برادو vs يوكن

اشاعة مشكلة القير

يقولك وش لون عرفت انها كذبه قال من كبرها

اختيارك موفق بإذن الله ,,,

لكني اقترح عليك يوكون او تاهو دبل ,,

البرادو الشكل قديم ولم يتغير مذن مده ,,,

الا اذا كانت احتياجاتك في البر تغلب احتياجاتك للسياره في المدينه ففي هذه الحاله انصحك بالبرادو ,,,

بالتوفيق ,,,

تحياتي,,,

والله لا احرق دمي ولا مايحزنون وليه ازعل هو ساب ابوي والا واحد من اهلي
لكن انا الاحظ اي استفسار لاي عضو يجيك عضو يرد "انا ما اخصص شخص معين فيه كذا شخص"عن اي سيارة وطرفها الثاني يوكون او حتى يسال عن اليوكون مثلا تحصله يفرض عليه رايه والمشكلة انه ما يجيب كلام مقنع او دليل قاطع

احد المواضيع فيه واحد يقول انا ما ابغى الا يوكون لكن وش اللون المناسب جاء واحد ونط وقال انحش ترا فيه وفيه وليش ماتاخذ اكسبديشن او تاخذ.......... مثال لحد يروح تفكيره بعيد

هذا كل الي في المسائلة

لكن صدقوني لو شخص يجيب مبررات وشياء عقلانية واسلوب رائع للطرح ينم عن فهم وعن تجربه حقيقية
ماراح اتدخل نهائيا لكن اذا شفت الغلط من الواجب اني اصحح

ياخوي انا موتري تماتيك ولاعن ابو خامسه ولله الحمد مافيه شي وموديله 2004

ومساله القير على الاستخدام

اي سياره بالعالم بتخرب لكن فيه سيارات خراباتها كثيره لدرجه شهرتها بكثره المشاكل

اما اليوكن تفوق على اللاند هذي نكته محشش

عموما والكلام موجه لصاحب الموضوع

الموترين كلهن من اروع مايكون

اليوكن للسفر والخطوط
والبرادو للمدينه والبر

لكن لا تنسى انه قطع الغيار والصيانه وراحة البال بدون متاعب فهي من صالح البرادو

شكل وراحه ركوب وسعه داخليه فهي من صالح اليوكن

انت واحتياجك

وعسى الله يكتب لك اللي فيه خير

يـــــــــــــــوكون :c000:

يا سيدي ربنا يبارك لكم في مركبكم ويعطيكم خيره ويكفيكم شره ,,,امين

^^
والله نفس الشي اخوي C300-SRT8 . .

معنا يوكن اكس ال 2007 وواول دفعه والحمدلله عسل .. رغم انه يمر عليه بالاسبوع ثلاث سواقين .. لكن ماشي حاله .. وصاحبي معه تاهو وكل وقته مقاومات وعال العـال . .

طبعاً خياري بدون تردد بيكون لليوكن اللي تفوق على اللاند فما بالك بالبرادو !

واللي يتكلم عن مشاكل القير الاوتو باللاند عموماً
يخش ورشة السيارات ويشوف .. واقرب موضوع

http://www.assayyarat.com/forums/showthread.php?t=117512

والله يالقمر المديني انك باط كبد C300-SRT8 هههههه
ياخي خف على الآدمي شوي ترا احرقت دمه....ماغير يطاردك في اي موضوع عن الاكسبديشن...قوله انه قير اليوكون احسن قير سيارة في العالم عشان يرتاح نفسيا :)

انا ودي يخرب اليوكون الي عندنا عشان اقتنع بحكاية القير

والله يا اخي نصيحه لله روح للبرادو افضل لك
اليوكون مشكلته موضوع القير الله يكفينا واياكم شره ,,اصبح الموضوع اكثر من مجرد سمع عن سياره او اثنين بل الموضوع اصبح شائع ولو اني كان ودي انصحك به لانه الاميركي صراحه افضل من الياباني في الراحه والسعه والخط والرساوه وقوة المحرك لولا ما قلت
وربنا يقدم لك الخير ولاتنسى الخيره في كل الاحوال

كلهم سيارات حلوة وأنت على حسب استخدامك..

إذا عائلة كبيرة وراعي خطوط فاليوكن أنسب..

وإذا انت راعي بر فلا بديل غير البرادو..

ولا تنسى الإستخارة

بالتوفيق.

اخي يعتمد على حجم العائلة لديك. طبعاً لا يقارن البرادو بالتاهو او اليوكون من جميع النواحي لا في المكينة ولا في المساحة الداخلية ولا في الراحة و امور كثيرة بس إذا ان عدد افراد الاسرة قليل و انت راعي بر فأنصحك بالبرادو VX وعلى فكر 2009 تراه متغير تماماً حسب وكالة "يقولون" والله اعلم.