النترا الجديدة .. قير عادي

الوعلان بإختصار عنده سيارة سياحية فئة واحدة

الفئة عبارة عن نوافذ وأقفال كهربائية (مدري عن المرايا الجانبية)

المتوفر فقط محركين 1.6 - 2.0 وقير عادي - أوتو فقط

الأوتو 2.0 بـ 48500 تقريباً المسجل مركب من عنده

المراية عادية بدون فتحة قماش ( وليس مخمل ) كرسي عادي

بينما عن المجدوعي مسجل وسيدي - مكيف إلكتروني - فتحه

جلد (أو مخمل) - كرسي بعدة أوضاع (يدوي)- هذا إلي أذكره

كل هذي (الفل كامل) بـ 52 ألف وأعتقد لو تدفع كاش بينقص شوي

بالنسبة لقير الأوتو على الأربعة سلندر بما أنك جاي من الـV8

فأعتقد أنك ما راح تفرق بين عزم الأوتو والعادي .. :)

محمد الخلاوي
بيض الله وجهك وشاكر لك مرورك ومشاركتك


microsoft
اولاً : الله يعطيك العافية على المرور ..
ثانياً : بالنسبة للقير الاوتواحسه للأربعة سلندر ضعيف وضعيف جداً .. خاصة والسيارة السابقة لي 8 سلندر فبحس بفرق لو اخذ اوتو ..
ثالثاً : شاكر لك كل الشكر على النصيحة وودي استفسر وش الفروقات بينه وبين الوعلان بالنسبة للمواصفات والسعر ..

يعطيكم العافية جميعاًً ..

أخوي راشد وش المشكلة ليش ما تأخذ قير أوتو .؟

* أنصح بوكالة المجدوعي لأنه أكثر مواصفات وبنفس السعر تقريباً

^^^^^^^^^^^^

طيب خلي القير على الجنب لكن خذ فكرة عن السيارة ككل رساوتها هدوء السيارة يمكن فيه شي مايعجبك فيها لأن الناس أذواق وإذا بتشتريها كاش خذها من معرض أرخص لك يمكن يوصل الفرق من 2000 إلى 3000 ريال في بعض المرات

اشكر لكم من كل قلبي تعونكم معي و الله يجزاكم خير

يعطيك العافية اخوي ركن المشاعر على المرور ..

بالنسبة لسعرها اخوي الباز فهو :

سعر [COLOR=blue]أقل فئة 1.6 لتر 40.000 ريال ...

وسعر أقل فئة 2.0 لتر 48.000 ريال ...[/COLOR]

محمد الخلاوي شاكر لك حرصك على مساعدة اخوانك ..
بالنسبة للاستئجار السيارة وتجربتها .. والله فكرة حلووة بس المشكلة تكمن في ان هذي اول سيارة اشتريها قير عادي فما افرق بين الزين والشين ولا اعرف مقياس الخشونه والنعومة فلازم استفيد من خبرتكم و ثقافتكم ..

شاكر للجميع المرور مرة اخرى وانتظر باقي الاعضاء لينثروا خبراتهم هنا ..

بإماكنك تجربها إيجار وتاخذ فكرة عن السيارة بالكامل
وأنا اشوفها قيرها حلو ويعجبني

والله يا خوي السيارة اكثر من رائعة بس كم سعرها يالغالي؟ ومبروك مقدما

خذها ولا تشاور أحد

بيض الله وجهك اخوي محمد ولا هنت على الرد السريع - ما شاء الله عليك -

بس اخوي القير هو اللي مشكل علي هل هو مرن وسهل التبديل .

شاكر لك مرورك ..