هلا والله وغلا ياغالي انا معي بليزر 2007
اول شي الله يبارك لك فيه ويعطيك خيره ويكفيك شره
بعدين ترا انا عاتب عليك..
من يقول سيارة عوايل؟ لو هي سيارة عوايل ماخذت افضل جيب شبابي من عام 2002 الى 2004 في امريكاا انا نفسك عجبني سعرها دورت غيرها ماحصلت كانت افضل مواصفات بسعرها وهذي مواصفات ونصايح مني لك :
السياره ممتازه بالامان اوووووول شي وصرفية البنزين بمقارنة شخصيه مع كم سياره
مثل كيا اوبيرس وفورد فكتوريا ولاند GXR ممتازه صراحه لكن نصيحه خله دائما فوق النص
عشان لايصرف كثير وعلى كلام الوكاله 95 افضل للسياره ..
فيه مشكلة مانع الانزلاق تخلي الكفرات تغرز!!
وطريقة فك مانع الانزلاق هو الزر اللي على عامود القير عاليسار
ضغطه وحده تفكه لك بنسبة 75% وكذا بيغرز بعد!! طيب كيف نفكه كامل
خلك ضاغط ضغطه طويل 12 ثانيه اتوقع بيطلع لك لمبة مانع الانزلاق تأشر شوي وتصير ثابته
كذا يكون مفكوك 100%
ورح زر عليه و طعس وانبسط بس انتبه لاتفلها واجد هههههه
قوة المكينه .. طبعا في السعوديه الوكاله ماتنزل الـ8 سلندر ..
ماتنزل الا 6 .. بقوة 290 حصان تقريبا
التعديلات البسيطه والرخيصه :
اول شي مثل ماقالو الشباب الشبك اللي فوق فكه كله .. اذا تعرف فكه بنفسك بسيط ..
ثاني شي فك الدعاسات اللي عالجوانب ..
ثالث شي انت حقك LS وشبكك يجي نيكل صح؟ اذا لون سيارتك اسود فيه لزق اسود حطه عليه ووفر قيمة الصبغه واذا لون ثاني اصبغه نفس لون سيارتك
الدبه انا معك شكلها قبيح !!! كبيره واذا انت تحب اصوات السيارات القويه
فيه حركه حلوه وماتأثر عالسياره .. تروح لورشه وتخليه يفك الكنداسه ويمد ماصوره للاخير وتركب شكمان اي شكل حلو بيطلع صوت سيارتك زي السيارات المرهمه وهذا مقطع من يو تيوب
للي يسمونه الاجانب سترايت بايب على شيفي سيلفرادو:
http://www.youtube.com/watch?v=CAo1QmhFU6w
وتقدر ترجع الكنداسه اذا ماعجبتك الحركه ..
غير كذا ياطويل العمر التهبيط .. انا صراحه ماهبطت سيارتي لكن افكر اركب يايات رياضيه تنزله شوي..
وفيه ياطويل العمر كبوس الضباب تلقاها فالغرابي على 250 لكن تأكد منهم وانشب لهم يوزنونها لك زين ترا حقتي خلوها حولا وحديه يمين ووحده يسار خلهم يضبطونها انشب لهم..
وكل هذا مايكلفك شي ..
اذا ودك تقدر تصبغ مساكات الابواب واللي ورا تحت الاصطبات وجوانب السياره من تحت عند الدعاسات تجي بدون بويه للـستاندر+ اشاره عالمرايات زي حقت الفل ..
اتمنى اكون افدتك واسف عالاطاله ..
اخوك
سطام
