السلام عليكم ورحمة الله وبركاته ..
اولا
اشكر صاحب الموضوع والشباب بجد على هالموضوع الرائع جدا والجبار وهو السبب في دخولي المنتدأ
ثانيا
انا عندي كابرس ls 2007 6v ماشي 180 الف كم والسياره ولله الحمد مرتاح معاها هو صحيح واجهت مشاكل بس بالعموم السياره والله روعه
ابتكلم عن اكثر من نقطه
1- مشاكل السياره :
بصفه عامه اول ماتطلع من الشركه لازم يطلع لك فيها عيوب وهذا خلل من المصنع وتتحملها الوكالة بس لما تتصلح بعدها احكم على السيارة وغالب المشاكل فيها طقطقة جهة مساعدات السياره ورجه في الكفرات وتنسيم في الابواب خفيف ويكون واضح اكثر للي عنده فتحة سقف .. ولازم تقابلك مشكله تعليق مانع الانزلاق وبعدها علامة التشييك اللي فيها صورة مكينه وعلامة البطاريه وحزام الامان وعلامت الزيت وهذي سهله اذكرها لكم في الحلول ..
والمشاكل الي تبقى وصعب تصلحها هي ان السيارة من الداخل يتفكك الديكور حقها ويطلع اصوات .. ومشكله خطيره جد وهي في الـ ls كله ما ادري عن الانواع الثانيه هي ان الفرامل ضعييييييييييييييفه مره تبين معك اذا مسكت فرام بقوه وفي حال كانت السرعه 160-220 كم وربطت فرامل بقوه تبدأ ترج على خفيف ..
والمشكله الاعظم قع الغيار غاليه وبقوه بعد انا خرب عندي الكومبرس حق المكيف ورحت الشكره قالوا بعد الخصم وحب الروس بـ 3100 ريال وبيتجملون معي ويعطوني بـ 3000 قلت هذي قيمة مكينة سيارة والاقمسه الامامية بـ 830 قبل الخصم وفي قطع وقطع بس اللي يبي يشتري يسال في كل الوكالات لانه ترى فيه فرق كبير والله يوصل احيانا 300 ريال في بعض القطع ..
2- كيف تعالج بعض المشاكل :
بالنسبة لعلامة البطاريه اذا زاد الضغط على البطاريه تشتغل على الشاشه وتروح بعد 25-60 كم واما مشكلة مانع الانزلاق في سهله جدا سببها مشكلة في حساس بوابة الهواء (في ناس تسمية حساس ايرماس ) اما يكون خربان ولا يكون في تنسيم هواء ويقلل من كمية الهواء اللي تحتاجها المكينة وانا اعلمكم كيف تعالجونها ولها طريقتين الاولى تمشي على السيارة 50 كم وتطفي من حالها بعد ما تطفي السيارة واذا ماطفت تبرمج السيارة انت ما يحتاج جهاز برمجه بـ 100 ولا 150 ولا 200 والبرمجه هذي لاي مشكله تطلع لك في السيارة وهي سهله جدا :
اول شيء تسحب المفتاح من السلف ضروري _ ونصيحه لا احد يفصل البطاريه والمفتاح في السلف يسبب لك كارثه في كل السيارت الجديده _ وتفصل البطاريه لمدة دقيقتين (2) لا تزيد ولا تنقص لانه لو زاد يضيع الدنيا عندك وبعدين تشبك البطاريه وتشدها وتدخل المفتاح في السلف وتدوس بنزين 7 مرات وبعدها تشغل سويتش وتطفيه 3 مرات وتخرج المفتاح وتقلبه وترجع تشغل السياره كذا انت برمجت السيارة وتروح كل العلامات اللي بالشاشه واذا رجعت لك اي علامه اعرف انه لازم تغير ولا تصلح المشكله ..
وبخصوص حزام الامان فحلها سهله مره انزل تحت الكرسي حق السواق من الخلف وتحصل التوصيله طالعه من حق الحزام افصلها وكذا انحلت المشكله
اما زيت الماكينة حلها اخوي cranchy الله يعطيه العافيه المشاركه 59 صفحه 8
والشباب اللي يشتكون من انه مافيه mp3 في ls ففي طريقه وهي انه ياخذ مسجل لومينا ss فيه mp3 و يركب بس يدور له صرفه في اللون
واخوي اللي يبي جهاز gps
صورته
فهذا شغلته شغله ويبي له برمجه والبرمجه من الشركه وتكلفك البرمجه في الشركه 1200 - 1800 مع التركيب الجهاز سعره في الشركه قبل سنه ونص 11 الف ريال مع السيدي ما ادري اذا نزل سعره ولا زاد
وبخصوص مشكلة الكفرات انا غيرت كفرات دانلوب وراحت رجت الكفر واذا ماراحت سوي لها ترصيص ارضي وتروح .
وعندي مشكله في المكيف بعدما صلحته يفصل اذا شديت على السيارة ولا وقفت وقفلت المكيف وشغلته بسرعه ولا عرفت المشكلة اذا حصلت لها حل قلت لكم واذا احد واجهته المشكلة هذي يعطينا حلها ..
طبعا في جده بعد بالبيد اللي في السليمانيه تلف وتعدي شركة كيا تحصل محل اسمه باوزير لقطع غيار السيارات الامريكية حلو ورخيص وقع اصلي وكاله .
وسامحوني على الاطالة ..
