ياجماعة سلامات , ويش صاير مع الناس هذه الأيام ؟؟؟

السبب قلة العقل والوعي والاستهتار

بعدين يقولوا السرعة تسبب الموت...
أنا بدأت اقتنع يوما بعد يوم ان السرعة بحد ذاتها ليست هي سبب الموت...

بل المستهتر أبو راس فاضي مافيه الا هباله ويسرع في شارع مزدحم
لو ماشي 90 في شارع زحمة راح يصير انتحاري وخطر...

وقطع الاشارات...لسه الأسبوع الماضي واحد كثيرة فيه كلمة انسان قاطع اشارة
كنت على بعد انش من اني اصدمه لكن لولا رحمة الله لكنت صدمته صدمه قوية...

مافي عقل....

لــــــيـــــــــش يا شبااب تسمونهم (همج) مالكم داعي والله ...
هذي هواية وطنخه وخرمه وإلخ .... سمها إلي تسميها (إحم إحم ) لا أحد يغلط ؟؟؟
عندكم أنا لامسكت طريق الملك عبدالله حرام ماأضيق في أطلق شنب دورية
وإذا تبون تشوفوني واحد منكم يسنتر مع الدوريه إلي واقفه عند مخرج أبي بكر الساعه وحده بالليل
حرام طردي لإن طبلون الكابرس مايعرف ينزل عن 180 لو أيش ولازم ألز و أجاكر وأطمر على دينا وفي النهايه تسقط علي لومينا المرور وتخالفني
ســـــــــــلام

.
.
.
من وجهة نظري ,,, ان سبب هذا " الهيجان القيادي "

هو الامخاخ المتحجرة ,,,, << أمخاخ جمع مخ :D


بمعنى ,,, لو جا واحد من يمك طاير 200 بـ كامري ,,,, تقول تاخذ الحمية بـ نفسك ,, وتقول

مو ذا اللي يسبقني ,, وتقوم تدعس بالاليتيما ,,,, و200 و غرز

وشوي ذاك راعي اللومينا الـ SS يقول وش ذولا يطارحو ,,, شكلهم ماشافو اصبات الـ شفر !!!

وكذا يصير كل واحد يدعس ,,, لانه شاف الثاني دااعس


اعرف واحد والله ,,, يوم اشترى الماكسيما في عزها 2003 ,,, سميناهـ " أمن الطرق "
مافي واحد يعدي من جنبه ,, الا ويلحقه ,, علشان يقول له شوف تراها ماكسيما


:D

اذا كان قولك همج اجل وش رايك بللي يقبعك ويهرب

يغبنووون والله يغبنوون

والا تكون ماسك اليمين بالدائري ومهدي يجيك واحد يكبس العالي ويدق دق بواري

علشان توخر والله حاااله المفروض يخلون دائري لهل الهمج :D

بس ترى لعلمكم الهمجي ما يهدا الا اذا ذاق الحادث القوي

قسم تشووف الطبلون ما يتعدى 50 ;)

اسئلو مجرب

زحمه وش دخلها بارتفاع الاسعار ؟؟

لالا انا اقول السبب ان MBC تطول بالاعلاناتها صراحه وش هالكلام خلا الناس تعصب وتسرع :D

يا كثر المرات تطلع رايق ويخرب نفسيتك كم واحد:o

والله انك صادق

والسبب مثل ماقالوا الشباب ارتفاع الاسعار:D


و زحمة الرياض وسواقة البشر هي تكرهني فيها بصراحه:mad:

ما نقول الا يجيب الله مطر

هذه الجمله اللي عجبتني جد قلتها وانت الصادق

الله يحمينا من الشباب المستهترين عاد مو كل الشباب لانه بعضهم صحيح انه يسرع واجد بس بانتباه للطريق

انا اقصد اللي كأنه الطريق له لوحده

شاكرين للك هذا الموضوع اخي دارك
|3|

انا اشهد انك صادق ياوليد ارتفاع الاسعار لعب فينا حتى السيارات كلش ناااارر

عين العقل هذا الواقع للأسف :(
ما نقول الا يجيب الله مطر

كلامك صحيح 100%
فا والله ان الواحد كره وصابه الهم من هؤلاء البشر سرعة جنونية وتفحيط وتعجرف وانفه وكبرياء على الطريق وتجاوزات من كل الجوانب ورمي المخالفات و وووووو الخ بدون نهاية

وضع مأســــــــــــــاوي نابع من تربية البيت

والله يصلح الحال

!!!!!!!
????
:confused:

السلام عليكم

ترى أنا واحد من هالمجانين :D


عندنا أفضل طرق رئيسيه على مستوى المنطقه ..

ولكن للأسف لابد أن يكون لديك أفضل بشر ذويقين للقياده ..

سق بذوق أو لا تسق << بصراحه إلى الآن ماهي عاجبتني هالجمله ..

.....

أتصور لو يدخلون نص الشعب في حلبه فورمولا وان لطلعنا في المراكز الأولى ..

وأصبح لدينا أكثر من 100 شوماخر ..

تحيه طيبه

طبيعي جدا
اذا انت بالرياض ؟
مافيه يوم تمشي فيه مرتاح الا يخرب عليك احد الجو
لذلك الزم بيتك احسن لك :D

^
^
^
^
على ذكر الأسعار :D

رحت لسوبر ماركت وانا في الطريق بغيت آخذ لي [COLOR=sandybrown]موسسي برتقال [/COLOR]

لقيته [COLOR=red]بريالين ونص :mad: [/COLOR]

كنت متهني انه بريالين بس لما لقيته عليه زيادة نص عاد رفع ضغطي مع الخلق في الطريق

وهذا الي خلاني احط الموضوع

وشاكر لك

والسلام عليكم