السلام عليكم
كيفكم شباب
انا خاش هنا وابي منكم المشوره الطيبه
انا طول عمري اسوق مواتر امريكيه ثمانيه سلندر وكان اخر موتر بيوك رود ماستر (وانت عارفين قوة مكينته) استمر معاي اربع سنوات
بعدها وبعد مشوار طويل من البحث استقريت اشتري كابريس الجديد 2007
سحرني روعة ال تي زد وميزانيتي كانت تجيب لي سته سلندر وتوكلت على الله
الموتر معاي له 10 شهور وصراحه ما شفت منه الي يعيب
لكن بطبيعة الحال المكينه صغيره والعزم ضعيف + المكينه لها حنه مو مثل الثمانيه تكون مرتاحه
وانا طالب تشورون علي
استمر على موتري...؟
او
ابيعه واشتري كابرس ال اس 2008 جديد او اخو الجديد
او
ابيعه واشتري C300 بمحرك هيمي موديل 2005 او 2006 يكون استعمال حشمه
انا افكر بالخيار الاخير لان الكابريس راح يتغير شكله في نصف 2009 لكن الكرايسلر على ما سمعت انه 2012
عموما اعتبروني اخوكم وشوروا علي بالمشوره الطيبه لحد يذم موتر عشان يمدح الثاني
والله يعطيكم على فد نياتكم
اخوكم فهد
