خفايا و اسرار و مميزات و عيوب لومينا و كابرس 2007-2008

نفس المشكلة بالتمااااااااااااااام

الى الأن لم اجد الحل سيارتي كابريس 2008

اتمنى من يجد الحل يسعفنا .. وله الدعوة الصادقة

السلاااااااااام عليكم ....ياشباب كم سؤال لاهنتوا؟
1\ افضل اسعار لقطع الكابرس 2006 عند مين من الوكلاء ؟
2\هل يوجد فرق بين الكرونه الي في الدفرنس بين 6 سلندر و 8 سلندر ؟
3\ الكابرس 6 سلندر هل يوجد اضرار اذا فكيت الفصله الالكترونيه حقت السرعه؟وكم يوصل تقريبا اذا فكيت فصلته؟
ومشكورررررين مقدما........تقبلوا مروري

ياشباب ابيكم بخدمه انا حصلت كابرس 2009 فل كامل ال تي زت 6 سلندر
امانه كيف الموترررررررررررررررررررر
والله متحير ناس تقول خربات وناس تقول زين وناس تقول يااااكثر مايطق الاديتر ويخرب
والله تعبت وش رايكم قولولي اخذ الموترر واتوكل على الله انا مااحب الخربات والقروشه

يا شباااب
انا عندي كابرس ٢٠٠٨
القير اذا جا يرجع نمره له صوت خفيف
واذا حطيته على البي
يطلع طقه
وش المشكله لا هنتوا

شباب عندي مشكلة ’’’

بصراحة كنت متخوف من شي و حصل ,,,,
خفت ما أحد يضبط الشغلة ,,, و تطلع صوت

و بالفعل ,,, غيرت المساعدات و ملحقاتها
و بعدها طلع طقة إذا لفيت السيارة يمين بسرعة

غيرت ؟؟

2 مساعدات أمامية ’’’
2 كرسي مساعد
2 رمان مساعد

سويتها عند ورشة معروفة ’’’
لكن اذا السيارة ماشية يمين و لفيت بسرعة
أو لفيت الدركسون للأخر و هي تمشي بهدوْ ,,, أسمع طقة قوية نوعا ما (طططقق)

علماً بأنه قبل تغيير المساعدات و الكراسي و الرمان ,,, ما سمعت صوت

فأذا أحد مرت عليه نفس المشكلة ,, يطرح لنا الحل

و السؤال موجه للخبراء ,,,

تحيتي

مشكور والله وماقصرت اخوي f.d

يعطيك العافيه

أخي الكريم... لا اتغير زيت الفرامل ما يحتاج إطلاقاً اطلاقاً.... إلا اذا كنت تستخدم السيارة بنزول المنحدرات و هي بكامل الحمولة.. هذا الكلام مكتوب بكاتالوج الإستخدام

بعد زيت الدركسون... لا يحتاج لأي تغيير إطلاقاً.. لا تدخل بهكذا أشياء.. لطالما الأمور سليمة..

ماء الرديتير... إذا كانت الماء هي الماء الأصلية من أول شرائك للسيارة... لا اتغيرها بكير كتير..... انتظر لل 60 ألف..
- أما إذا كنت تضيف ماء عادي من الصنبور (( حنفية )) لازم اتبدله.. ضروري لأنه يسبب تكلسات و ضرر..

- بالنسبة للرجة... تعاني منها كل السيارات (( مشكلة عادية جداً )) صادفتني بسيارة نيسان بيك أب + سيارة كيا ريو..

و السببهو: أن الأقراص (( الهوبات )) ملتوية يعني مفتولة.. بسبب.. الحرارة ثم التبريد الفجائي بماء

و حل هذه المشكلة " برأي البعض " هو الخرط... لكن هذا حل لا يأتي بنتيجة مثالية...

و الحل النهائي انك اتبدل الأقراص (( الهوبات ))... و أمرك لله

و تنتبه جداً لمسألة حرارة و تبريد.. الهوبات (( يعني لا تسمح للماء بالوصول إذا كانو ساخنين إطلاقأً )).. لأنهم مصنوعين من الفولاذ..

و عن باقي الأسئلة بيفيدوك الطيبين من أهل السعودية..

تنصحون بكابرس مستعمل 2008 او 2009 ؟ .. كم اسعارهن بالسوق ؟

لاهنت اخوي القناص والله انك ما قصرت وتسلم ع الرد
انا مركب على سيارتي زنون على العالي والواطي
يعني الليت العالي زنون والواطي زنون
ولاف عليهم كيييسس وشطرطون بعد يعني مظبطهم عدل كل المكاين
والبطاريه جديده تو ما صار لي مده مركبها
ومع هذا للحين المشكله معاي
الله يعطيك العافيه ولاهنت على الرد يالغالي ويرحم ولدينك

أخوي AL_S3aaD
أنا مرت علي المشكلة هاذي بالضبط بس كانت على هوندا اكورد 2008 إنه إذا قمت
أشّر بالنور العالي لمرات متتاليه ورى بعض على طول تلقائي يطفي النور واللمبات اللي في الطبلون والعدادات والمسجل ثم تشتغل مرة ثانية على طول ويرجع كل شي كما كان يعني كأني طفيت السيارة وشغلتها مرة ثانية وسألت الكهربائي وقالي لازم أجرب السيارة وأشوف المشكله بنفسي عشان أتأكد لأنه احتمال يكون أحد الأسلاك منجرح !! قعدت أفكر كيف تنجرح الأسلاك وأنا توني شاري السيارة ؟ وعلى العموم طلعت من عنده وقعدت أفكر كيف أحل المشكله ومن وين أتت ولفت في خاطري إني كنت مركب أنوار زنن قلت يمكن يكون المشكله من المحولات حقاته لأنه ملامسات للبدي ومع ذلك يجيهن كهرب من الماص اللي بالبدي قمت ولفيت على المحولات شطرطون لين عزلتهن عن الكهرب تماماَ بحيث إنه مايجيهن كهرب من البدي الشي الثاني إصبع البطاريه لأني قلت يمكن يكون إنه سبب ضعف كهرب ولقيت عليه كربون ( اللي مثل الملح) على الإصبح وصنفرته لين نظف تماماً , والحمد لله يوم جربتها اختفت المشكله تماماَ وإلى الآن لم تظهر أبداَ .
وأنت جرب وشف يمكن يكون عندك التماس في الأنوار إذا كنت مركب زنن افحص المحولات وافحص أصابع البطاريه يمكن يكون السبب فيها بغض النظر عن اختلاف نوع السيارة , أتمنى إني أكون قد أفتك . . .

أهنيييكم ع الموضوع البطل !!


انا صراحة الكابرس دخلت مزاجي , بما ان اخوي باقي له شوي و يتخرج من الثانوي
قالي ابغى كابرس

حبيت اسألكم لأني مالي خبرة بالامريكي و الشفر ,

هل فرق العزم واضح بين الـ 6 و الـ 8 سلندر ؟ و ايهم اكثر صرفية , و كم فل البنزين في الثنتين

بالنسبة للراحة و الرساوة في الخط و اصوات الهواء تقييكم للسيارة ,

مكيف السيارة هل ممتاز و يبرد بسرعة او تبريده عادي

أنوار السيارة هل فيه زر يتحكم بوزنية النور ؟

السيارة هل تصلح لاستعمال الشباب و تتحمل مشواير الجامعة و الكرف و السفريات

هل تنصحون بالـ 6 ولا الـ 8 ؟

وش فرق المواصفات الداخلية بين الـ LS و LTZ

, انا حاط في بالي لو الكابرس فيها عيوب و راح تسبب مشاكل ع المدى البعيد و من ورشة لورشة
اشتري لأخوي التيما 4 سلندر 2010

طبعا اخوي معه 45 ألف , كابرس 2008 , او التيما 4 سلندر 2010 مستعملات

سمعت ان الـ 6 سلندر ضعيف و يروح عليه الالتيما 4 سلندر , و فيه مقطع لومينا 6 راحت عليه
التيما 4 الشكل الجديد


بالنهاية يا شباب , تقييمكم للكابرس بشكل عام و قطع غياره و هل تتوقعون انها تجلس مع اخوي
4 سنوات لين يتخرج كان الله احيانا و اياكم و تتحمل ؟

تسلم الله يطووول بعمرك ويعطيك العافيه ابي اجرب واشوووف وش يصير معاي وافيدكم ان شاء الله

الله يسلمك...و هذا واجب

نحن نفترض انه فيه كسر.. لا ندري.. يعني افتراض

و الكلام على نفسها (( العصا )) اللي تبدل بيها... الضوء بين عالي و واطي + تعطي اشارة يمين و اشارة يسار..

بالداخل مكان الإستناد و التوصيلات.. ممكن فيه كسر بالمفصل.. بسبب القسوة

يعني في أعظم الأحوال... يلزم تبديل (( عصا التحكم بالأنوار ))

----------------

ان شاء الله القصة مش أكثر من هيك

الله يعطيك العافيه يالغالي ولا هنت ع الرد ياملك
بس ياليت توضح لي اكثر يعني وين ممكن احصل الكسر ولا القطع
واذا ممكن يعني وش القطع اللي اقدر ابدلهم وتظبط معاي السياره
لا هنت

حاولت عدل بالكلام السابق.. لكن... ما كان يقبل يتفعل (( التعديل/ حذف ))

لذلك أضيف.. على الأرجح يوجد كسر داخلي بعصا التحكم بالضوء و الغماز..

و الله أعلم.. و سامحونا على الإطالة


هذا رابط الرابطة الخاصة باللومينا و الكابرس

http://www.assayyarat.com/forums/thread198122.html

^^^

أخي الكريم..

لازم تاخذ الموتر... لمصلح كهرباء ..

لأنه يوجد (( شورت كت ))... عم يحصل عند استخدامك للنور العالي

يعني ممكن الموضوع بغاية البساطة... ((ممكن أحد الأسلاك مسلخ.. أو.. ربما أحد ما سابقاً... استخدم اللايت و الغماز بقسوة.. و تسبب بكسر.. و الحين خرجت منه أسلاك ))

الله يوفقك يا رب

و الإخوان يفيدوك بالرابطة ..عن كهربائي.. ابن حلال

و الله ما أعرف...

لكن من الممكن أحد المسامير (( براغي )) مكسور..