وش الـــــحــــل ؟؟؟؟

رحال العمر 8000 @user_85925 · 13-03-2008

تحيه طيبه للجميع
انا عندي مشكلة بسيارتي فورد ماركيز 97
فيها صوت يسمونه لقلقه بلغة اهل الصناعيه
مكان الصوت احس انه اسفل المكينه
الصوت هذا يختفي في البرد نهائيا
واذا جاء الصيف يبدا يطلع الصوت خاصه اذا طلع الموتر طلعه طويله وبداء الموتر يتدرج بالسرعه
او جيت اطوف احد
امثل لكم الصوت لما تكون تسوق سيارة قير عادي وتخليها في الرابع وهي ماشيه 20 يطلع معك صوت صرصره هذا الصوت قريب من الصوت الي بموتري
رحت للبيان الجديد الي بالصناعية القديمه بالرياض وقالي يبيلها تنظيف ببخاخ داخل المكينه بيخف الصوت او يختفي وفعلا خف الصوت الصيف الماضي لكن مااختفى وهالسنه بداء يرجع مع ارتفاع حرارة الجو
مع العلم بان الموتر ما ترتفع حرارته ولا يطلع منه دخان
وش الحل يا جماعة

مع ان الموتر ممشاه طيب وعزمه حلو ولله الحمد
واذا تقدرون تلوني على ورشه ممتازه في الرياض تعالج هالمشكله

K4300 @user_125681 · 30-01-2009

الصوت هذا سببه تراكم الكربون في داخل المكينه وهذا الامر يزيد مع بنزين 91 بامكان الورش تنظيف المكينه بشكل بسيط يعني ييروح الصوت بس بعد فتره بيرجع وعلىى فكره هذا الصوت غالبا مايضهر الااذا كانت السياره معشقه وماشيه يعني مايضهر وهي واقفه وتغيير البواجي والكويلات وغيرها امايفيد في شي ايضا السوائل الي تضاف للبنزين علشان تنظف البخاخ ماتفيد بشي لذلك وفر قروشك احسن اما اذا تبي الصوت يروح لابد تعمل تنظيف للمكينه وانا شفتهم في الصناعيه يفكون البوجي ويكبون سائل ثم يرجعون البوجي سووها في ال 8 بواجي وبعدها شغل السياره وطلع منها عجيه غير طبيعيه لمده 10 دقايق ثم راحت العجه واختفى الصوت لمدة 3 اشهر وبعدها بدا يرجع والشغله هذي تكلف في الصناعيه حوالي 300 ريال تزيد تنقص حسب الورشه

بو حابس @user_120151 · 20-09-2008

السلام عليكم
انا عندي فورد ونفس الصوت اللى قلت علية وقالوا لازم برمجة كمبيوتر وماسويتها لانها تكلف كثير وبالنسبة لصوت عادي ومافية مشكلة وسبب الصوت حرارة الجو وانا اقولك وابصم انا سيارتك امريكية وانت تعرف الفرق بين الجو في السعودية والجو في امريكا
وهذا الصوت يطلع في سيارتي وعادي ومافيها مشكلة بس اذا تبي يخف الصوت اكذها مني عير كويلات بواجي
وعلى قول المثل اسال مجرب ولا تسال طبيب

M~أمير بكلمتي~M @user_58367 · 13-03-2008

ع

عاشق الفوورد

اخوي مشكلتي كأني شفتها عند احد اقاربي بفكتوريا 96

وهو صوت + رجفه خفيفه و مثل تمثيلك كأنه حاط قير عادي على نمره 4 وانت ماشي 40 كم
بس هذي الرجفه الخفيفه على طول معه شتاء وصيف وخاصه اذا وصلت السرعه على 80 كم
تجلس من 80 الى 85 كم تقريبا وتروح وهذي سأل عنها مكانيكي وقاله يبيلها طنجره ولا صلحها والى الان ماشيه

بس الشي هذا ليس بكل الفورد انا سيارتي مافيها و جميع اللي اعرفهم عندهم فورد لاتوجد هل المشكله فقط هذا الشخص اللي قلتلك مشكلته

و اتمنى تجد حل لمشكلتك

انا مع كلام اخوي اول ماخشيت كنت بقولك بس اذا تبي تتاكد حاول انك تجرب هل هي تجي معااك

اذا كان القير معشق بس ولا اذا في كلا الحالتين معشقه او لا

اذا كانت معشقه ففعلا من نفس طنجره القير ورااح تلاحظ الصووت خلك فااتح الباااب وخليك قريب

من جدار او اي شئ يرد الصووت عشان تسمعه ورااح تسمعه خفيف اول ماتعشق القير ويختفي

على طول ولا يبين الا مع الممشى مره ثاانيه بشكل طفيف او ملحووووظ

أخوكـ

عاشق الفوورد @user_46835 · 13-03-2008

اخوي مشكلتي كأني شفتها عند احد اقاربي بفكتوريا 96

وهو صوت + رجفه خفيفه و مثل تمثيلك كأنه حاط قير عادي على نمره 4 وانت ماشي 40 كم
بس هذي الرجفه الخفيفه على طول معه شتاء وصيف وخاصه اذا وصلت السرعه على 80 كم
تجلس من 80 الى 85 كم تقريبا وتروح وهذي سأل عنها مكانيكي وقاله يبيلها طنجره ولا صلحها والى الان ماشيه

بس الشي هذا ليس بكل الفورد انا سيارتي مافيها و جميع اللي اعرفهم عندهم فورد لاتوجد هل المشكله فقط هذا الشخص اللي قلتلك مشكلته

و اتمنى تجد حل لمشكلتك

فني سيارات @user_8460 · 13-03-2008

السلام عليكم و رحمة الله و بركاته

المشكله تبدو غريبة و تحتاج الى معاينه اكثر من الشرح عبر النت
وكلا العضوين يتبر كلامهم صحيح
نوعيه البنزين لها تاثير لو كان الصوت مختص بالبخاخ وكذلك من سير التايمنج ممكن يحدث هذا الشي وظهور الصوت في بعض الاحيان مثل البرد او الصيف هو مايصعب الموضوع ولم اقدر احدد المشكله بضبط
ولكن بما ان سيارتك موديل 97 يفترض انها عدت 100.000 الف وتحتاج تبديل سير التايمنج
لعل هذا الصوت ان يذهب

والله اعلم

علي العجرمي @user_84387 · 13-03-2008

اخوي الصوت يزيد اذا دعست بنزين صح او لا خلني اكتب حروف تقريبيه لصوت كزكزكزكزكززكززكككزكززززكزكز مع الدعسه <<<<<<< مسوي فاهم هذا اعتقد والله العالم انه الزنجير حق المكينه حاول انك ما تخليه يبين وهو لا تدعس بنزين زياده اذا طلع هذا اذا كان زي المشكله الي واجهة خويي
تحياتي لك

ابو مهتد @user_85937 · 13-03-2008

ياهلا وسهلا فيك اخوي رحال العمر
تعتبر هذي اول مشاركه كنت جاي بستشير اعضاء هالمنتدى بمشكله اعاني منها وقريت موضوعك وقلت برد عليك قبل كتابي موضوعي
الصوت اللي تقول عليه يطلع معاك وقت الظهيره بمعنى اصح وانت بعز الظهريه ولما تدعس يطلع معاك الصوت وتحس العزم ينقص شوي يعني صوت صرقعه بالمكينه
وهالمشكله لحد الان مالقو لها حل ولا تتعب نفسك فيها
بس بعطيك حل بسيط ويمكن انها تختفي من عندك او بنسبه بسيطه
نصيحه لله ابعد عن بنزين 91 والله ما جتني المشاكل الا يوم بديت استخدمه طلع لي نفس الصوت اللي عندك طبعا وديت الموتر لا اكثر من ورشه وطبعا اخصائيين بنفس السياره اللي قال تنظيف بخاخات واللي يقول وزنيه واللي يقول غير البواجي يعني خلو الموتر فار تجارب
غيرت ل95 واختفى الصوت ونادر جدا مااسمعه والحمدلله من وقتها وانا مرتاح من هالصوت
وعلى فكره ترى الصوت طبيعي يعتبر 90% من الفوردات موجود فيها هالصوت
لانه بالعربي ما عندك احد بهالورش اللي عندنا ولا تخلي موترك يروح تجارب بين هالورش
لانه اساساً محد فاهم المشكله بين هالورش واذا كنت تعبي 91 اتركه والله دمار وغير لل95 وان شاء الله راح يختفي الصوت
وتقبل مروري >>وعلى فكره ابو مهند وليس مهتد مدري كيف جاء معي الغلط المطبعي