مروحة الشيروكي معلقه...

الاشعث @user_3789 · 13-07-2007

السلام عليكم جميعا...

انا عندي شيروكي سعودي قير عادي .. موديل 98 طلعت لي فيه مشكله..

وهي ان مروحة التبريد الكهربائيه تعلق ولا تطفي حتى لو طفيت السياره مع اني غيرت الحساس اللي فوق الكوع وما فيه فايده وجربت نزعت فيش الحساس والسياره شغاله وما طفت المروحه... وما تطفي الا اذا نزعت عنها فيش الكهرب وديتها الكهربائي ما عرف لها لكنه شيك على فيش الكهرب اللي رايح للمروحه والسياره طافيه لقى فيه كهرب ..واللي محيرني كيف تكون المروحه شغاله والسياره طافيه وليش ما تطفي اذا بردت السياره...؟؟

فما ادري ايش المشكله ؟؟؟..
وعل فكره السياره شد بلد كل شي فيها شد وكاله يعني ما احد محورف في كهربتها ولا شي...

تحياتي للجميع...

م.ابوسعود @user_51407 · 26-07-2007

بالنسبه لاصحاب الشروكي هناك مشكله بالحراره عند تشغيل الدبل او عند تشغيل المكيف والسياره واقفه والحل بسيط جدا هو تركيب مراوح سوباروسرعتين شريطة ان تكون عندكهربائي جيد وسعرها يتراوح ما بين 550 الى 600 ريال مع التركيب ولا حراره وزياده في اداء السياره

الاشعث @user_3789 صاحب الموضوع · 26-07-2007

ما شالله عليك يا عالم سعودي فعلا المشكله كانت من الكتاوت حق المروحه غيرته وزالت المشكله تماما ...وقيمته اصلي 45 ريال فقط ....تحياتي لك ولكل الشباب اللي مرو على الموضوع...

والله يعيننا على الشيروكي. لكن شنسوي الحب عذاب وما يدعيني قلبي ابيعه...

تحياتي للجميع...

بندر96 @user_51376 · 25-07-2007

ماقصرو شباب يعطيكم العافيه

عالم سعودي @user_51077 · 25-07-2007

السلام عليكم /
اخي الكريم /المشكله بسيطه جدآ المروحه تتكون من عدت خطوط كهربائيه وهي كالاتي *
1/ حساس المروحه الموجود في الثلاجه او بجوار بلف الماء عندما يسخن الماء يعمل
2/ حساس اخر عندما يعمل المكيف ولو كانت السياره بارده
3/فيوز قد تكون كبيره او صغيره على حسب المروحه
4/ الكتاوت (تران سست ) (دئره كهربائيه ) لاعلم ماتسمونه لاكن هذي بعض اسماءه وهو موجود في علبة الفيوز وشكله ومكعب له 3او4او5 ارجل

وانا ارجح ان المشكله من الكتاوت لانه يوصل الكهرباء ويفصلها ويقوم بتقويتها ايضآ وعندما يكون فيه مشكله لايفصل الكهرباء

ومن الممكن يكون فيه مشكله ايضآ في الكمبيوتر لانه المتحكم في جميع الحسسات وهو الذي يصدر اوامر التشغيل لها ولاكن يبقا احتمال ضعيف

والله اعلا واعلم
وارجو افادتنا عن المستجدات حتى يستفيد الجميع

وشكرآ

T O R N A D O @user_2487 · 25-07-2007

اخوي الاشعث .. وأخوي محب الشاص ..

أفحصوا الفيوز حق المروحه .. لأن أذكر ان واحد معاه شيروكي وكانت عنده مشكله في ارتفاع الحراره في المروحه .. وبعد ما فحص وجد أن المشكله في الفيوز !!

ترى أنا ما عندي خبره .. لكن من واقع تجربه ..

وإن شاء الله أكون أفدتكم في شي !!

محب الشاص @user_50945 · 24-07-2007

يابو الشباب بغيت اسالك. انا عندي شيروكي 99 قير عادي بهذلني بالتسخين من تشغل الدبل او تسحب احد او تشد على الموتر شوي يسير لهب . تعرف لها حل الله لا يهينك؟!!

فني سيارات @user_8460 · 16-07-2007

الموضوع مايخرج عن تلف في الحساس الي في المروحه نفسها الي المفروض يفصل الكهرباء منه
وليس من مكان اخر
ربما يكون هناك حساس اخر ولكن بحسب معرفتي البسيطة بالمرسيدس
لااعرف سوى ان المراوح هي التي تفصل بالحساس الي فيها
يعني ان المراوح تحتاج تبديل والله اعلم
بدون شئ ثاني

أبـــوبـــدران @user_19528 · 14-07-2007

طق له مرااوح جديده مع الحساسات(انصحك في السوبارو)
وغير الاسلاك التابعه للمراوك وشيك على الرديتر لأنه موصل بالمراوح

والله يسهل عليك

والسلام عليكم