بعد شراء نيسان نافارا 2008 هذه ملاحظاتي

انا اشتريت السيارة قبل كم يوم

والصراحة ممتازة بكل المقاييس مقارنة مع منافسيها من تويوتا وداتسن وغيرها وهذا ليس كلامي انا فقط ولكن كلام اصحاب الهايلكس والداتسن بأنفسهم واعرف واحد ناوي يبيع الهايلكس 2008 لمى شاف النافارا

انطباعاتي عنها مقارنة مع الهايلكس :
1- البودي واضح انه اقوى واثقل خصوصا ان الصدام الامامي من النيكل !! والباب الخلفي للصندوق يبين مدى ثقل البودي بشكل واااااااااااضح

2- القير عندي عادي وبست نمر (تعبني شوي حتى تعودت عليه ) والحقيقه يختلف كثير عن الهايلكس والددسن 2008

2- مشغل السيدي لم يعجبني لانه سيدي واحد وبدون امبي ثري

3- الفرش الداخلي بلا منازع افضل بكثير من الهايلكس والداتسن

4- المرأة الي بالوسط فيها بوصلة ومعتم للنور بالليل ( ممتاز جدا)

5- السيارة مرتفعة جدا وممتعة بالبر كثيرررر بس على الخط السريع متعبه مع الهواء القوي

6- الطبلون 220 كيلو وهذي تميزة عن غيره

7- الوان انوار الطبلون الداخلي بالليل متميزة (برتقالية) وجدا معجبتني صراحة

8- الدركسون فخم من الجلد المخيط

9- البوري جدا فاشل (كنه دنه) وغيرته على طوووووووووول ببوري شفر ثقيل وطلع روووعه

10- الابواب ممتازة خصوصا في الاغلاق والفتح هادئه

11- الطبلون الداخلي اعتبره جيد وقوي وعملي اكثر من غيره

12- جنوط 16 في غاية الروعة مع كفرات برجستوب بس لو كانت اعرض طلعت احلى

وهذي بعض الصور لسيارتي: