موضوع للنقاش بخصوص مكينه الفورد

هلا ولله

الفورد لك ولزمن هذي اول شي وزي ماقالو الشباب هي مصممه حق عوايل

عشان كذا مقللين من عزمها وتحصلها تقفل ع 180

انا الحمدلله الله رزقني بفورد عزمه حلوه وقوي وطبعا مايفصل

اول ماشريته كان يمشي 240 بس انفقع الدفرنش عندي ويوم غيرته قل العزم

صار يمشي 220 تغريبا

واحب اقول لاأي احد يستهزء بالفورد او بقوة الفورد

يجرب مع الاحمر حقي انا من الشرقيه بتحديد الدمام اي احد يبي يجرب

يراسلني ع الخاص وانا حااظر

بس زي ماقلت لكم يعني لاتقولون ليه السياره عزمها كذا والموستنق نفس المكينه بس الاحصنه اقوه

صحيح الموستنق والفكتوريا نفس المكينه لاكنها مصممه الموستنق حق ريس ومصممه الفكتوريا حق عوايل

تحياتي

knight moooon ,,,,,


كل كلمه قلتها صح عليك وواقعيه وكل كلامك منطقي ومشكور على المشاركه الحلوه

سلام عليكم .... كيف الحال ياقايز انشالله كووووووووووووولكم بخير

صراحه شدني موضوع المناقشه على مكينه الفورد ..واحب اعلق على كلام الاخوان شباب اولاً احب اشرح لكم سبب ضعف المكينه تسارع محدود +دفرنس محدود = سرعه محدوده
كيف هذا الكلام؟ يعني الله يسعدكم الشركه حاطه لنفس السياره limet معين في التسارع للمكينه من خلال البرمجه والدفرنس وطبعا ذا التسارع يواكب السياره كسياره عائليه فخامه وليست للسباقات او التعديل 2- الاخوان الي يقولون السياره بلهاء مع احترامي للجميع لو الفورد سياره هبله كان ماصممت شركه فورد سيارات الانتر بول والشرطه الفدراليه من نفس طرازنا لاواحب اقلكم الكراون فكتوريا في نوع منه يجي 12 سلندر مخصص للدوريات في اميركا واكيد شباب تعرفون العالم هادي لايمكن تعطينا شي في خير ابداُ ..عشان تحافظ على سر تقنيتها واكتفت تعطيكم شيفروليه كابرس ولومينا وانا من المعجين بهادي السيارات لكن تبقى خساره علينا ياشباب والله اي كابرس احرق فيه كل يوم لمده عامين تلقاه ينقص زيت ومكينته مو بلهاء البلهاء وساعتها الله يعوض علينا.. اسف على التعليق الطويل واليكم هذا الرابط يثبت قوه الفورد في امريكاhttp://www.youtube.com/watch?v=uV68lrXVXYQ :bigggrin:

مرحبا
انا مشاء الله قمت على لومينا نضيفه 2005 LTZ
قومه وخط وسويتها كم مره ولا بن اومينه يقوم علي هههههه
وقاومت جيب شروكي 2001 فل كامل سبورت قير عادي قام الى سرعة 40
بعدين رحت عليه

بالعربي لاحد يحتقر الفورد
تراها مصيبه
بتقول كيف؟
طبعا السياره كل القطع من الوكاله ما سويت فيها شي يعني ما رهمت فيهاا شي
بس حرصي الزايد
من كل زيوت السياره مغيرها وتشحيمها كويس لدرجت اني بالبيت اوقات فرااغي تلاقيني مقلوب سيقاني فوق وراسي تحت :smilie16: طاب بالمكينه طب اشيك على كل شي
حتى فلتر الهوى اشتري من الوكاله الفلتر اغيره كل مده ومع التنضيف اسبوعيا تقريبا
بالنسبه للتدعيس دعساتي ثابته موب يعني مخروش بالتدعيس

والكويلات وما ادراك ما الكويلات >>> عقدتني
الكويلات تغيرها كلها8 مره وحده ولا تركب التقليد لانك اذا ركبت التقليد كنك ما سويت بالسياره اي شي بالعكس بتحوس كل شي ولمبت التشييك عندك بتشر كل ثلاث دقايق
ولما تركب اصلي راح تشوف الفرق وتشوف المكينه راكده وبدون رجه مع تصفية البخاخ
من بعدها راح تشوف الفرق

الخلاصة: اعط السياره اهتمام زايد بس مو زايد عن حده وتعطيك نشاط مجنون

آفـهـم مـن كـلآمك آن السيـآرهـ آلي مكينتهـآ ضعيفة تعـيش آكـثـر من الـي مكينتهـآ قوية
مثل الكـآبرس و الفورد ,,

ماشااء الله مكشور يالغااالي على المعلومااات

وانا كم لي وانا احاول مع واحد يقووول مايبي وان شااء اله نهايتها خيييييير

أخوكـ|3|

الفورد ما له امل مع ال تي د 96 .. بس مشكلة الكابرس يفصل عند 175 .. حتى الموستنق اى 2004 لو اوتوماتيك ما يطلع على ال تي زد 96 نظيف

طبعا لـ ال تي زد نفس مكينة الـ اس اس 96 بالتمام و نفس القير .. بس الدفرنش و الفصله هي اللي تفرق

<<< كان عنده

شوف انا معاك بان مكاين الكابريس من موديل 2000 وانت طالع صحيح انها قويه

بس مشكلتها يا يطق عليك كمبيوتر او الماكينه تخلط مادري يطلع فيها صووت على تفته

اما بالنسبه للكابريس 94 يجيب 2008 فما اظنتي لان الكلمه هذي قوويه مره

انا متقاوم مع كابريس 93 طبعا موب LTZ فيه نوع اظن اسمه برجهام يجي طبلونه 160

والقومه من الصفر يعني وقوله اذا شاف اللوحه اسلم على خشمه

طبعا البرجهااام موب الي يجي الكفر الخلفي نص لا لا لا نفس العادي بس طبلونه 160 كيلو

وان شااء الله راح نجرب مع الـLTZ 96 ونشوووف منو الاقوى 96 ولا 94

اما كورلا تقوم علي يمكن عشانها عاايدي بس اذا بدل ثااني الفورد قوله كيف حالك :D

أخوكـ

انا اشهد انك صادق وبصرااحه الي ماجرب P71 لايقولي تقاوم مع فورد بس يكووون جديد

موب زي الي عندي يعني 220 بالرااحه تجيبها واكبر دليل الصوره الرمزيه الي انا حاطها

وصدقن يالذيبااان من ناحية المحاافظه هذا انا قوماات ودعس وكرف ولعن جدف

وش صاار بالاخير الرااس انعدم وضعف في الشنااابر ولا ننسى اني قبل فتره غيرت التاكيات

والجنازير وترس الجنيزر والله العظيم اني مغيره وهو متكسر داخل المااكينه لا تخسين سيااره ولا شئ

والقيييييييييير نفس الكلام موب توضيب التوضيب ما نفع ركبت 97

أأخوكـ

اسمحولي بس هذا خلاصة الموضوع وياليت تطرحون مواضيع مفيده
الفورد فك الفصله وبيبض وجه معاك معروف وتاكد من بواجيه والكويلات
اسئلوووووووووووووووووو مجرب :)

اقول تبون الكلام
الي بيحافظ على موتره وعلى الزيوت ويحميه كل يوم بيعيش الموتر معاه سنين والي بيلعن جده وكرفه اسمحولي مايعيش وانتم عارفين الكلام هذا
وبعدين انت يلي تقول ان السياره ماتمشي ويش تبي بعد 180 ولا 178 كيلو
تبي تطير ليش ناقصين المستشفيات ولا حوادث ولا اموات
الي يبي يطير يشتري طياره ويرح نفسه

لاتنسى بعد فيه فورداات لارامكوااا مادري مافهمت منك شئ يعني هل قصدك انها تتحمل

ولا وش الساالفه ؟؟

أخوكـ

طيب و سيارات شركة ارامكو .. كوابرس تمشي كل يوم مئات الكيلومترات و ماشيه زي العسل
انا كنت موظف ارامكو و كان معاي واحد

وش اللي يختلف فيها ؟

انا اقول لو ان الفورد مافيه فصله على 180 كان الناس مرتحاحين بس الله يكفينا شر الحودث انتم فكو الفصله وشوفو قوت الفورد وسلامتكم ولا تتكلمون في السرندل ولا الاحصنه
واسئلو مجرب

ياأخوان من المعلوم أن هذه المحركات الأمريكية يستطيع المرء أن يستخرج منها قوة كبيرة إذ أن محرك الستوك مصمم ليتحمل التعديلات الكثيرة عليه. (سواء تزويده بشاحن هواء تيربو أو برمجة الكمبيوتر أو تغيير الرأس -عدد الصمامات- أو حتى تغيير نسبة الانضغاط compression ratio)
وكما قال الأخوة محرك الموستانج أقوى من الكراون فكتوريا مع أنه من نفس السعة!
ملاحظة: في أحد معارض السيارات السنوية منذ عشر سنوات كان هناك سيارة فورد للشرطة معروضة في المنصة وقال لي مندوب المبيعات آنذاك أن قوة المحرك 4.6 هي 285 حصانا في حين كانت القوة في السيارة القياسية العادية 228 حصانا.

أنا معك مكينة الكابرس (الأمريكي) ما تباعد الفورد .............

لكن الكابرس (الأسترالي -من 2000 وفوق) مكينته والبدي أسوأ من الكابرسات القديمه ...وعمرها الأفتراضي أقل ...

ورح دور لك كابرس 2000 مكينته نظيفه .......تلقى صابونه مكينه نظيفه ولا تلقى كابرس 2000 -2003 بمكينه كويسه....

ولو تقارن مكينة الكابرس القديم بالنسبة لسرعته راح تلقاها ما تباعد الفورد , وهذا الي مخليها تدوم و تدوم و تدوم........



أسف على خروجي عن الموضوع ....

بس حبيت أقول إن مكينة الفورد لا تتعرض لذالك الجهد اللي يتعرض لها مكينة الكابرس ومخليه صاروخ......


ولهذا السبب تلقى مكاين الفورد دائما نظيفه إلى حد ما ..

اذا بنتكلم عن طول العمر .. خلنا نحسبكم فورد من الـ 80 باقي يمشي .. بتلقى كوابرس من الـ 70 اكثر

اللكزس مكينته اصغر و اقوى و ما يخرب ابد

مكينه الفورد مشاء الله تعمر و نادر ماتتوظب او احد يشتكي منها
لكن القير مايتحمل المقاومات تعدم صحون الكلتش