الفورد و النتائج المخيبه للامال

معليش حبيبي ..
انا حسبت المشكلة قوية تجاه الفورد ... لكن !!!
تسارع ؟؟؟ ... مو لازم تجيب 100 خلال 5 ثوان .. المهم الراحة ونظافة المحركات
والآدااء والأمان .. وبالتوفيق عزيزي

صدقت والله وفوق كذا ما اشوفه ثقيل بالقومه بالشكل الكبير بالنسبه لوزنه :c0038:

لاني مجرب مع كورلا جديده وكامري وقير عادي هم وغبرت عليهم بالراحه >>>اصلا كنت متخوف يطلعون علي لي خفتهم

بصرآحة الفوورد >> سيارة يعتمد عليها وغير كدا قوووة تحمـل
رغم ان فيها بعض العيوب >>> لا يوجد سيارة ما بها عيووب
ومثل ما قالوا الاخوان جرب دحدرة بالفورد شوف كيف قوته
وانا عن نفسي اشبه القومة من 0-100 بالمرسيدس من ناحية واحدة فقطـ
المرسيدس في القومة ثقيل لكن كبدآية يعني احتمال انك تـتقدم عليه لكن شوي رآح تشوف مآر عليك ويقولك سلام سلام هههه ولا بتشوف الا الغبرة
كذلك الفورد وانا مجرب ما يفز بسرعة لكن من يبدأ يفز تشوفه مثل الصاروخ
وادا تبي تعرف وتجرب القوة الفعلية للفورد
جربه على خـط طبعآ مع فكـ الفصلـة ودوس فيه شوف كيف يعطيك ل 200 واكـثـر ..

اهلا بكم اخواني

بالنسبه للفكتوريا الرياضي يجيب ال100 في 7 ثواني خصوصا اذا كان مستورد وهذي حقيقه مجربه ما شا الله تبارك الله

اما العلاقي بيكون تسارعه اقل بحيث انه يجيب 100 في 9 ثواني اللي مدربه صح

اما المارودر ماشا الله تبارك الله يجيب ال100 في 4.5 - 5 ثواني وهذا مجرب فعلا

:rolleyes1:قولوا ماشا الله تبارك الله:rolleyes1:


لذلك ياشباب لاتستهينوا بالفوردات ترى والله شفت بعيني ماشا الله علاقي في 99 او98قام على لومينا LTZ 2009 رجاله وطار للاشاره الثانيه وعندك مواقف كثيره صعب تنحصر

الزبده :bigggrin: ان التمرين الصحيح للسياره مهما كانت تعطيك تسارع افضل مع مرور الوقت وحلاوة الجو تروق السياره وتخليها تعطي صح

تحياتي للجميع
:ch19:
Marauder 2003

والله مستغرب من الردود انا قبل اسبووع قومت قومه ارض مع كامري 2008

وفي القومه طرحته وانا اضحك الين 140 >>مشالله

وبعدها تعداني

فا كيف تقولون تسارعها بطيى ومع العلم اننا قومنا مرتين عشان يقتنع

انا عندي كابرس 96 البخاخات رايحه فيها

والحمدلله تسارع طيب 100كلم في 9 ثواني

انا سويت تسارع مع افالون وخيب امالي الماركيز مع اني اول مره اسوي تسارع توي شاري الموتر
مع ان الأفالون 6 اسطوانات والماركيز 8 اسطوانات
بس على ما اعتقد علشان الماركيز الى 180 كلم و الأفالون 260 كلم
لأني في البداية طلعت علية بس يوم تعديت الــــــــ140جابني
ولكم جزيل الشكر

أخوي يمكن أنت مشغل المكيف ؟

كثير 10 ثواني كثير


كورولا 1.8 0-100 في 9 ثواني
كامري 4 سلندر في 9 ثواني
اوبترا 2005 في 11 ثانيه اوتو ماتيك في 12 ثانيه
شيروكي 91 في 8 وكسور من الثانيه
لاندكروزر 2006 جي اكس ار في 9 ثواني
لاندكروزر 2006 في اكس ار في 8 وكسور من الثانيه
كابرس اس اس 96 في 6 وكسور من الثانيه

وللاسف الفيكتوريا 98-2008 في 10 ثواني !!!!


اليوم مجرب موتر واحد من الشباب شاريه امس فيكتوريا موديل 97 p71 على ما يزعم >>>> صار تحقيق خخخخخخ

من 0-100 في 9 ثواني من 0-160 في 25 ثانيه وطبلون تحت 200 بشوي مكن 215 كم
ونقارن بموتري 8 سلندر زيه (اس اس 96 )
من 0-100 في 6.6 من 0-160 في 16.5 ثواني 260 ادعس وما عليك يمكن يعدي 260 بعد ماشاء لله خخخخخخخخ


ان شاء لله نشوف فورد 2009 تسارعه 6 ثواني

أنا معي قراند ماركيز 2004 و أحس إن تسارعه جيد يمكن يجيب ال 100 في 10 ثواني إلى 11
بجربها اليوم إن شاء الله وبرد لكم

ان ما جربت الفورد بس جبت من 0 الى 60 دقيقه وثانيتين

بما اني توني شااري فورد جرانـد ماركيز ماجربت التساارع

بس كانت وياي ...
2002 < شاريه من الكويت كراون فكتوريا

من 0 الى 100 ماشااء الله
يجيبها 8 ثواني


والطبلون >> يجيب تحت 180

غريييييييييبه !!!


يخوي شيك على سيارتك مو معقوله


انا عندي فورد كراون فكتوريا سبورت 2007 وافضل من كذا بكثيييييير ما شاء الله

انا عندي جراند ماركيز جبتها من 0 الى 100 في 7 ثةاني علما بالقير علاق

اخوي انا كنت موتقع الفورد لو ما فصل يجيب 240 وكذ

بس انصدمت يوم جا واحد من الشباب سيارته ما تفصل وجربناها ركبت وياه
تدري كم حدد

225 كم !!! موديله 99

280 كثير على اس اس 2006 كيف يجيبها فورد

لا تنسى 230 حصان 4.6


حبيت اضوح بس ولا تزعل ههههههه السالفه حديد
خل روحك رياضيه

من جد عزم الفورد تعبان
وعيب على 8 سلندر 4.6 يكون تسارعها 10 ثواني
يعني تسارع الكامري افضل منها !!!!!
والمشكله تجي منها سبورت جير ارضي وطبلونه 180 كم بسسسسسسسسسسس :a120(89):

هم نزلو الماردور وكان منافس لل اس اس 96 مو الجديد 96 القديم هههههههه

بس ما قدر يتفوق عليه مو بس في التسارع ولا القوه

الامريكان كانو غير راغبين(ماحبوه) فيه لانه نفس شكل الفيكتوريا >>> الكلام مو من راسي راجع المنتديات الامركيه ابخث في جوجل <<<
والفيكتوريا عندهم حقت تكاسي ودوريات

فحبو الا اس اس 96 ( امباله عندهم ) اكثر من المردور بسبب شكله الرياضي ( شكله وحش )

والماردور ما استمر كثير 2003-2004 على ما اعتقد


اصحاب الفورد مابي احطمكم

تسارع موتري اس اس 96 0-100 في 6.6 ثواني واقل خخخخ :a234: >> قام يستعرض بسيارته
واشوف 6.6 مو حلو ابي 6.0 ثانيه

والطبلون عندك مو محدود مكتوب في الطبلون 260 ويمشي اكثر بعد ههههههههههه

وموتري الثاني شيروكي 0-100 في 8.9 ثواني

وهو سته لييييييييه الفورد 8 وتسارعه 4 سلندر الله يعينكم يا راعين الفرود

ان شاء لله يكون مويل 2009 او 2010 قوي


بس خلينا نجي للميزاته

سياره عمليه وكشخه و توفر بنزين
مو زي 5.7 اس اس 96 خخخخخخ فرق

تحياتي لجميع أعضاء المنتدى وانا مستغرب من عدم ذكر معدل صرفية البنزين في الفورد بما يساوي او يقل عن السيارات الاربعه سلندر ونا من ناحيتي معي مركيز 2003 وطارحت كامري 2007 واكوورد 2007 وماشاء الله غبرت عليهم الى ال180 بس عندي حنه مدري في القير ولا الدفرنس اذا كنت ماشي على مهل من ال80 الى 110 اذا احد منكم عنده خلفيه عليها يبديلنا برايه الله لا يهينه وشكراا,,,,,,