النترا نفذت من عند الوعلان

لا بالعكس مو سياسه تسويقيه ،، حقيقه

انا كنت رايح الوعلان مع عمي يبي يشتري فيراكروز 2009 فل كامل قالوا مافيه

الفل بنفقيشن خلص الموجود وانتظروا قفي باخره بتمشي في شهر 10 ويبي له شهر ع شان

توصل واسبوعين جمارك لحد مايوصل هنا ،،

قلنا معقووله لهالدررجه مافيه،،

قال ايه وبهالمناسبه قال لنا ان الالنترا طلبنا من المصنع 270 سياره

ماعطانا الا 70سياره يقول حاليا مانقدر نلبي طلبكم بسبب الطلب العالمي عليها

مخصص لكل وكيل كذا سياره وع كلامه يقول اول نطلب اي كميه يلبيها اللحين لا مايقدر،،

وهذا يحسب لهيونداي ونجاحها واكتساحها للاسواق،،

ويقول قريب هالسياره بتنفذ من المستودع،،

والكلام هذا في العشر الاواخر من رمضان،،

واللحين تأكدت صدق كلامه

دمتم بحب

ايها الحبيب :
لقد وجدتها لدى فرع الوعلان في طريق الملك فهد قبل المملكة تلفون 2167748 / 2167749 والجوال مكتوب على زجاج باب الفرع 0500462592 :emot30:

أنصحك بمثل ما قال محمد الخلاوي

شف معرض بهجة عسير أو الفلاح أو الإختيار

اتوقع فعلا نفذت لان برمضان رحنا مع الوالد يبغى سياره للبيت ونصحته بالانترا لكن قالوا كلها خلصت ماباقي الا وحده فل اوبشن بالمعرض و١.٦ .
ليه ماتقولون ان الناس فتحت على هونداي خاصه بعد الارتفاع الرهيب باسعار السيارت الثانيه.
تحياتي

إن كان تدور تلقاها في معرض بهجة عسير في النسيم

المجدوعي نفذت جميع سيارات أزيرا 2009 وهذا شي طبيعي
الوكيل يفضل يجيب دفعات متعددة على إنه يجيب دفعة واحدة كبيرة وممكن يتوهق فيها

شكرا لك على الخبر

ياشييييييييييييييخ
بالله صدق متى مريتهم
انا مريتهم قبل العيد قالوا تجي بعدى العيد
بالله تكد خضيت بطني

يمكن كان عليها طلب

وهذا اعتبره تخبط وسوء تسويق من الوكيل

طيب هل ممكن يدلني الاخوان على اي فرع ممكن ان اذهب
وهل هناك احتمال ان ترتفع الاسعار خاصه بعد الاقبال الكبير على السياره
واخيرا هل انتشار السياره بشكل كبير خاصه اصحاب ليموزين
قد يؤثر سلبا على خدمه الوكاله بعد البيع وخاصه الصيانه الدوريه

الرجاء الاجابه والافاده