نداء الى اهل الخبرة: مشكلة بسيارتي المرسيدس

ما فكرت تفحص السيارة كمبيوتر و تشوف ايش في سجل السيارة

صراحة ما عندي خلفية عن موديل 90 لكن كشف الكمبيوتر في الموديلات الجديدة يختصر عليك كثير بس اذكر لنا كود الخطا

و حساس الهواء من اكثر المشاكل الشائعة في المرسيدس يسبب لها كتمة و ضغف كبير في العزم و تردد في المحرك

ممكن الحساس الي ركبته ما هو كويس

اتوقع ازدياد الحالة سوء مع المكيف و النور ما هي الا اعراض ثانوية بس ضعف طاقة المحرك من اختلال وزن الهواء والبنزين بسبب الحساس

فينهار المحرك تحت اي حمل ( لا تنسا ان النور يحمل على الماكينة بشكل غير مباشر )

لاكن الحساس يبن في الفحص

فانصحك تفحص وتتاكد و تركب جديد لان حساس مستعمل فكرة غير جيدة فهو على اسمه حساس

ياشباب السيارة رجعت تطفى والله طفشت

اكتشفت شئ اخر :: لما اشغل انوار السيارة بينزل ضغط المكينة كمان .. بتتفاقم المشكلة عندما يكون المكيف شغال..

افتوني في هالمشكلة تكفوووووووون

طيب ماقلت لنا وين الورشه اللي لقيتها في الشرقيه؟؟؟؟
ترى امكن نحتاجها اللاه لا يقولها

هو مايقال له آير ماس واحياناً تكون المشكله من الخلاط نفسه ايضاً وتحتاج لتبديل هي والمنظم

لان الخلاط يؤدي احياناً الى خراب الآير ماس

وموفق

رحت بنفسي وقلت للميكانيكي خل عنك الخرط الفاضي فيه شئ اسمه منظم الهواء هو المشكلة قال والله مدري ..


رحت سألت عن سعره قالوا 600 ريال رحت التشليح صكيت لي بواحد بمية وضمان اسبوع ركبته بنفسي والسيارة الى الان عال العال ..

الحمد لله ..


اللي اكتشفته : ان ميكانيكية الجبيل اخرطي

قد تكون قطعة اسمها موزع البنزين..لان السيارة ما تشتغل في الصباح بسهولة..

اعتقد قيمتها حوالي 700 ريال..

في شي يقولوا له الخلاط + الآير ماس شيك عليهم لاني يسببوا نفس مشكلتك

شكرا للجميع بس للايضاح السيارة تطفى بمجرد ما ارفع رجلي عن دعاسة البنزين

وكمان ينزل موشر الهواء الى اقل من 5 بغعدين تنطفي ....

احينا المؤشر ينزل تحت خمسه فجأه فوق العشرة ورايح جاي اللين تطفى ..

الله يعطيك العافيه على هذا الحل
و التجبرة خير برهان

وموضوعك تشخيص مناسب لصاحب الموضوع بارك الله فيك

زي م اتوقعت رجعت تطفى السيارة ...

شكلك بصفق بها في احد الجداران يمكن تصلح..

وش رايكم يا شباب ؟؟ هل منظم الهواء له دور.. انا تعبت وانا اوقل للميكانيكيه انه هو السبب بس هم يقولون لا وماله علاقــــــه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بارك الله فيكم جميعا

وحقيقة انا بمدينة الجبيل وهذا ما زاد الطين بلة على قولهم

الجبيل مافيها الا المصانع اللي تبث السموم الى ابداننا ..

ممكن اروح الدمام


تطور صار البارح :: شالوا لي كتاوت البنزين وركبوا توليف (كتاوت فورد) الاصلي حقهم ب 30 ريال ياحظهم ... والسيارة الى الان زي الفل ..

بعطيكم خبر على الرغم اني متوقع بنسبة 90 بالمية انها بترجع ..

هذه تجربتي مع سيارة مماثله لسيارتك


أخي حصلت معي مرتين مره عند تقويم السياره وخاصة عند الإشاره رحت لميكانيكي أعرفه جيدا وفحصها لي وقال لي هذا منظم رأس البخاخ ( أو عظمة رأس البخاخ ) قالي تغيره ولا نفصله ونضبطلك الهوا ...

جيت أغيره لقيته غالي ب 700 جديد إن لم تخني الذاكره

فصلوه لي والسياره زي الفل ولله الحمد


***************************

المره الثانيه تنطفي فجأه بعد تشغيلها مجرد ماتحتمي
ورحتلهم غيروا لي شراقة البنزين وكتاوت طرمبة البنزين ( قالوا لي هذا يخرب إذا خربت الشراقه - يصير ضغط عليه وينحرق) خلف البطاريه والحمدالله بعدها السياره زي الفل ( كلفتني 450 ريال والقطع مستعمله )



شوف مهندسين ممتازين وقولي بأي مدينه أنت يمكن أدلك على ناس طيبين