ودي بجيب جديد بهالسعر .. فزعتكم ومشورتكم

لا أعرف كيف أصور الموتر ويمكنك مشاهدته لدى الوكيل بالقرب من السدحان على طريق خريص أو الدائري الشمالي بجوار هيونداي

سوزوكي جراند فيتارخيارممتاز
وحول هالسعر اللي عندك

شكلك ماركبتها السياره أصغر من الباث فايندر
وعن نفسي اشوفها ضيقه حيل بس قوه تعطيك|1|

هلا بك اخوي
الباث يجي 3 مقاعد
والاكستيرا مقعدين يعني اقصل بقليل
بس عزم ماشا الله وقوه واقتصاديه جدا
واي استفسار حاضر
تحياتي

أخي الفاضل
السلام عليكم ورحمة الله
عندي حاليا سيارة قراند فيتارا 2008 وتم اختيارها بعد دراسة مستفيضة للسوق وكانت هي الانسب كمواصفات وسعر - لونها لؤلؤي ومن الداخل بيج على رمادي -6 سلندر-فتحة سقف-قير اوتوماتيك-جلد-مثيت سرعة-فل كامل اشتريتها من الوكيل قبل حوالي شهر أو أقل وما كان عندي نية بيع لكن لأمر طارئ أفكر في بيعها لاحتياجي للكاش -السيارة شهادتي فيها مجروحة لكن كل ما استطيع قوله بأنها سيارة رائعة بكل المقاييس -سيارة مريحة-قوية في البرلوجود الدبل الكامل فيها(خفيف-ثقيل-مستمر-مستقل) السيارة ليست تجميع مثل بعض السيارات اليابانية الاخرى بل ياباني -ياباني ولكن قد ما تكون مناسبة لك لأمر واحد فقط وهو أنها مرتبتين وليست ثلاث مراتب بمعنى لا يجد صف ثالث في الخلف وبالتالي فهي مناسبة لعلئلة صغيرة لا تزيد عن 5 أشخاص ...
السيارة اشتريتها بـ94500 ريال قبل شهر تقريبا وماشيه تقريبا أكثر من 3000 كم حاليا ،،،

المطلوب فيها بحدود المبلغ اللي تتكلم فيه تقريبا (85000 ريال )،،،(10000 ريال اقل من سعرها جديدة وهي فعلا تقدر تقول عنها جديدة ) عموما شهادتي في السيارة مجروح فيها -اسأل عنها مجربها والله تعالى أسأل ان يختار لك ما فيه الصالح ،،،

معليش لتدخلي ;)

الاكستيرا بحجم الباثفايندر تقريباً اذا ما كانت بنفس الحجم

بس شكلها شوي غلط (من وجهة نظري) من الخلف والجانب للخلف وانت شف واحكم

بس سياره ما عليها ولا راح تندم ان شاء الله

وهي تصلح عائليه اكثر من النتافيا حقت الشركات:D

ونسأل الله تعالى لنا ولك التوفيق بإذنه تعالى وكل عام وانت بخير

ولا تنسى تخبرنا وش شريت:)

عندك الباجيرو الستاندر بس غالي شوي عليك قيمته تقريباً 97 الف ريال

تبي الصراحه لا تكلف على حالك وات ترهق عمرك اخوي خذ الي يناسبك
من الناحية الماديه ومد رجليك على قد لحافك وتعايش مع الي تشتريه وتكيف معه
ودمتم سالمين

السلام عليكم
ليش ماتشوف السزوكي جرادفيتارا ؟

بارك الله فيك أخوي مساري وما قصرت ..

أخوي DVD بارك الله فيك الاكستيرا حجمها مثل الباث ولا أصغر لا هنت

انصحك با الاكستيرا نص فل قير اوتو سعره 88 الف
قوي واقتصادي
واسئل مجرب ولا تسأل طبيب
تحياتي

هلا اخوي الهياج معليش تأخر ردي بسبب شوية مشغوليات

بالنسبه للناتيفا انا عني ناسبني جدا وترى بمواصفاته ماراح تلقى بذا السعر

هو يجي دفع خلفي ومايشتغل رباعي الا لما تشغل الدبل وطبعا مرتفع ويتحمل

الاستعمال الشاق وجيد بالبر وعلى الطرق .

وهذي صور له :
http://www.alhabtoor-motors.com/mits...iva/01_big.jpg

http://www.alhabtoor-motors.com/mits...iva/02_big.jpg

http://www.alhabtoor-motors.com/mits...iva/03_big.jpg

http://www.alhabtoor-motors.com/mits...iva/04_big.jpg

http://www.alhabtoor-motors.com/mits...iva/05_big.jpg

http://www.alhabtoor-motors.com/mits...iva/06_big.jpg

http://www.alhabtoor-motors.com/mits...iva/11_big.jpg

http://www.alhabtoor-motors.com/mits...iva/08_big.jpg

http://www.alhabtoor-motors.com/mits...iva/10_big.jpg

http://www.alhabtoor-motors.com/mits...iva/14_big.jpg

http://www.alhabtoor-motors.com/mits...iva/12_big.jpg

http://www.alhabtoor-motors.com/mits...iva/13_big.jpg

لاتنسى الاستخاره والله يرزقك الي فيه الخير

طيب وش رايكم بالدوج اللي اسمه نيترو .. ؟؟ الجديد منه 2007 بقيمة 76100..

شكله حلو لكن يبقى أنه دووج ولا ادري وش وضعيت الموتر من حيث القوة والتحمل ؟؟ نررجو الرد

تقصد جديد ولا مستعمل ؟؟

عزيزي انا انصحك وبشده فورد اكسبلورر هدواء في الخط قوة وكيل ممتاز مواصفات مافي اجمل منها سيارة مافي احد عابها الى الان ولله الحمد . وتقدر تزول اقرب وكيل فورد وتشوف السياره .

تحياتي

حيرة والله

ومشكورين

السلام عليكم

اخوي الهياج .... تحيه طيبه

ما اقدر ازيد على ما افادوا به الاخوان ... بصراحه ما تركو شئ

انا مثلك طرحت هالمبلغ تقريباً وتمت افادتي وجزاهم الله خير

وبصراحه دلوني على سياره حلوه بس انها 4 سلندر وهي الاوتلاندر من ميتسوبيشي

بإذن الله هي سيارتي واختياري للاربعه سلندر هو هروباً من صرفية البنزين العاليه

لسيارات الدفع الرباعي .... تخيل صرفية سياره 4 سلندر جيب هي نفسها صرفية 6 سلندر سيدان
لا وتزيد بعد شوي !!!!!

فلا تهمل حكاية البنزين تراها قويه والله اعلم احنا مقبلين على زيادات الاسعار في كل شئ

وبعدين انت ما حددت انت تبيها سيارة بر شبه مستمر ولا طلعات كل فتره والثانيه ومن عيد لعيد
ترى هذي لها دور في تحديد نوعية السيارع الي ترغبها

وبصراحه المبلغ الي طارحه موب ذاك القوه في ظل التضخم الحاصل في الاسعار
اذا بتشتري كاش مبلغك هذا ضعيف وخياراتك محدوده جداً
اما اذا بتشتري تقسيط فانصحك تزيد المبلغ شوي عشان تحصل على سياره حلوه
واذا كان كاش خذ بالتقسيط وعط الشركه نص المبلغ او اكثر شوي وذلك بغرض زيادة المبلغ الي راح تشتري به السياره...
وقبل كل شئ استخر الله سبحانه وتعالى
وثانياً اطلب تجربة السيارة قبل شرائها

اما السيارات الي ارشحها وبدون تحديد المبلغ بس انه في الثمانينات او بداية التسعينات
وهي :
1. الفورنتشر 6 سلندر (اتوماتيك او عادي انت حر) دفع رباعي
2. الاوتلاندر 6سلندر او 4 سلندر دفع رباعي اساسي
3. الهونداي سانتافيه او الفيراكروز
4. نيسان اكستيرا وفيه قشقاي (جبنه ذي ميهب سياره:D ) بس عيبها انها صغيره
بالنسبه للنتافيا جيده وسعرها معقوووووول جداً جداً لكن شكلها (بالنسبه لي والناس اذواق) قبيح جداَ كأنها سيارة عمال شركات |3|
اما الامريكي فانا ملغيه من القائمه مااااااادري وش شايفين فيه بعض هالناس!!!!!!!

وبالله التوفيق

خذ لك جراند فيتارا 6 سلندر أقل درجة تماتيك اعتقد حول 83 ألف ريال سيارة يعتمد عليها في التحمل والعملية والمواصفات والفخامة لكنها حجمها أقل من ما تبحث لكن تبي تبحث عن شيء زين وبالقيمة الي معك فأرتح من الحين ما راح تلاقي! أنا واجهتها حتى أني فحطت ولا لقيت شيء صاحي لدرجة أني مالقيت خيار إلا أني أزود المبلغ الي معي علشان أخذ شيء يستاهل من ناحية كل شيء والحجم ايضا

بارك الله فيكم جميعا

لكن أخوي مساري الرياض لو عزمت أشري الناتيفا 2008 ب 75 ألف وش تنصحني فيه وش رايك فيه وبعدين ودي بصور له

الفورتشنر مواصفاتها ممتازة لكنها 4 سلندر
وبالتوفيق ان شاء الله ..

كنت في نفس موقفك قبل ما اشتري الناتيفا ولفيت لفيت ورجعتله والحمدلله ممتاز

سياره تكرف وتتحمل وجيده بالبر.