ياحبايبي ,,,,
راح أوضحلكم الموضوع الدفع الرباعي في الاكسبلورر والماونتنير
في الماونتنير الدفع يعتبر دفع رباعي مستمر AWD (All Wheel Drive)
زي الايدج وزي المازدا والار اكس اللكسز وغيرها من الجيوب الصغيرة
يعني توزيع العزم للكفرات راح يكون كروس اوفر على شكل حرف اكس X مو يعني انه السيارة دفع خلفي وتتحول اوتوماتيك لرباعي :confused1: , لانه هيا اصلا رباعي على طول. ولكن العزم يتوزع 70 % للكفرات الخلفية و 30 % للكفرات الأمامية.
أما الاكسبلورر فالدفع يكون 4WD (Four Wheel Drive)
يعني السيارة هنا تجي بدبل وتوزيع العزم راح يكون متوازي على الكفرات ويكون 50/50 للخلفية والامامية.
وراح تحصل عندك في الاكسبلورر 4X4 High اللي هو الدبل الخفيف و 4X4 Low اللي هو الدبل الثقيل وهو اللي يعطي عزم أقوى وقوة جر زيادة , لكن للمسافات القصيرة
أما 4X4 Auto فهذا هو الدفع اللي موجود في الماونتنير وهو الرباعي المستمر
ولو رفعتوا الاكسبلورر عند اي بنشري راح تحصلون الكفرات الاربعة تدور كلها.
وهذا هو سبب ضعف عزم الاكسبلورر وهو الاوتو.
واحد من الشباب عندنا فصل العمود حق الدفع الرباعي الاوتو , سارت السيارة طلقة ماشاء الله عليها وتجاري التاهو بقوة, عشنها سارت دفع خلفي.
وبعد ماشبكنا الاوتو من جديد رجعت السيارة لعزمها الثقيل ....
ولو تلاحظون في اغلب سيارات الدفع الرباعي تحصل الدبل فيه High , Low , N
والـN عشان تفصل الدبل مرة وحدة وتسير السيارة دفع خلفي وبالتالي تحصل عزم السيارة ماشاء الله قوي.
لكن الاكسبلورر للاسف ماتقدر تفصل الدبل مرة وحدة بالكامل, ولهذا عزمه بطيء مقارنة بالسيارات الاخرى.
وأتمنى تكون وصلت المعلومة
معقوله يعني امشي علي سرعه140 كيلو تمشي الكفرات الاربع :c0038: يمكن على سرعات منخفضه بعدين يرجع خلفي اتمنى من الخبراء والمجربين الافادة :rolleyes1: كاني سمعت عند سرعه 60 ثم ترجع خلفي اتمنى المشاركة من المجربين
