الف الف مبروك السيارة 00 الله يعطيك من خيرها ويكفيك شرها
شكرا لك :) وجزاك الله خير :)
اللون الاسود حلو عليها بس يبي له تنظيف باستمرار والخدوش يبين عليها وتجمع حرارة
كلامك صحيح، لازم يكون الواحد حريص من الخدوش والأشياء هذي، أما تجمع الحرارة فلا يوجد بسبب ان تقنية زيبارت وغير ان الداخلية بيج جلد كامل، والحمد لله التظليلة مسويه شغل جيد، وزيادة على ذلك الحمد لله، الدوام الموافق ظلال والبيت يوجد كراج الحمد لله.
عموما انا معي 2007 لون فضي نصف فل تفرق عن الاستندر : مراتب جلد وفتحة وستة سيدي ومرتبة السائق كهربائية والصف الثالث ينطوي كهربائيا وحساسات خلفية
نفس الموديل الي عندي، وقليل تلاقيه بالشارع :) وبالعافية يارب الله يبارك لك فيه.
السيارة عملية وراسية ومريحة جداً ماكأنك راكب جيب وتأخذ سبع اشخاص برحابة اوسع من الباثفندر والبرادو تكييف في كل الاتجاهات بارد وفعال في عز الصيف ومواصفات جيدة وتجهيزات امان مميزة منها ادفنس تراك للثبات وايرباق في الامام على مرحلتين وفي جوانب السيارة وبسعر معقول في بحر التسعينات يعني لن تجد سيارة بسعرها الرائع في فئتها
صدقت، وفعلا ان الآن شهر ونصف ومرتاح عليها جدا :)
قبل ان اشتريها سالت عنها الكثير والكل اثنى عليها كسيارة عملية وعائلية 00 اخوي معه 2002 وماشية معه زي اللوز >> تشبيه بليغ خخخ
اللوز برضوا طعمه حلو :).
اما في البر فالسيارة تجمل معك ولكن لاتقارنها بالربع مثلا لانها سيارة عائلية وهي مخصصة للتطعيس المتزن الهادئ الذي يعتمد على المتعة وليس التهور و المطامر والنط من فوق السيوف
في هذا صادق مع أني عليمي طعوس وناوي أجرب مع الأهل وأسأل الله ان يعديها على خير
فالسيارة ليست برشاقة الربع او الفوتشنر00 الاكسبلورر اعلى فئة واثقل وزناً قارنها باللاندكروزر وقد خرجت بها للصمان مع مجموعة جيوب وكان مثار الدهشة للجميع وخاصة من كان يحتقرها 00 حيث اثبتت للجميع قدرتها على التطعيس والذي ياطاه اللاند اطاه بسهولة
واو هذا خبر حلو وودي اجرب والله بس عليمي تطعيس وان شاء الله أني قريب اتعلم، بحاول أجرب خط المطار بالدمام :)
لكن قف لابد من اشياء لتستطيع التطعيس بجدارة 00 منها تنسيم الكفرات على 15 او 10 00 اطفاء زر التراكشن للقدرة على الاندفاع بسهولة 00 الخبرة فالسائق يقع على عاتقه الحمل الاكبر وتستطيع الحصول على الخبرة من خلال اخذ التعليمات من الموضوع المثبت بالقسم والتدريب المستمر لتصل الى درجة التطعيس بمهارة وسهولة 00 ياخوي الخبرة هي الاساس بدليل شف اللي معهم هيلوكسات ينافسون الربع بدون دبل راجع اليوتيوب لتعرف ما اقصد 00 اعيدها على مسامعكم التطعيس يحتاج المعرفة والخبرة والتدريب المستمر اما ان يأتي واحد مبتدئ ( مستحي يقول داج ) ويقول الاكسبلورر سيئة في البر فاقول حدك وما خبرتك حتى تتكلم نحن نعول على كلام الخبير وليس من هب ودب 00 انا ولد عمي شاب زكرت وفي رواية خكيري خخخ عطيناه لاند شاص وغرز به في طعس جنب الشارع 00 هل نقول اللاند خايس وكخه اظن الرسالة وصلت
قوية في الصميم وانا افتقر للخبرة وأخاف اجيب العيد بالموتر صراحة لكن خليه يخلص ال 8000 كيلوا وبجربه ان شاء الله، اما رواية اخرى لولللللللللل هههههههههههههههههههههه :a120(72):
عموما اعيد مقولتي المشهورة : اياك واحتقار الاكسبلورر لانك حتماً سوف تكون ضحية توقعاتك الاعتباطية >> وش عندك ياهتلر خخخ
من أجمل الردود التي قرأة وشكرا لك، وعندي سؤال هل أنت من الدمام؟؟؟
دمت بخير
