يمكن محتجين على العنوان
بس هاذي الصج
عقب بحث طويييل .... هاي اللي استنتجته
هوندا سيفيك 2006 ليست للتلغيييييييييم
بس للزينه
السياره مصممه بطريقة يصعب عليك انك تلغمها ... او تضيف عليها شي
سألت وااايد محترفين عندنا في البحرين في مجال التلغيم وكلهم هاذي كان الرد مالهم
مكينتها ما تتلغم
سألت ناس خبره في السيفيك ومعروفين في البحرين عندنا
منهم المحترف أحمد آريان المعروف بصاحب اسرع سيفيك في البحرين
نفس الكلام قال لي ... 2006 كلش مو مال تلغيم
خلكم عليها عاديه نفس حال التيرسل يعني .. شغلتها توصلكم وتوديكم وتجيبكم .... بس
حتى اذا بتركب شي ... شنو بتركب بالله؟؟؟ فلتر؟؟؟ اشبيسوي؟؟؟
اذا هدرز ما تتركب عليها ..... الهدرز من نفس المكينه ...
اشبيسوي لك الفلتر؟؟؟ هه .... ما بيسوي شي !!
ونفس ما قريتوا في الموضوع المثبت عن السيفيك 2006 ..... الفلتر جريب 1000 ريال !!!!!! @@
وباقي القط اللي تركب عليها ويمكن تخلي السياره اسرع شوي بس جم بيكلفك؟؟؟ 3000 ريال؟؟
كللللللش ما يسوه عشان بس تزيد من سرعتها 20% !!!!
الزبده ...
خلوا السيفيك 2006 توديكم وتجيبكم بسسس .. وانسوا سالفه التلغيم حقها
اذا تبون زينوها بس ... هه
حسافه شريتها والله