البنك الأهلي ارحم من المتحدة و الوكالة في نظام الايجار المنتهي بالتمليك

و كل واحد ينام على الجنب اللي يريحه :)

ماعندي خلفية عن الفائدة اللي ياخذها الراجحي او الرياض

بس ماتوقع فيه اختلاف كبير .. اساسا هو يعتمد على سعر السيارة كاش

يعني الفائدة من الكورولا مثلا ماهي زي الكامري او الاوريون

تحياتي يالغلا

^
^
^

صحيح كلام اخوي غازي

و اذا تبي تاخذ ايجار منتهي بالتمليك فانصحك ببرنامج البنك الأهلي افضلهم في هذا الخصوص

احد اقاربي طلع اكورد 2009 سبيشل اللي قيمتها 87 الف عن طريق البنك الاهلي

حسبوها عليه بـ 113 الف .. يعني زادوا عليه 26 الف .. تعتبر زيادة معقولة في سيارة مثل الاكورد

طبعا دفعة 12 الف و اقساط شهريه 1885 ريال على مدى 60 شهر .. و بدون دفعة اخيره

نصيحة شوف لك احد المعارض اللي عندهم عروض عن طريق البنك الاهلي

دايما ارخص من الوكالة سواءا في سعر الكاش او الاقساط


على فكرة البنك الاهلي ما يشترط تحويل الراتب عليه لو كان راتبك مو عندهم

نظام التأجير له عيوب منها ارتفاع السعر لكن له ايجابيات كثيره اولا تامين سياره بدليه في حالة العطل ثانيا لا تنسى انها مؤمنه تأمين شامل انا مثلا قدر الله على بحادث وكلفت السياره ما يقارب من 18 الف ريال انا ما دفعت منها الا مبلغ 500 ريال والباقي على التأمين وتم تأمين سياره بديله لي لحين الانتهاء من تصليح سيارتي وانت لك الخيار

الكامري والنعم فيه

بس نظام التاجير ابعد عنه

حاول كاش واذا ماقدرت خذ سياره صغيره بس المهم كاش ولا تعذب نفسك سنين تدفع على سياره اكثر من قيمتها

يا أخي الكريم الكامري لا غبار عليها سيارة لك وللزمن ..

توفر قطع الغيار والصيانة وسعر إعادة البيع كلها تصب في صالح الكامري ..

ولكن المشكلة بنظام التأجير المنتهي بالتملك ..

بصراحة مصيبة يعني أخذو عليك زيادة تقريباً 40000 بصراحة حرام تجيب فيها سيارة جديدة ..

لا أحد يعلم ماهي ظروفك ولكن إذا تقدر خذ قرض من بنك الراجحي مثلاُ

طبعاً أهم شي أنه شرعي .. وبإمكانك شراء سيارة مباشرة عن طريقهم أو شراء أسهم وبيعها في نفس اللحظة ..

وينزل المبلغ بحسابك خلال دقائق وتروح أنت تشتري السيارة الي تبي كاش ..

والفائدة بسيطة 3.85 %

مثال :

الكامري جي أل توماتيك تقريباً سعرها 74000

74000 × 3.85 % = 2849 ريال سنوياً

2849 × 4 سنوات = 11396 ريال هذا كامل المبلغ الي بيزيد عليك ..

11396 + 74000 = 85396 ريال كامل المبلغ مع الفوائد

85396 ÷ 48 شهر = 1780 ريال القسط الشهري

بصراحة فرق 11000 زيادة عن 40000

والسيارة تطلع بأسمك وتقدر تبيعها أي وقت وتقدر تسدد المبلغ بأي وقت ..

واليوم مريت أوتو ستار عندهم كامري 2008 قير أوتو بسعر 72000

أتمنى لك التوفيق ،،،

ابو عبدالله ///

أنصحك بـ 2008 مستعملة و نظيفة و سعر أقل ومافي فرق بين المودلين

اخوي معه لومينا 2004 ..تصدق للحين ماخلصت اقساطها ...!!!
ونادم على اليوم اللي خذ فيها اقساط
من السلبيات :
الظاهر ماتقدر تسافر خارج المملكه الا بتفويض (يعني السيارة بأسم شركة التقسيط)
ويصير معهم مفتاح سبير عشان لو ماسددت الاقساط يشغلون الموتر ويبيعونه على غيرك
(اتذكر اخوي تمرمط عشان ضيع مفتاحه وهو في الشرقيه ..) اضطر انه يفتح سيارته بـ 600 ريال تقريباً الشركة رفضت تعطيه السبير
الحمد لله ماعمري طلعت موتر نظام تأجير.
لكن ماعمري شفت احد يمدح نظام التأجير بصراحه
هذا غير انهم يأخذون نسبة ربح كبيره

مافيه زي الكاش تريح وترتاح
ولا احد يطق عليك الباب والا يقلقك تلفون يقولك سدد

بالتوفيق انشاء الله
وتقبل تحياتي

ليه يا أخوي ممكن توضح ليه ما تنصحني بنظام التأجير