مشكلة صوت الفرامل

حتى انا كرهت سيارتي بسبب هذي المشكلة
الله لايوفق البنشرية

مادام عندك حرارة في الهوب فهذا يعني احتمال احد الامرين عندك

اولا ان يكون مكبس الفرامل متصلب ولا يتحرك بشكل مضبوط الي في الكليبر يجي خلفه ياي ممكن يكون ضاغط على طول لازم فك كامل وتركيبه من جديد او تغيير الجلده الي في البستن (بستن الفارمل )
الاحتمال الاخر هو ان عندك بيرنجات ( الرمان بلي) الي شايله الهوبات متكسره وتعمل حرارة مع المشي
ويجب تغييرها اولا ثم كل شي يرجع مثل قبل


لكي تتاكد ان مثل هذه المشاكل عندك فك الكفرات وخل السيارة شغاله مع وضعيه الجير على الــــN وفك الهاند ودور الهوبات
يجب ان تكون الهوبات تدور بيدك بسهوله على الاقل نصف دوره عند تدويرها لو كانت تدور بقدر ماتدور فقط او بصعوبه فهناك مشكله من هذه المشاكل التي ذكرتها لك

هذا و الله اعلم


لاتخرط الهوبات اكثر من 3 فهذا خط ويجب شراء هوب جديد لانه بيكون معرض للكسر مع الحرارة

شباب انا حاليا اواجه نفس المشكله ..

سيارتي الحمدلله جديده واول مره اغير فحمات وفيه صوت تصفير وخاصه لما اكون في الزحمه وكل شوي افرمل !!

يعني هذا شي طبيعي لأني قلقان شوي

ترى اوقات الفحمات يكون لها صوت وان كانت جديده
لفتره معينه ثم يختفي الصوت

والسبب يقولون ان هالفحمات فيه فوقها طبقه لانها جديده ومع الاحتكاك تروح
ويروح الصوت

وبخصوص الهوب الي موب اصلي انا مثلك الهوب الخلفي حاطه تجاري بس ياباني
يعني تحت الاصلي

بس هوب خلفي واول ماركبته كانت تطلع منه ريحه ويدخن يعني اشوف بخار يطلع
ايام البرد .. الحين اختفت الريحه بس مدري عن الحراره

فياليت احد يعطينا خبر عنها

الدرام ويلات عندك اصليه ؟

مشكورين ياخوان
لكن على فكرة عندي حرارة بالجنوط الامامية وخاصة الجهة اليمنى يعني الطاسة تذوب من الحرارة
هي جتني قبل فترة وسويت اصلاح كليبر بس صراحة ماهو اصلي يعني ياباني راحت الحرارة ولكن
الصوت لازال موجود والحين رجعت الحرارة والصوت طبعا لازال :rolleyes:
وهل الهوب له دخل ؟ يعني اذا كان ماهو وكالة له دخل فالصوت؟


الله يقلع هالورش يلعبون فينا :mad: :mad: :mad: :mad:
اخوي hathoof والله مادري وش تقصد وضح اكثر؟
تكفون فزعتكم :cool: وانتظر الردود

والله خوي عادة من الدسكات حق البريك او كذا

ما ادري هل هناك عندك المشكلة او لا


طيب خوي انت بعد جرب انك تسوي فيس حق الدرامات (والله ما ادري شتسمونه بالسعودية

المهم المكان اللي يتركب عليه البريك والكفر (ألويل او الجنوط)

وكمان اذا غسلت السيارة حاول لا توصل الماء لهناك لأنه بيتكون طبقة من الصدأ تسبب هذا الصوت


والله اعلم ولكن هذا اللي صاير عندي في سيارتنا

تحياتي،،،