أفيدونا يا أصحاب الفورنتشر ..

T O R N A D O @user_2487 · 15-12-2007

بسم الله الرحمن الرحيم

السلام عليكم ورحمة الله ..

يا شباب أنا بديت أفكر في الفورنتشر .. وبصراحه أعجبني شكله وأنتشاره .. وكذلك مقطع الفيديو اللي يوضح مدى ثبات الفورنتشر ..

لكن يا ليت لو تعطوني معلومات صادرة عن تجارب . مثلا قوة المحرك .. الفخامه .. الصرفيه .. الخدمات .. الايجابيات .. والسلبيات ..

وشكرا

جبال السروات @user_70180 · 05-01-2008

VX2
تجي جلد ؟؟؟؟
الستة سلندر يجي فئتين ؟؟
وش الفرق

مجنوونها @user_35222 · 03-01-2008

والله السيارة روعة بالنسبة للسعر هذا

بالخطوط وداخل الديره مريحة مرة بالنسبة للجيوب

وبالبر مشاء الله مايرده شي افضل من ال VXR والهدد GX والباترول سفاري 4800

طبعاً السيارات كثيرة لاكن هذي السيارت المعروفة للبر واللي جربتها مع موتري الصراحة فرق شاسع بالنفود ومافيه مقارنة

السيارة مثل ماقالوا الاخوان الديكور تحس ان مافيه فخامة حتى مع المواصفات الكاملة

لاكن بالنسبة لي مو مشكلة بالعكس البلاستيك المقوى ماينشق مثل الجلد اذا ضربه شي

والشمس ماتأثر فيه مثل الجلد

انا عندي ماكسيما تشوف الدركسون ورأس القير متأكل من الكرف والشمس

يعني بالنسبة للجيوب الفخامة شي ثانوي

مثل الشاص لاندكروزر والربع (الكبسوله) والهامر H1 مافيها ريح فخامه لاكنها جيوب وماشي سوقها

والفورتشنر ترتيبة بالفخامة متوسط مو مثل جيب اللكزس والرنج ولا مثل الشاص والربع والهامرH1

بينهن بالوسط

و يعيب الفورتشنر مكان المكيف الخلفي من يوم شريت الموتر وانا افكر ليش مكانه هنا

لاكن الله حق اذا شغلت المكيفين بعز الصيف تحس انك بالاسكا

<<<<<<قووووية الاسكا مرة وحدة |10|

المقصود انه يبيض وجهك لاكن المشكله بالشكل والتوزيع ناس تثلج وناس مايجيهم شي

ويعيب موديل 2008 المراتب بالفل كامل VX2 تجي جلد

فيه ناس تشوفها ميزه

الجفن @user_36223 · 18-12-2007

بصراحه جيب الفورتشنر موتر لا يعلى عليها
حاليا ولله الحمد املك واحده موديل 2008 طبعا ست سلندر الله يجزاه الف خير للي نصحني فيه وهي سياره ممتازه جدا جدا جدا وهي مثل ما تفضل الشباب هي عمليه وسياره لك ولزمن ملنا من الكمليات اللي تستخدمها مره في السنه هذا اذا استخدمتها نبغاء سياره نكدها ونروح عليها بعيد وقريب وننزل عليها صحراء وما تخلي راعيها يدور على سطحه من كثر الخربات
بصراحه للي وده في موتر يكده ويسافر عليه له ولعائلته وسعره معقول جدا جدا لا يفكر الا فيه
اول شي انه تايوتا وثاني شي موتر ما يغثك في الخربات ومثل ما قالوا بعض الشباب هايلوكس وهذا الي ندوره بصراحه هايلكس بس ست سلندر
بصراحه تو ما لقيت سيارتي مع كثر ما شريت من سيارات الا هو احس انه الي ناسبني

dc55s @user_46393 · 18-12-2007

السيارة هي عملية اكثر من فخمة والسبب كونها من فئة الــ USV وهي تعني سيارة متعددة الاستخدامات...لذلك فهي ممتازة من ناحيه القوة (نفس محرك البرادو وال FJ كروزر و اللاندكروزر الجديد V6 4000) اقتصادي المحرك في البنزين ايضا مريح في القيادة وكأنك تقود سيارة صغيرة وتتسع لـ8 اشخاص وتمتاز بالدفع الرباعي المستمر ....الخ. السيارة معي من 8 اشهر وهي جدا ممتازة وعملية بشكل كبير ولم الاحظ اي مشاكل الى الآن والحمد لله ...

Abo Azaam @user_49006 · 18-12-2007

ا

الخل الوفي

لعلمك التجميع فقط أندونيسي، لكن أغلب القطع، وخصوصاً القطع الميكانيكية يابانية 100%، وهذا أهم شيء.

وكونها تجميع أندونيسي (أو تايلندي موديل 2006) ساهم في تخفيض سعره إلى السعر إللي أنت تشوفه.

لو تلاحظ، هذي ميزة موب عيب ... عشان تروح الدوام وانت صاحي ما يحتاج قهوة الصباح ههههه

والله صادق هذا سبب انخفاض سعرها مع أنه ليس سعر عادل لها بل هو مبالغ فيه قليلاً فقط

أكبر مثال الكورلا والكامري سعرهم متقارب والسبب بلد الصنع

أما بالنسبة للقهوة فهي ضرورية حتى لو ينشق راسي :)

الخل الوفي @user_44434 · 18-12-2007

m

mmm111

انا كانت عاجبتني بس اكتشفت انها مهي يابانية

اندونيسية

لعلمك التجميع فقط أندونيسي، لكن أغلب القطع، وخصوصاً القطع الميكانيكية يابانية 100%، وهذا أهم شيء.

وكونها تجميع أندونيسي (أو تايلندي موديل 2006) ساهم في تخفيض سعره إلى السعر إللي أنت تشوفه.

أبو الخل يا أخوي ركز شوي الخطأ منك مو من السيارة :)

بس حلوه غير ممرن بعد النوم اللذيذ

شكراً على التوضيح

لو تلاحظ، هذي ميزة موب عيب ... عشان تروح الدوام وانت صاحي ما يحتاج قهوة الصباح ههههه

Abo Azaam @user_49006 · 18-12-2007

ا

الخل الوفي

ونقطة أخرى، وهو أن سقف السيارة منخفض نوعاً ما، ويا ما أكلت خبطات على راسي لما أدخل السيارة، خصوصاً في الصباح الباكر لما أطلع للدوام، يكون الجسم ما زال غير ممرن بعد النوم اللذيذ.

أبو الخل يا أخوي ركز شوي الخطأ منك مو من السيارة :)

بس حلوه غير ممرن بعد النوم اللذيذ

شكراً على التوضيح

mmm111 @user_72091 · 18-12-2007

انا كانت عاجبتني بس اكتشفت انها مهي يابانية

اندونيسية

الخل الوفي @user_44434 · 17-12-2007

3

320e

ماذا تقصد برخيصه بالنسبة للديكورات الداخليه هل تعني جودتها منخفضه

نعم، نوعاً ما. يعني تشعر من النظرة الأولى أنها ليست سيارة فخمة. لكن لا أتوقع تتشقق مع الشمس بمرور الوقت، لأنها بلاستيك قاسي، ليست جلد مخلوط مثل السيارات الفخمة.

ونقطة أخرى، وهو أن سقف السيارة منخفض نوعاً ما، ويا ما أكلت خبطات على راسي لما أدخل السيارة، خصوصاً في الصباح الباكر لما أطلع للدوام، يكون الجسم ما زال غير ممرن بعد النوم اللذيذ.

320e @user_47162 · 16-12-2007

ماذا تقصد برخيصه بالنسبة للديكورات الداخليه هل تعني جودتها منخفضه

RX350_KSA @user_70578 · 16-12-2007

صدق من قال عند أبو الخل الخبر اليقين ...

الخل الوفي @user_44434 · 16-12-2007

سيارة ممتازة جداً، وقدرات رائعة في البر وصلابة الهايلكس، ومريح جداً، واستهلاك رائع للوقود، وأهم شيء ... قفل دفرنس خلفي.

يعيبه: خزان وقود صغير جداً، ديكورات داخلية رخيصة، ياياته الخلفية لينة جداً، يعني إذا حملت السيارة ركاب بالغين تلقاها تطيح من الجهة الخلفية بشكل ملحوظ. وهذه حلها سهل، وذلك بتركيب يايات أقسى أو بتركيب بالون هواء داخل الياي مثل نوعية Airlift.

T O R N A D O @user_2487 صاحب الموضوع · 15-12-2007

هههههههه ..

مشكور اخوي ..

أجل اللي هذا أوله ينعاف تاليه ..

ما قصرت .

hasounah @user_25171 · 15-12-2007

في الخط ماعليه كلام
السته سلندر عزمه ممتاز جدا
صرفيته جيده
ديكوراته الداخليه الله بالخير!
في البر اهل الخبره يفيدونك

T O R N A D O @user_2487 صاحب الموضوع · 15-12-2007

وأنا بانتظاره ان شاء الله ..

مشكور اخوي

RX350_KSA @user_70578 · 15-12-2007

اعتقد افضل واحد يفيدك ابو الخل (الخل الوفي)