السلام عليكم ، كيفكم عسى بخير ان شاء الله ..
ادخل صلب الموضوع واحد من زملائي قبل فترة كان ناوي على سيارة...
قلت له اسعار السيارات ومواصفاتها المهم في النهاية قال تراني ادور على سيارة مستعملة قلت له ليش ؟؟؟:eek:
قال هنا في السعودية اكبر غلط انك تشتري سيارة جديدة لانها ماراح تسلم سواء من الحوادث او الحرمية اللي يكسروا زجاج سيارتك
علشان يسرقوا الأستبة او يجي واحد حاقد عليك ويخرخش البوية ويخربها عليك ،،،، وكلامه صحيح 100 % تدرون ليش ؟؟
لان سيارتي اللي ما كملت معي شهرين إلا قبل امس أجي والقى السيارة مصدومة طبعا اكيد واحد صدمها وشرد (لاني غشيم ماقدرت
انزل الصور علشان تشوفوها)...
والنتيجة طعجة بايخة في الصدام الخلفي + خلع جزء منه يعني امشي في الخط والصدام تقعد ترفرف معاي+ كسر الاصطبات الخلفية ...
بس الحمد لله ان الحساسات ماخربت علي ...
يعني تخيلوا سيارة محافظ عليها ولسى مع القراطيس واجي القاها زي كذه طيب ايش اسوي ؟؟ لازم اجيب ورقة اصلاح
علشان اسمكر الصدام ..
واتصل في المرور ويالله في الاخير ردوا علي.. وينك ؟؟ انا في المكان الفلاني ...
وبعدها بـ 45 دقيقة ماجاء احد واتصل وما احد يرد واتصل ومرة مشغول .. آخر شي ركبت السيارة ووقفتها تحت البيت
ووالله نفسي امسك الرجال واجيب فيه العيد.:mad: ..و لو انه ترك رقم جواله وطلب مني ان اسامحه او يعوضني
ساعتها باتركه ... يعني الا متى هذا المهزلة انا متاكد ان بعضكم يقول ياشيخ ليه حارق دمك على كورولا ...
لكن انا دافع فيها دم قلبي ومحافظ عليه من الداخل وملبسه كله اكياس ويصير زي كذه ....غير كذا طول اليوم وانا رايح الشغل..
اللي يسقط علي واللي يمشي وراي شوي ويلصق في الصدام واللي واللي يعني بالله لو في اوروبا يسووا كذا ؟؟؟؟
اعذروني يا أخوان لو طولت عليكم لكن بصراحة جالس افكر يابخت اللي معاه كابريس 79 او 86 م والله انه حديد في حديد
ولو اني امشي في الشارع واسوق كالمجانين صدقوني كلهم يخافوا ويبعدوا عن سيارتي ...
ايش فيها بدل مااشتري سيارة جديدة بـ 50.000 الف .. اشتري كابريس تسعاوي بـ 15000الف نظيفة واحط باقي المبلغ ك ميزانية
للبنزين ؟؟؟ صحيح ولا لا ....
تحياتي لكم .... |5| |5|
