حبيبي قلبي .... اسائل مجرب ولاتسال خبير السياره لين الحين موجوده موديل 2002 البدي والقير هذا افضل شي فيها اما محرك 4 سلندر ضعيف نسبيا مايجيب الا 200 فقط صوت المحرك والكفرات تسمعهم السياره ضيقه من الخلف بشكل كبير . قطع الغيار ما عدت اعتمد على الوكاله الحين اعرف ورشه في الدمام متخصصه في فولكس اروح عنده يخلصها في يوم وبسرعه وهو يتعامل مع الوكاله في قطع الغيار وعنده ايضا تجاري قطع غيار وما يخالف لانه رخيص بشكل كبير فرق عن الوكاله يعني .
اكثر شي يخرب في سيارات فوكس ويجين واودي هو المكيف مشاكله كثيره خاصه الثلاجه لانه السيارات هذي مش مصممه لجو الخليج .
السياره ماشيكتها الا 3 مرات في الوكاله يوم اشتريها بعدها صرت اغير الزيت خارج الوكاله والفلتر خارج الوكاله والسياره مافيها شي ماشيه تمام البواجي انا غيرتهم مع اسلاكهم تصفية الكمبيوتر ب 50 ريال في الوشه في الدمام وترجع السياره جديده منتظمه .
الجنزير لازم تغيره مع البكرات كل 60 الف وانا غيرته مرتين المره الاوله في الوكاله ب 2300 ريال والمره الثانيه في الورشه في الدمام هو بتركيبه بكل شي ب 500 ريال .. شوف الفرق .
في الاخير انا عن رئيي اذا بتاخذ لاتاخذ اربع سلندر خذ 6 سلندر اذا ماتقدر عليها خذ باسات 4 سلندر افضل منها وافخم واريح واهداء في الخط واعتقد السعر مقارب لها كثير وقطع الغيار صح اغلا بس مو بلدرجه الي تتصورها .
