ماركيز نظيف .. ولكن

mba77a @user_41994 · 02-03-2008

السلام عليكم

اشتريت قبل يومين فورد ماركيز موديل 2000 لون ازرق بحري ماشية 129000 ميل ( كتير شوية ) استيراد امريكي
السيارة نظيفةو شيكت عليها عالاوتوتشيك طلع ما فيها شي الا (احتمال انو العداد غلط Odometer not actual miles ) واخدت معي ميكانيكي ( صاحبي) فحصها وجربها و قالي السيارة نظيفة مرة و اخذت برأيه و اشتريتها المهم عندي كم سؤال :

- الميكانيكي قالي لازم اساوي شوية صيانة وقائية قالي صفاية الجير و صفاية مادري وش و اغير الزيوت كلها و الفحمات و اشيك على جلد البودي و مادري ايش ,..... المهم قالي بتكلف حوالي 1000 - 1300 ريال... هل هذه الاشياء ضرورية مع انه السيارة نظيفة وغيارات القير ناعمة .صراحة انا ما بدي اتكلف زيادة يعني ممكن امشي فيها و بعد شهر اساوي هالاشياء ؟؟؟
- السيارة ما فحصتها بالكمبيوتر و سألت الميكانيكي قالي ما يحتاج !!! هل يكفي الفحص البشري؟
- هل هناك تعديلات يجب عملها عالاستيراد الامريكي ؟ لأنه احترت ناس يقولولي لازم تغير بلف الحرارة و...و... وناس تقولي لاتغير شي لأن السيارة شد بلد حرام تغير فيها .؟
افيدونا يا اهل الخبرة جزاكم الله خيرا ....

MHY444 @user_105389 · 10-07-2008

مبروك السيارة اولاً

انا اشتريت ماركيز نفس الموديل امريكي والحمد لله السيارة نظيفه والكل نصحوني بتغير هذة الاشياء:

1 / زيت الماكينة
2 / السيفون
3 / فلتر الجربكس
4 / صفاية البنزين
5 / البواجي
6 / الكفرات لأنها لا تستحمل الحرارة

وبالتوفيق

mba77a @user_41994 صاحب الموضوع · 06-03-2008

والله ما قصرتو مشكورين ...
انا قررت اغير زيت و سيفون مع انو حتى الزيت لونه اصفر صافي كانه جديد بس ما اعرف ممكن نوعيته سيئة (صحيح وش افضل نوع زيت للفورد؟)... وزيت القير اقتنعت انه ضروري يتغير مع الصفاية بس باجلها لبعد شهر مع الفحمات .

المهم لما رحت استلم السيارة اكتشفت شيء:( مهم عندي كتير .. اكتشفت انه ريموت السيارة مسروق بالشحن ( على كلام المعرض) المهم هو قال انو الريموت شغلته بسيطه و اصلا السيارة مبرمج فيها الريموت بس روح حق مفاتيح و هو يولفلك واحد ب 80 -100 ريال ... شو رايكم بهذا الكلام؟ صحيح ولا كلام معارض بس ؟؟

$^ مثير ^$ @user_16666 Registered User · 02-03-2008

مساء الخير للجميع
السياره اخوي اذا فحصتها ولا طلع فيها شي باذان الله ما راح تكلفك شي اللهم تغيير الزيوت وصفاية البنزين والبواجي والكفرات وكل هالاشياء تقدر تأجلها لمدة شهر لو حبيت وتقدر تضيف لها الفحمات

أنـــــس @user_34305 · 02-03-2008

أخوي نابولي أعتقد أنك كنت تمتلك جراند ماركيز..وكنت تشتكي منها

ربما كانت سيارتك التي تمتلكها خربانه..عموما الفورد من أعلى السيارات تتحمل وتكرف..

نرجع لأسئلة الأخ..نصيحتي لك لاتعدل في السيارة شئ من بلف الحرارة وغيره

غير زيت المكينة وزيت القير وفحمات إن احتجت إليها وصفاية بنزين سعرها 25ريال على ماأذكر

واتكل على الله...

المارودر 2004 @user_47732 · 02-03-2008

اولا اخي الكريم
مادامك شريت مبروك عليك الموتر والله يعطيك خيره ويكفيك شره

ثانيا بالنسبه للفحص بالكومبيوتر مهم لانه يطلع لك اشياء فحص الميكانيكي مايطلعها
بس الحمد لله مادام الموتر نظيف مافي ضرر ان شاء الله
وبالنسبه لجلد البودي انصحك لاتغيرها لان في احد الورش قبل فتره سألت عن جلد البودي وقال لاتغيرها (على كلامه) لان الاستخدام جلد البودي ماتتغير وتخرب مسامير الشاص )

المهم انت غير الاشياء الضروريه فقط وتوكل على الله وخذها من واحد له خبره طويله بالفوردات

غير زيت المكينه + الفلتر(السيقون)
زيت الجيربكس+الفلتر
صفاية البنزين 35 ريال
فلتر الهوا ب 25 ريال وموجود عن كل بنشري
الاقمشه+خرط الهوبات
البواجي

وبالنسبه لبلف الحراه خله على حاله لان مافي ضرر والحراره تثبت على النص سواء بصيف او شتاء

ولاتنسى تفرغ الرديتر وتعبيه مويه جديد موتر كرافت+8 علب مويا مقطره

والاشياء اللي دليتك عليها تغيرها اشياء رئيسيه بأي فورد تشتريها سواء استخدام او سعودي

A.M.G @user_69594 · 02-03-2008

شباب تراكم طلعتو برا الموضوع

=====================
اخوي صاحب الموضوع
اعتقد ان اكثر شي مهم من اللي ذكرته هو انك تفحص زيت وفلتر القير وتستبدله اذا تطلب الامر
لانك في حال اهماله يخرب عليك القير مع الوقت

manss747 @user_83929 · 02-03-2008

ياخوي انا ما اتكلم عن الامريكي الامريكي بعضه ملفق

انا اقصد السعودي مع ولد عمي 98 وخوي 97 ولا اروع سعودي

والعيال الي اشرت لهم رجولهم حاره

Genius_m @user_33175 · 02-03-2008

^^^^

طيب يعني ان مافيه فورد موديل 95 استعمال سعودي 100% ولا هو ملفق (انت حصرت الفرود النظيفه على المستورد والملفق بعد :D )

معروف ان الفرود يتفوق على كثثثثثثير من السيارات من ناحيه الصبر والاعتماديه....

ومثل ماقال manns اركب كامري 98 واركب فورد 95 بعد وشوف الفرق الكبيييير....(اهم شي الفورد يكون سعودي :D )

اخيراً ((( لايصلح العطار مأفسده الدهـــــر)))

مالها دخل في السالفه :D (الا اذا كنت تقصد ان الدهر افسد الفورد وما افسد الكامري :D :D)

تحياتي...

نابولي89 @user_38727 · 02-03-2008

والدليل شف الكامري مثلا 98

وشف الفكتوريا او الماركيز 98 وراح تتأكد ان الفورد مازال صامد
تعرف ليش لان الكامري تعيش وتصبر على حالها من يوم تخرج من وكالة عبداللطيف جميل
والماركيز والفكتوريا الذي تشير اليه 98 يكون امريكي جاي من بلده ملفق سمكره وصبغ وتلميع وترقيع وتنجيد وتصبح الكوسه عروسه والا بالله عليكم 98 ويكون كأنه 2007 لايمكن هذا شي غير معقول.

اخيراً ((( لايصلح العطار مأفسده الدهـــــر)))

manss747 @user_83929 · 02-03-2008

انتم طلعتو شوي عن الموضوع بس مهيب مشكله

اخوي mba77a حنا العرب حريصين اكثر من اللازم بس لا يهمك

خل كل شي بعد شهر صدقني ماراح يصير شي

اخوي نابولي المقارنه الي قلتها خطأ 100% والدليل شف الكامري مثلا 98

وشف الفكتوريا او الماركيز 98 وراح تتأكد ان الفورد مازال صامد واركب

الاثنين بتسمع قرقعه بالكامري وبتحس بالهدوء بالفورد

نابولي89 @user_38727 · 02-03-2008

تقول اكسنت
لالا يمكن مقارنة الهونداي بالفورد او التويوتا بالفورد ماركيز

ابداً ابدأ
النتيجه تفوق التويوتا والهونداي وبدون اي مناقشه او تشكيك

هذا رأي وليس بالضرورة يكون ملزم

aziz93 @user_45971 · 02-03-2008

ولا تنسى الكفرات مهم جدا
ركب ميشلان ممتازة وحلوة بس غاليه شوي

aziz93 @user_45971 · 02-03-2008

اخوي اخوي شرا ماركيز نفس لونك امريكي ماغير الا زيت المكينة والسيفون
والى يومك تقول اكسنت كم كثر ماهو هالكنه حتى ما يتصخن ولما يقولك ان الفورد يعتمد عليه
فهو قد كلمته