بانزين السيارة 91 -- وابغي احوله الى 95 -- ابي شوركم ...

ياأخي لاتخف واخلط :D
سيما أنك تريد أن تنتقل إلى الأوكتان الأعلى وليس العكس
أنا خلطت في عدة أنواع من السيارات ولم أجد أي مشاكل
|3|

[وقود 95] .. هـو الأفضل |1|

ولكن

[وقـود 91] .. مـنـاسـب |3|

/

مــودتــي

انا اعبي الماجنا VR-X بنزين 91 وبالعكس عزمها ما تغير ولا طلع صوت ولله الحمد

انا عندي بي ام قديم 92 وكنت على بنزين 95 وما لاحظت اي فرق مع بنزين 91 ،، ورديت رجعت مرة على 95 قلت يمكن فيه فرق ،، وماحسيت بفرق او اي مشكلة فصار الحين فترة على 91 ، لكن بعد برد على 95 وبدوم عليه فترة وبشوف... ان كان فيه شي من ناحية العزم أو الصرفية او التخبيط.

ياخي هذي الوان حتى ماينصبون ويعبون لك قاز وانت مانت داري
اخضر = 91
احمر = 95
ازرق= قلم حبر

بنزين91 كانه عصير ليمون بالنعناع والله باين عليه انه مضروب انتبهوا منه

ملاحظه:
اللى سيارته ما تمشي 100% ببنزين 91 وبعد كذا غير الى بنزين 95 ومشت السياره تمام هذا مالها الا معنى واحد وهو:
ان محرك سيارته ما هو مزبوط من الاول خاصه اهل الفوردات الفوردات الفوردات.
واما اللى سيارته محركها 100% وتمام ومزبوط ما راح يميز الفرق بين الاثنين 91 و 95

ياخوي أنا سيارتي ماجنا .. والـ 91 مناسب جدا ومالاحظت أي فرق في السيارة .

عبي 95 وبس 91 كله مشاكل وبالنسبه للداعيه (( خللك ذكي )) الا خلك رايح جاي لهاالورش
سببلي مشاكل للمكينه وما زبطت اموري الا يوم غيرت ل95

اخوي انا مثلك .. ولما سألت قالوا اذا وصل التانكي النصف عبها بنزين 95 وبالفعل سويت كذا علشان يختلط بنزين 91 و95 والحمد لله ...

وبصراحة انا سألت واحد من الشباب محافظ على سيارته وهي قديمه جداً وقال حط بنزين 95 احسن لك وافضل

بالتوفيق اخوي

الله يطيكم العافة شباب ...


بس اخوي نمر انا جازم على الـ 95 ولا افكر ب91 ابدا ...

واستفساري كان شلون احول من 91 --- الى 95 ...



وما قصر اخوي 1100r ...


راح امشي عالسيارة الين تفضي مررره ... وبعدين راح اعبيها 95 ...




والله يعافيكم كلكم .. والله خوش منتدى وخوش شباب .. شغالين 100% .. ما شاء الله الموضوع حاطه من قبل 10 ساعات ونص ... واول رد كان من اخوي الاوبيروسي بعد ساعة بالتمام ...




الله يعا فيك ... والله انكم تكانه ... وينشد بكم الظهر ...



تحياتي لكم ...

تخبط ؟؟؟؟؟؟

الحين لها عمر ماشية على 91 و لما تخلط معه 95 اكيد الاوكتان راح يرتفع اكثر فمن يقول تخبط ؟؟؟

ارمكوا تقول ان السيارة الى تقبل 91 اطلاقا ما يضرها الخلط

و على اقل تقدير لو ما تقبل فوضعها افضل من بنزين 91 خالص


و نصحة اذا ماشية على 91 وفر فلوسك و خلك ذكي على قولتهم

و اسمع كلام ارامكو اهل الخبرة

بعدين الخطورة الي نخاف منها مع بنزين 91 هي الفرقعة (Knocking) ماهي الحنة و تغير الصوت هذي ما لها خطورة على المحرك


كلما كانت السيارة ذات اداء عالي فيها تربو مثلا فان نسبة انضغط الهواء اكبر و الحاجة لرقم اوكتان اعلى من المحرك العادي حيث اوكتان اقل كافي

في الكاتلوج حق سيارتي مكتوب اذا اضطريت تعبي بنزين اقل من الرقم الموصى ( 91 الموصى به ) به فقط حاول ان تقود السيارة بدون تسارع عالى و لا تتجاوز سرعة 120 اظن


فاذا سيارتك ماشية على 91 ما قد سمعت طوت فرقعة وفر فلوسك و خلونا من الوسوسة الزيادة

مثل سالفة غيار زيت السيارة

تحياتي ،،،

يفضل انك تمشي على التانكي الي ان يفضي وتولع اللمبة بعدين عبي 95

نعم مثل ما تفضل الأخ الإبيروسي لا تعبي إلا بنزين 95 طبعا هذا جاي من تجربة حيث كنت أعبي سيارتي بنزين 91 فلاحظت صوت حنة في المكينة مع كل دعسة -الله يدعس كل ظالم- بعدها من أول ماحولت لبنزين 95 راحت الحنة والرنة
مع العلم قد تم خلط النوعين مع بعض لاستعجال التجربة ولم يحصل شيء