:باي:السلام عليكم يا شباب امس صارلي حادث بالتخصصي وانا نازل تحت الكوبري اشوف شباب مسكرين الخط ويستهبلون اظغط فرامل و صدمتلي سيارتين سيارتي من الجنب الي قدام فوق الرفرف متعفط والعكس الي قدام انعفط وين تنصحونني لاي ورشه وشكرا
سلامات أخوي TORNADO_SS وما تشوف شر . وما دام سلم العود الحال يرود .
شوف أخوي " TORNADO_SS " بالنسبة للورش في الرياض فيه أحسن من الوكالة باكستاني في الصناعية القديمة " يحبه قلبك " اسم ورشته ورشة " أبو محمد " سمكرة وميكانيكا وسعر خيالي وشغل زي ما تحب ... بس كل ما عليك روح للعمال في الورشه وعطهم بخشيش على عشره ريال والسمكري عطه عشرين ريال ( يستاهل ) ( حتى لو قدام مديرهم عادي ) وباشر عليهم على قوطي ببسي ... وقول لهم شغل كويس 100% يا صديق أنا فيه زيادة بخشيش . همن يدهرون على سيارتك وشرط يطلعونها لك أحسن من شغل الوكاله ... رقم مديرهم محمد أشرف ( 054167879 ) قول له أنا جاي من طرف عميلك أحمد مطر أبو شنب أحمر راعي الرينو سفران اللي أنت رشيت كبوت ورفرف . على شأن يعرفني بس لا تصدق تقول له أبو شنب أحمر .
وبعدين وأنت واقف عند ورشة أبو محمد هذه ووجهك غرب يوجد في آخر الشارع اللي أنت فيه على اليمين ورشة الوفاء اللي يذكرونها الشباب ولكنهم غالين مرررره وسعرهم يقص الظهر وإذا تدور التوفير لا تروح لهم ...
سلامات اس اس 2002 ياخي اللومينا مافيها امان والله تعفطت السياره يقولون تالفه من الصدام الى بابي وهي متعفطه والعكس راح فيها يعني السياره راحت في خبر كان وراحت سيارتي الحين لشيخ الدلالالين علشان يسومه قبل وبعد الحادث وانصحكم لحد يشتري لومينا ترى سلامتها ماعندك احد وشكرا
السلام عليكم وسلاااااااااااااااااااامات اخوي تورنادو وما تشوف شر... وانا والله بعد من يومين مسوي حادث كانت ممطره عندنا وحبيت استعرض ورحت خمطتلي جدار...ورجلي اليمنى انكسرت....الحمدلله ...قضاء رب العالمين
ألاخوة الاحباب : ان شاء الله ماتحتاجون الورش من غير شر .
وزيادة على ما تفضل فيه اخوي فتى التحلية رح لورشة ماي كار my car شفهم في الصناعية القديمة .
أغلب السيارات الي عندهم سيارات فخمة وشغل نظيف ترى الوكالة أحيانا توديلهم سيارات وشغلهم بوية وسمكرة .وتراهم غالين شوي .
ولا تنسانا من دعواتك .
تحياتي للجميع .
كاتب الرسالة الأصلية رفاع الحمد لله على السلامة .
في الحديد ولا في العبيد .
عاشق الخالد ما قصر لاكن الوكالة غالية كثير وزحمة .
maas بيعلمك الي بالشرقية ، وانا بعلمك الي بالرياض غالين شوي لاكن شغل يستاهل وأحيانا الوكالات ترسل سيارات لهم .
تحياتي للجميع .
الحمد لله على السلامة .
في الحديد ولا في العبيد .
عاشق الخالد ما قصر لاكن الوكالة غالية كثير وزحمة .
maas بيعلمك الي بالشرقية ، وانا بعلمك الي بالرياض غالين شوي لاكن شغل يستاهل وأحيانا الوكالات ترسل سيارات لهم .
تحياتي للجميع .
