هل الزينون ممنوع من المرور ؟

يا أخوان الزينون مو ممنوع والي يقول ممنوع بسبب الناس يركبونة ويرفعونة بحث انه يجهر الناس وانت ماتستفيد منة او انك تمشي بالعالي وفيه زينون هذا الي ممنوع والكلام متأكد منة
واتمنى اني افدتكم

تحياتي للجميع

انا سيارتي ماكسيما من وكالتها الزيزون وكل يوم موقفني عسكري

حق نقطة تفتيش الجبيل اقول لهم من وكالتها يقولون عمر المكسيما ما جت زينون

اقول له عندي الكاتلوج يطالع فيه ويقول المسامحه

ومرة من المرات فشلت العسكري وقفي يقول رخصة واستماره

وقف على جنب اقول اله ليه يقول وقف وتعرف

وقفت وهو بيسلم العسكري الرخصه والاستماره يقول له زينون

قلت له وانتو كل يوم وقفتوني على الزينون والعسكري الي بيستلم الرخصة قال له

تجي زينون وقلته انا سالتك ليه كل هذا حق لا اجيب الك الاحراج

وصارت بيني وبينه مشاده كلاميه وقال طيب تضليل قلت اله التضليل خفيف 0/1

ويقول ستاره خلفيه قلت اله تماتيك

قال روح وانا الك في يوم من الايام

قلت اله ما تقدر تمسك على شئ

ان شاء الله ما طولت عليكم

تحياتي

اخوي وين ينباع هذا الي تقول عنه انا من سكان الشرقيه


تحياتي

أقول يبو راشد أدا خايف من المخالفات فيه زنون أحين جديد شمعتين مع بعض
شمعه عاديه وشمعه زنون ((يعني كل ثنتين مع بعض))
و يضبط لك الكهربائي سويش تبي أصفر (هو الشمع العاديه ) شغل أصفر تبي زنون شغل زنون

مافي مشكلة لو ركبت زينون بالسيارة حقتك لم تركب يكون مع الزنون جهاز عشان لم تبغا ترفع على الضوء ون بغيت تنزل نزل بس لو تنزل عليه ما تقول شي الشرطة

اقول الله لا يوفقة اللي اخترع الزنون - الشباب اعمو الناس الواحد فيهم ماشي و تقول مركب شمس ماهو لمبة و المشكلة ان انوراة كلها ماهي في الارض ولكن فوق جرب و امشي ورا واحد انوارة مزعجة وشوف نورة وين ضارب و العن شي على سيارات تويوتا واخسهم الكامري لكن ارجع واقول الله لا يوفق إللي اخترعة وكل واحد مزعج نورة انا واحد من اللي يدعون علية و اقول لة "الله يعميك" لإنة بصراحة الشغلة كثرت بعد ما صار الزنون رخيص و بعضهم يسرقونة - يا ناس حتى الريوس و المؤشر زينون وداخل السيارة زيتون - صحيح مصخرة والله العظيم.

ياأخي عليك وعلى زينون الوكيل هيونداي الناغي
بصراحة ممتاز جدا
ودرجة اللون ابيض 6000
نوع الشمعة h7يعني واطي ويعطون علية ضمان سنة وسعرة 750 ريال مع التركيب
واذا سيارتك جديدة يعني على الزيرو يعطوك عليه نفس ضمان السيارة 3 سنوات او 60000 كيلو وهذا يثبت انهم واثقين من منتجهم
واذا كان ممنوع مايركبونه على السيارات الجديدة
وكمان تقدر تشترية من اقرب فرع ويرسلون الفني يركبه فورا وانت في نفس الفرع
يعني مافي داعي تنتظر او تدخل سيارتك للصيانة ويعطوك موعد
ويكفيك انه تركيب الوكيل وضمان الوكيل

يا عمي إيش فيكم طفشنا من دا الموضوع

ما عليه مخااااااااااااااااااااااااالفة اوكي

ولكن للماعندهم عدسة في سيارتهم من يوم ما تدخل التفتيش أطفي اللمبات

لأنو العدسة صراحة ما تجهر

والله بالنسبة لي يا الغالي ،

انا من الرياض و اشتغل في الجبيل ، اطلع من الجبيل للرياض ما عندي أي مشكلة ، أطلع من الرياض لين الدمام ما عندي مشكلة ، بس من الدمام للجبيل فيه نقطة تفتيش يغثوني على الزينون و اخذت مخالفتين ، و بالاخير فكيته ، مع انه الماني و مشتريه بـ 2100 من العليان و سعره للحين متماسك و لونه ابيض و يدلك على انه نوعية ممتازة ، مو ازرق زي اللي يركبونه الخلق بـ 600 ريال ..

نصيحه .. ابعد عن الزينون ..

وان كانك معزم .. اللي عندي فيليبس الماني و اسال عنه في العليان ، واذا عزمت عليه دق علي برسالة خاصة و ما راح نختلف ....

تحياتي

الخبر الاكيد وهو ان الزينون ممنوعا وهذا بتصديق مدير مرور منطقه الجبيل


ماعدا السيارات اللي تجي من وكالتها زينون

والسالفه ماهي عالي ممنوع وواطي مسموح


لو على كذا كان vx-r ممنوع لانه بالعالي

الزبده وهي((اي سياره مركبه زينون غير شد بلدها مخالفه ))

والله عندنا في الامارات

على ما اضن ممنوع

شكرا

السلام عليكم ورحمة الله وبركاته

والله اخوي احنا عندنا في البحرين ممنوع وش السبب انه الداخلية قاصرة فلوس ومو

محصله مصدر دخل قالوا خلونا نطلع لنا قرار يمنع الزينون ونلايم من خلق الله فلوس

الناس عندنا ميته ما عندها فلس اخر الشهر وهذولا ضرب قسايم في اجلهم تتكلم في

التلفون قالك مخالفة مركب زينون قالك اضائة رديئة مخالف حزام مخالفة تظليل مخالفة

مسوي تهبيط حق السيارة مخالفة مادري شنو مخالفة كل شي مخالفة مخالفة خلها على

الله بس الشعب البحريني من تجيب له طاري المرور على طول سبوهم من قوانينهم ..

والله على مزاج العسكري

مخالفته 300 ريال

.
.
.
انا من 2004 مركب زينون في الواطي
وقبل ستة شهور تقريبا زودت واحد في العالي

الحمد لله ماعمري اخذت قسيمة ,,, بخصوص العالي ركبته ليس للتكبيس ,, ولكن للانارة القوية خاصة لاني دايم اروح اماكن مظلمة :D

مشكورين على سرعه الرد

بالنسبه لاخوي KIFY وش المحل اللي في الغرابي و ين فيه بالضبط

وهل شغله تماااااااااام
ومشكورين

أبو راشد

ما فيه حد معين
بس أهم شيء إذا وقفت قدامه ما يعميك

امم بالنسبة لأفضل زينون في شركة انترباور ووكيلها في الغرابي
عنده ضمان سنة وسنتين وثلاث على المحول
وعلى الشمعة سنة وخذ اللون اللي تبغاه من درجات الزينون

:D :D :D

أعوذ بالله وش الهـ نوع ألي 200 ريال لا بعد أبو كلب :D