ماهي أبرز عيوب الفيرا كروز ؟

كوريه ولن تقارن بتويوتا لا من حيث الاداء ولا الجوده ولا اسعار القطع ولا وخدمات مابعد البيع

ألف ألف مبروك , الله يباركلك فيها ويعطيك خيرها ويكفيك شرها

أخيرا
استلمت الفيرا كروز
وطلعت الأولاد فيها وحقيقة فيه فرق كبير جدا جدا - لين تتعب - بين الفيرا والتوسان الستندر ههههه
تكفون يالربع باركوا لي

الفيراكروز سيارة رائعة ومتالقة
وتوكل على ربك وصراحة مدهشة

ولا تدري لا اوتلاندر ولا غيره خلك على الفيراكروز .. لا يجينا مثل ثاني بعد :، )

ههههههههههههه شكلك خايف من الأمثال
أشكرك أخوي فهد على المشاركة اللي فعلا استفدت منها
وأرجو إنك ما تضايقت مني , الله يحفظك ويسدد خطاك
وتشتري فيراكروز فل كامل وتدعيلي

الصراااحة أنا جربت الفيراكروز
و اندهشت من الراحة و العزل الي فيه
فهو مريييييييييح جداً في المطبات بالنسبة لسيارة 4*4
و يقول المندوب في الوكالة انه فيه هيدروليك و الله اعلم
و مابعد تجربة أخونا دبدوب تجربة و أنا أقوله اني دبدوب مثله و أغلب السيارات تضايقني في المساحة سواء في الأمام أو الخلف لكن الفيرا كروز وسيع ماشاء الله

ختاماً اذا كنت مقتنع يا خوي بالسيارة توكل على الله وخذها
ولا تنسى الإستخارة
و الله ولي التوفيق
تحياتي

الجديد له نكهته صحيح

لكن الفيرا .. كسر هذه القاعدة

|364|

وش جاااب طاري الطيور والمقناص !! احنا في السياات الحين:smilie6:

ما فهمتني اخوي العوفي اقصد ان الجديد له نكهته الخاااااصه واقرب سياره مقاربه لسعر
86 الف ريال هي الفورنتشر على مااااااااااااااااااااا اعتقد ..

طيب ليش ما تشوف نص فل اوتلاندر جديد بهالقيمه تقريباً ؟

ولا تدري لا اوتلاندر ولا غيره خلك على الفيراكروز .. لا يجينا مثل ثاني بعد :، )

ما وهقتني ولا شيء

إلا أشكرك على الدعاية << :D



^ ^

تسمح لي أنكر .. :D

أخوي الباث فايندر جيب دبل

الفيراكروز كروس أوفر رباعي وليس دبل

يعني كل واحد مُبدع في مجاله .. |364|

انصحك بالبرادو نفس سعره تقريبا .. وافضل بمراحل ومحد ينكر هالشي

وبالتوفيق ..

أشكر أخي الفاضل دبدوب على ما أتحفنا به من معلومات ريحتني كثيرا قبل الشراء
والشكر موصول لأخي مايكروسوفت لتواصله معي
الأخ الزعيم نعم قد تجد بعد كم يوم في فرع طريق المدينة أما الآن ما عندهم إلا الكوبيه والنترا والفان
أخوي فهد اللي ما يعرف الصقر يشويه .
صديق لي عنده الفورنتشر 6 سلندر يقول ( ينقز ) وأنا ماشي , قصده هايلكس مصندق , يا أخي شف شكله كأنه نص سيارة ,

^^^^

واضافة لمشاركت اخوي الزعيم

اخوي العوفي شوفلنا فيرا حق اخونا الكبير مايكروسوفت
وفلوسه جاهزة كااااش :emot114:


وهق مايكرو:a120(37):


تحيااتي

أخوي العوفي س

السلام عليكم

الله يبارك لك و يعطيك خيرها و يكفيك شرها ان شاء الله

سؤال لو تكرمت : هل الفيراكروز المستعمل موجود في قسم المستعمل الخاص بالناغي في بني مالك ؟؟ أم هناك مكان آخر للمستعمل غيره ؟؟

لأنني مريت عليهم من فترة و ما وجدت إلا سيارة فيراكروز واحدة فقط موديل 2007 نص فل.

و شـــكــرا

على البركة وألف مبروووك

الله يعطيك من خيره ويكفيك شره ويبارك لك فيه

والفيرا ما شاء الله ما يعرفه إلا إلي جربه

|364|

والله بـ 86 الف ...... يا بلاش وعلى الضمان بعد

اصلاً هذا سعرها المفترض وهي جديده وبالكثييييييييير 90 الف بس وش نسوي

رأيي اذا كنت مرتاح لها ومضمونه توكل على الله وخذها

بس بـ 86 الف ما تحصل فورنتشر جديد 6 سلندر اوتوماتيك دبل ؟؟

ترى الجديد له نكهته الخاصه <<< وين شاهي ربيع مغلف :)

والله الموفق

اسف بس حبيت اضيف
بعض المعلومات عن السياره وهي ان السياره كملت معاي ولله الحمد
سنه وماشيه 35000 ولين اليوم ولله الحمد الف مره
ما اشتكيت منها في اي شئ
وما اذكر ان صادفني فيها مشكله


تحياتي مره اخرى

اخوي العزيز العوفي س

مساك الله بالنور والسرور ..
واشكر ثقتك وتقديرك ودعوتك ..


بالنسبة للحبوبه الفيرا فالبدايه كل شخص ممكن يقرا الرد يقول
الاخ لازم يمدح لانه يمتلك الفيرا
بس برد عليه مسبقا وبقول لا الوكالة ملك للوالد ولا السياره خذيتها عن طريق سحب جوائز
بالكارفور ,,, السياره انا دافع فيها 120000 درهم اماراتي يعني لو ما عجبني فيها شئ ولو فيها
مشاكل ما بستفيد اذا خبيتها عن شخص بيقدم على نفس الخطوه وياخذ نفس السياره..

اول ياخوي العوفي في شئ لازم ناخذه بالحسبان وهو ان السياره مستعمله و الله اعلم باستخدامها السابق

ثانيا السياره مش الفل يعني لازم تكون متوقع وعارف شو الي ممكن تخسره من مميزات الفل

ثالثا والاهم والحلو بالفيرا ان الفل والاستاندر والنص فل كللهم نفس المكينه ونفس القير ونفس نظام الدفريشن والفورويل بمعنى ان العزم في كل الفئات واحد بل بالعكس يمكن النص ولا الاستاندر تكون عزمها اكبر بحكم نقص المزايات والزوائد الداخليه الي تاخذ وزن فالسياره .

بالنسبة للفيرا يا طويل العمر وطال عمر السامعين
سياره مثل ما يسمونها SUV سياره متعددة الاستعمالات ممكن تعتبرها سيدان مرتفع عن الارض
ممكن تكون سياره فان عائلية ممكن تكون سياره رحلات للشباب ممكن تكون سياره عاديه للمدينه ومشاوير الدوام ..

رائي فيها بالنسبة لعزل الهواء جيده ما شااء الله عليها على سرعة 180 وفوق تحس بصوت خفيف
وبالنسبة لسياره مرتفعه عن الارض ووتحتك بالهواء بكمية كبيرة فيعتبر لابااس ابدا.

بالنسبة للراحة سياره مريحة جدا من ناحية الكراسي وللمسافات الطويله والاهتزازات جيدا جدا
غير ان نظام التعليق فيها مبتكر ويتجاوب مع السياره ومع الانعطافات المفاجئة وثابته

بالنسبة للرفاهية انا بتكلم عن الفل الي عندي اول شئ طبعا المفتاح الذكي وتشغيل السياره من دون مفتاح وزر البصمه على البابين الامامين وكراسي الكهرباء غير الذاكر الي تحفظلك وضعية الكرسي والسكان(الاستيرنج) وحتى تحفظلك وضعيه المرايات الجانبية ما نقدر ننسى الفل كنترول على المقود ومثبت السرعه والجلد والنظام السمعي المتطور والسماعات الي موزعه في كل السياره ومكيف الهواء وفتحاته الي موزعه على سقف السياره

بالنسبة للدفع الرباعي عزم وقوة وسياره رحلات خفيفه او رحلات بحر
انا ما بقول انها توازي النيسان فتك فالبر ولا غيره لا الفيرا مش للطعوس الكبيره والرمله الناعمه الصعبه ,,,, الفيرا مثل ما علقت وقلت لرحلات البحر وطلعات الـ OFF ROAD

بالنسبة للثبات الانظمة الي فيها متطوره وحلوه نظام الـ ABS و ونظام الت ESP يوفرون للسياره كل الثبات المطلوب من ناحية انزلاق العجلات فالبريك المفاجئ او حتى الانعطافات المفاجئة

بالنسبة للرحابة سياره سبع ركاب مريييييييييييحة انا دبدوب وصدقوني من دون مبالغه اني اركب فالصف الثالث وانا مرتاح

مممممم
شو بعد ما تكلمت عنه
صراحة ما اذكر بس لو في شئ ما ذكرته وحاب ان اعقب عليه ياريت تذكرني الله يذكرك ويذكر الحاظرين بالشهاده


اااه تذكرت الموضوع كان المشوره وانا اشوور عليك انك تجرب السياره وواثناء التجربه حاول تعمل فيها الي انت حاب تعمله لو اشتريها بمعنى لو انت راعي بر جربها وادخل البر اذا انت راعي خطوط جربها وروح الخط اذا انت راعي دعاس ادعسها ,,,, شوف انت شو تحب واعمله فيها
واهم شئ الاستخاره والله يخيرك الي فيه مصلحتك والتوفيق للجميع

تحياااتي
اخوك دبدوب

أشكر جميع الاخوة الذين علقوا على الموضوع
1- السيارة عند الناغي ماشية 27000 فقط كانت مع مدير قسم , باعها على الشركة بـ 85000
وبأشتريها بـ 86000 فقط .
2- السيارة لونها أسود مطفي من الخارج , ومن الداخل بيج , ما هي فل كامل ناقصها الشاشة والمكيف الخلفي والحساسات وأزرار تخزين ظبط وضع المقاعد والمقود
3- وصلت لصاحب السيارة وسألته عن سبب البيع قال لي أنه يفضل الفل كامل
4- وقال لي أن أبوه سافر بها مرة واحدة للمدينة وقرر يبيع اللاندكروزر وطلب منه انه يشتري له واحدة منها
5- الرجل كان معاه لكزس وباعها واشترى الفيرا كروز
6- الرجل بعد ما باع الفيرا اشترى الفل كامل منها
7- قد يقول البعض انه مدير قسم عند الناغي ويمكن يملح , لا , الرجل مدير قسم بعيد عن السيارات
وما أظن أنه بيملح خاصة بعد ماقلتله إلى بآخذ قرض وأشتري السيارة
8- المقارنة مع الفوتشر والباثفندر والسانتافيه إن هذه السيارات طيبة والله يبارك لملاكها لكن الفيرا كروز شي ثانييييييييي ياأخوان خاصة بعد التجربة
9- هناك عدد محدود جدا عند الناغي وهذه أسعاره الفل كامل في التسعينات والنص فل في الثمانينات
أهم شي أنها كلها على الضمان
10 - أدعوا لي بالبركة ياأخوان
والسلام عليكم

والله مدرى لكن اذا تبى السانتافى ماعليه كلام