تمتع بالقيادة ودع المساج لنا((يوكن دينالي2008))((قوديير))؟

شكرا لك اخي الكريم

للعلم السيارة ما شية 2400 منها 1800 تمرين

والمصيبة يوم استلمتها كانت ماشية 30 كلم قلت لهم وش هذا ليييييييييييه قالوا هذي طال عمرك اخذناها وطلعنا بها خط عشان نجرب الكفرات وتمام ومبروك عليك.

يعني مجربينها عشان يتأكدوا انها ترج لو ما ترج يخلوها ترج عشان يمرمطوك؟ عجب العجاب

ماعندي علم ياخي الكريم عن سبب 5000 الآف
إلاأن صاحب المشكلة يذكر أن الوكالة قالوا لايمكن تغييرها لأنها تجاوز الحد المسموح به في الضمان (5000 كلم) علماً بأنه قد مشى عليه 20 الف كلم
طبعا بعد الأخذ والرد تم تغيير إطاراته من قبل وكيل الإطارات بعد أخذ تقاسم قيمة الإطارات بينه وبين الوكيل

طبعا السيارة يوكن 2007

شكرا على التنبيه لاني كنت ناوي اوديها لهم اذا قربت اجازتي ساعتها اتوقع اني معدي ال 5000 واقعد بها.

بس اش معنى ال 5000؟؟

شاكر تجاوبك اخي الكريم

الإطارات المزوده فيها سيارتك مؤقتك ورخيصة سعر مفردها قد لايتجاوز 35 دولار ..
وقد حصلت المشكلة لواحد مثلك وغيرها على الضمان والضمان ينتهي عند 5000 الاف كيلو
يعني إنتبه تتعدى ال5000 كيلو لأنه بيروح الضمان أهم شيء تغيره الآن

بالنسبه للوكاله والخوف من سجن السياره, أطلب منهم فقط موعد حتى يطلع معك الفني ويأكد وجود الرجه بدون ماتدخل السياره (وإذا مارضوا دور أقرب مدير أجنبي) وتعال على الموعد, وبعدها بيعطونك الورقه لوكيل الكفرات.

سلام عليكم ورحمة الله وبركاته

بفضل من الله اشتريت سيارة يوكن دينالي 2008من التوكيلات بجدة فرع فلسطين، وكنت يوما عن يوم يزداد اعجابي بها الى ان خلصت تمرينها المحدد في الكتالوج المرفق معها بحذافيره وزودت بعد من الحرص 1000 كيلو ما عديت ال 90كيلو/س،،،

بعد ما خلصت التمرين قلت خلني اشد عليه شوي الى 140كلم/س وحقيقة تفاجئت عند وصولي لل 130 او قبلها الى ال 140 حسيت ان المقعد ينمل كنك على كرسي مساج بس خفيف جدا،،ويدي على الدركسون ترجف تقول نفاضه؟؟

استشرت احد الاخوان مالكي اليوكن موديل 2006 وحكاني معاناته معهم بهذا الخصوص لمدة شهرين وهم يوزنون له ويرصصون وآخرتها قدم شكوى لدبي فأفادوه ان لديك في الكفرات مايسمى ب((فلات سبوت اوflat spot)) من سوء التخزين من الوكالة طبعا،،وبالمناحلة غيروه له على حسابهم،

طيب اش اسوي؟؟ قلي الله يعينك ادفع 100 ريال ورح يم شركة قوديير عند الكبري المربع وقلهم ابيكم تفحصون لي الكفرات واذا طلع فيها الفلات سبوت ود التقرير للوكالة وريح نفسك من مرمطتهم وهم راح يعطوك ورقة امر تغيير لقوديير،،حلو الكلام وجزاك الله خير.

عشقت الموتر وهب على قوديير سلام عليكم شوفوا لي الكفرات بالله لانها احتمال انها مصابة بفيروس سبوت!!قالوا لي ابد ما نقرب منها الا بأمر من الوكالة يارجال يهديكم يرضيكم خذوا مني فلوس خذوا 100 200 بس فكوني من الوكالة ما غير تسجن في سياراتنا باليومين والثلاثة بدون فائدة قالوا ابد لايمكن انا نقرب من سيارة جديدة الا بأمر من الوكيل!!طيب سيارتي وانا حر فيها افحصوها لي قالوا جديدة رح للوكيل!!يا ناس يا عالم فين احنا ؟؟يعني كلكم متفقين على العميل المسكين؟!

رحت الى باب الوكالة ورجعت خفت من عدد السيارات الموجودة هناك وقلت بس اكيد ان فيها سجن لموتري اقل شي 5 ايام ويطلعوه زي ما يطلع مصاب الزكام من مستشفى حكومي مرموق.

قلت في نفسي يوم اشوف اني احتاج اجازة من العمل ساعتها ما احتاج السيارة بأوديها لهم وربي يعينني على مناحلتهم.

سؤالي يا اخواني الكرام هل ما يحصل هو فعلا فلات سبوت ام ان هناك امر اخر ولمن مر بنفس التجربة ماذا فعل وما هي الحلول،لاني افكر اروح لاي وكيل كفرات اخر ميشلان برجيستون مثلا واطلب منهم الكشف بس ما ادري هل يوافقون يكشفون على كفرات ما هي لهم؟

شكرا لكم،،،

الله يعينك وتحل مشكلتك .. وإن شاء الله أهل الإختصاص يفيدونك
بس والله قهر سيارة جديدة يطلع فيها هالشي , , والضحية أنا وأنت