السلام عليكم
كل عام وأنتم بخير :)
إذا بتنضفها بنفسك
أنا نضفت جلد سيارتي بنفسي لاكن تعبت وأوجعتني يدي ليومين (( مافيه لياقه |5| )) وأستخدمت هذا المنتج من مغيارز لقيته في ساسكو ب 35 ريال
و عموماً أي أحد بينضف الجلد بهذا المنتج لازم يلتزم بالآتي :
1 - تكون السياره بعيده عن أشعه الشمس وفي مكان منور
2 - يبدأ أول شي بخرقه رطبه من القطن الخالص يمسح بها المراتب فقط لإزالت الغبار
3 - يجيب كم خرقه نضاف جداً من القطن برضه
4 - يبدأ بكل جزء لحاله بشرط أن المساحه ماتكون كبيره ( السبب الملمع إذا طول على الجلد يسوي بقع )
5 - خطوة التنضيف بدايه يرش الملمع على الجلد مباشره ويمسح بالخرقه من دون مايضغط عليها بقوه هذا بيشيل الطبقه الأولى من السواد على الجلد
6 - خطوة التلميع بخرقه نضيفه يبدى بالتلميع يرش الملمع على نفس المكان الأول ويقوم بالتفريك بضغط خفيف وموزون وثابت ( السبب بتكون فيه مناطق نضيفه وآخرى لا وبتصير المراتب مبقعه إذا قام بزيادة الضغط )
وعلى كذا إلين ينتهي من السياره كامله بعدين
7 - خطوة الحمايه يرش الملمع على خرقه نضيفه جداً جداً جداً ويمسح ( مسح فقط ) على كل اللي مرعليه ( بشرط ما يكثر منه ويغرق الجلد ويبقى شي تلعب فيه أشعة الشمس يعني يسوي طبقه خفيفه جداً ) وهذا يعطي الجلد خواص لحمايته ويبقيه لين ورطب لوقت طويل حتى بعد أن يجف لأن الجلد يمتصها
ملاحظه : عبوه واحده تكفي بشرط الإعتدال
سيارتي أوبيروس وكفتني وحده مع أن البيبان الجلد فيه كثير غير أني لمعت الفينيل وأصحاب الأوبيروس يعرفون وش كثره فيها وقل البلاستك إلى مستوى تقول عنه معدوم
لمعت الجلد من أكثر من شهر الآن وهو مثل الجديد إن ماكان ألين شي مثير
وصوت الحركه عليه مثل أول يوم ( صوت طرطرة الجلد )
أنصح به بشده |3|
