السلام عليكم
صيام مقبول ان شاء الله للجميع
السياره موديل 98 ونظيفه جدا ولكن هالايام بديت ألاحظ فيها مشكله
الحراره الطبيعيه كانت على الربع لكن لاحظت لما أوقف والسياره شغاله لوقت طويل مثلا خمس دقايق أول شي الحراره ترتفع الى النصف واشوف عداد دوران المحرك ينخفض الى 0.4 ومره السياره شغاله لمدة ساعه تقريبا فتفرغت البطاريه (أتوقع عشان الانخفاض في دوران المحرك فما صار الدينمو يشحن) ومره ضليت ساعه واقف فنزل دوارن المحرك تحت ال0.4 وبدا المحرك يلخبط يعني يطلع عداد الدوران 1 ثم ينزل 0 باستمرار حتى طفيت المكيف فرجعت السياره طبيعي يعني باختصار تقوم السياره تخرف لما ترتفع الحراره
المهم مريت على الورش في الدمام والثقبه وشفنا رديتر المكيف تعبان ويبيله تغيير ورديتر المكينه يبي له تسييخ فقط
وفيه واحد قال المروحتين الأماميه صايره ضغيفه ومحل ثاني قال كذا طبيعي لانها درجات حسب الحراره تقوى وتضعف
فيه واحد قال شاف كلتش المروحه وقال 90% يبي له تغيير بس مبدئيا نظف الرديتر
وانا ما همني راح أصلح السياره لو فيها شي لكن ما ابي اغير شي ع الفاضي وانتم عارفين اللكزس ما ترحم
برضو فيه نقطه ثانيه,, لما شريت السياره (مستعمله طبعا) كانت الحراره دايما بارده يعني حتى توصل خط الC تحتاج نصف ساعه ودايم بارده ما شاء الله واستمرت تقريبا شهر حتى وديتها عند واحد غير لي السير حق المكينه واحتاج يفك الرديتر ويركبه ومن يومها صارت الحراره أعلى بكثير أو بالأصح رجعت للمعدل الطبيعي لانها أول كانت أبرد من الطبيعي فأبي أعرف وش ممكن حركة سواها صاحب السياره القديم عشان تكون بارده كذا؟؟
أي نصيحه أو تلميحه ممكن تكون مفيده فلا تبخل علينا وحتى لو فيه ملاحظه على كلامي أرجو الافاده وشكرا
