تغطية مصورة متكاملة "فورد اكسبورر 2008"

مبروك عليكم الشهر الفضيل ...

الله يعديك شرها

اود ان اعرف كيف يتم تصفير عداد الزيت الى 100%

هذا الصوت يا عزيزي موجود في جميع السيارات الدفع الرباعي ووالدي لديه جيب لاند كروزر 2009 فيه هذا الصوت عند تشغيل التكيف فقط اول ما تشغل السارة والتكييف يخرج الصوت ثم يزول مباشرة بعد ذلك

وش الحل في صوت الحنه الظاهر مع قومة السياره وتشغيل المكيف صوتها جدا مزعج وكانك في دتسن موديل 85

غريبه محد كتب هالعيب في السياره بموضوع مستقل

السلام عليكم ورحمة الله وبركاته
حبيت أسأل عن التواير كل متا تتبدل لان إلي اللي عندي 2008 وسافرت فيه لبنان ومكة , لأن وكيل توايره موجود عند يوكوهاما في الشويخ قالي لازم إتغيرهم بس حسيت انه بس يبي يبيع مع العلم شكل التواير كأنه جديده مو مسحكه أو رايحه فيها .
أرجوا الإفادة لأن ماعندي خبرة بالتواير لأنه راح أسافر إنشالله مكة برمضان .
ومبارك عليكم الشهر مقدما وعساكم من عواده .

موضوعك أفادني كثير كثيرا

جزاك الله كل خير على تعبك , كفيت ووفيت

أخوان لدي استفسار بسيط
ودي اشتري اكسبلورر

هل يوجد في موديل 2009 شاشة ملاحة وكاميرا خلفية وإلا انتظر 2010

شاكر لكم

السلام عليكم و رحمة الله و بركاته :-

إلى جميع الاعضاء و الزوار ... اتوقع لقيت مشكلة كل من يعاني الصوت من الخلف اثناء القياده ... بعد التحري و الاستكشاف شنو تتوقعون الصوت جاي من فين ...

يمكن بعض الناس اتعرف و يمكن قديمه .. بس حبيت اشارك في المشكله بما اني واحد من هالناس الي يسمع الصوت في الخلف اثناء المطبات الخفيفه.

المهم نجي للمهم .. ادري اني شوقتكم بس ما راح تتوقعون مثلي بالضبط بس هو مجرد اجتهاد شخصي و قد اكون مخطئ.

الصوت يا جماعة الخير من المرايا الخلفيه الي في الباب الخلفي ...

ادري ان معضمكم يضحك مثل ما ضحكت انا في البدايه .. بس مثل ما قلت لكم هو اجتهاد لا اكثر و لا اقل .. بس ١٠٠٪ الصوت الي انا اسمعه في سيارتي هو صوت تخلخل المرايا الي في الباب الخلفي , علما ان سيارتي اكسبلورر ٢٠٠٦...

و الله اعلم ...

اخوكم ... وليـW@LEEDـد

وين أحصل سيارات أكسبلورر نظيفه موديل 2008
طبعاً أستخدام أمريكي؟؟
لأني صراحه بالداما دورت وماحصلت إلا موديل 2006
إذا فيه بالرياض ياليت أحد يدلني

ماشاء الله

الموضوع مازال مستمر بتميز ومشاركات فعالة ... عدت للمتصفح هنا بعد غياب شهرين عن المنتدى وكلي شوق لتطورات هذا الموضوع للاكسبلورر

أخي pnrb أخواني الاعضاء وإدارة المنتدى

تميز رائع يستحق التقدير ...... تقبلو مروري وعودتي ...

دمتم بود

جزاك الله خير يا بو خالد وتبدل السياره بالعافيه ان شاء الله


وشلون السياره بعد هالفتره من الاستخدام ؟

اكيد تبين لك اشياء ما كانت واضحه او مكتشفه في حينه

وليش التقرير ما تضمن الحديث عن المحرك والقير والدبل ؟



تحياتي:xyxwave:

جزاك الله خير كفيت ووفيت ,,,,(المفارق)

وهذا الشيء الي كنت اعرفه بس حبيت أتأكد ....

الله يعافيكم
عندي سؤال : الدبل في الاكسبلورر 4WD 4dr
هل يعني انه دبل منفصل ومتى ما احتجت اشغله يشتغل .. ويوفر بنزين ؟
الامر الاخر .. هل الدبل مفصوول لما أشغل السيارة؟وهل تمشي دفع خلفي وله رباعي ؟

اخوي pnrb ياليت تقولي موديل 2008 كم تعبيه من الفاضي تقريبا (خصوصي فل) بالدينار الكويتي؟
واذا عندك علم عن تركيب شاشة من الوكالة كم سعرها بوكالة الوزان بالكويت ؟
وهل هي نفس المعروضة في وكالات أمريكا؟

للرفع يا اخوان ^^^

نأسف على الاطالة وتقبلو مروري.

ماهي التغيرات الجديدة في موديل 2010

هل بتنزل بشاشة نفيقيشين

يستاهل الرفع

في موديل 2006 كان ينزل الإيدي باور مفصول

أما في موديل 2008 صار ينزل مفصول وغير مفصول وسعر المفصول أعلى من سعر الغير مفصول

بالنسبة للأمريكي فكان 2006 الإيدي باور ينزل غير مفصول أما المفصول يجي في فئة اسمها ليمتد

أتمنى أكون افدتك

السلام عليكم ....

حبيت اسأل الايدي باور في الاكسبلورر (توكيلات الجزيرة ) هل تأتي المقاعد في الصف الثاني متصله مع العلم أني قد رأيتها في الوكاله وهي متصله وعندما ذهبت الى الوكاله في الامس لأن الوالد يريد أن يشتريها تفاجنا بقول مسؤول المبيعات أن المقاعد تأتي منفصلة !!!! وقلت للموظف قد رأيتها عندكم أن المقاعد متصلة قال لي ابدا الايدي باور لا تأتي متصلة ولم تأتي متصلة عندنا (يقصد في الوكاله ) قلت قد رأيتها عندكم وركبتها قال ابدا يمكن غلطان !!!! فعلمت أن مسؤوول المبيعات ما عندك أحد !!!!
فأتمنى من عنده اكسبلورر الفل الكامل ( ايدي باور ) توكيلات الجزيرة ينزل صورها عشان اطبعها وأجعل مسؤوول المبيعات ينظر بعينه لينظر صدق كلامي
اخوكم ابونوره,,,