محتار بين الـBMW X5 و الـRANGE ROVER SPORT ......؟!!

ابعد عن الرنج ابو الخرابات

ولو تاخذ اودي Q7 بعد احسن :) لكن اذا مصر على هالسيارتين بالاكس 5 بدون نقاش |1|

X5 طبعا

ويكفيك هذه المنظر

http://www.youtube.com/watch?v=dj0XQfKV9AQ

إذا جت عالإعتمادية

خذ بي إم

لانه حدها 3 سنين على الأقل بعدها يبدأ المشاكل

أما الرنج تعطل حتى عند فترة الضمان

هذا غير إنك بتاخذها سوبر شارج يعني أحيانا السيارة بتسخن عليك عالفاضي

ويبيلها 30 دقيقة تبريد

وشفلك مرسيدس G أو ML إذا مصمم على جيب أوروبي

تحياتي

صراحه في فرق بين السيارتين البي ام سياره اكثر رسميه وشكلها ليس بذاك الشكل القوي والتعديلات الجديده على الموديل الجديد ليست مجديه لدخول المنافسه بقوه و عليها التجديد اكثر,
اما الرنج روفر سبورت صراحه سياره رياضيه و شكلها جدا قوي وذات قوه جباره وتسارع نشيط و هي شبابيه اكثر من كونها عائليه لذا انصح بالرنج روفر .....

أنا أرشح البي أم دبليو X5 خصوصا إذا كان 4.8

مادامك متردد بينه وبين الرنج سبورت أعتقد أنك تقصد 4.8

وعلى فكرة ترا غالب وقتك بتكون داخل السيارة ومقابل الكونسول يعني الجمال الداخلي يلعب دور

والجيب قوي جدا وأعتقد أن وكالته أفضل والشكل توه متغير والقير جديد


بس لو تأخذ لك لون داخلي فاتح (بيج) أفضل من الأسود :
اولا عشان الجو وحرارة الجلد
ثانيا اللون الفاتح يحسسك بسعه داخليه
او خذ لك لون احمر او بني

وترا اللؤلؤي من برا بطل ومايتعبك ولا يتوصخ بسرعه

كم واحد من العيال ماخذين سياراتهم عنابي وألوان غامقة متورطين كل مارشت مطره خفيفة تلقى سياراتهم رايحه فيها

بالتوفيق

X5

انا مؤيد

الرنج انتشر بكثره

ويقولون خراباته واجد لانه كله تقنيه

الرنج سبورت ماله فائده الى بالمدينه

ال X5 للبر له دور والمدينه له دور

واخر شي قوت الX5 4800
وفيه نوع اقل عاد الباقي عليك انت اركبهم وشوفهم

والشكل من الخلف BMW افضل من الامام رنج

السلام عليكم ورحمة الله وبركاتة
انصحك X5 لان حلو
والرانج روفر عيبة في الحرارة
تحياتي

شخصيا أصوت للرينج لأن شكلة اجمل و مزايا الoff road أكبر

البي إم ماعليه حلو بس الحقيقة كنت اروح الدوام مع واحد من الشباب معاه X5 فركبت السيارة كثير لذرجة إني مليت منها و الشكل الجديد مايختلف كثير عن إلي قبلة

انا مع بعض الأخوان إلى قالو إن داخلية البي إم أحسن و انا معاهم بها لشي و إن كنت أشوف إن الرينج لايزال خياري

من ناحية الخرابات فكلهم على قولة الأولين (عوير و زوير)...... يعني كلهم نفس الشي

لكن ميرة البي إم في الجديد هو الجير....... يعجبني جير السكوينشال و هاذا للأسف مو موجود في الرنج

السلام عليكم

المشكلة انك ما بقيت شئ ;)

وبعدين انت ودك في الرانج السبورت وتقول الوكيل تعبان

طب خلاص توكل على الله وخذ الرانج واصبر

او كاديلاك اسكاليد شاشة الملاحة من الجميح

طبعا خذ الشاصيه الصغير عشان يبين لك انه شبابي وخاصة الاسود

ايضا في لأنفنتي FX 45 وانا اقول 45 مش ال35 والحمراني لابأس عليه بس مادري عن الضمان


عشان اعطيك ثلاثة خيارات :

1- رانج روفر سبورت ..

2- كاديلاك اسكاليد

3-انفينتي FX 45 طلبية

لو انك مش راضي عن خدمة السيف فكر بالجميح ماعليهم او الحمراني

وصل صلاة الاستخارة

وانا اعيد لك

صل صلاة الاستخارة


والسلام عليكم

^
^
^
الكايين S سيارة زينة مره, بس شلتها من بالي لعدة أسباب:
1) ما تستاهل سعرها أبداا (340 ألف ريال) غالية !!
2) السيارة عند 2 من عيال عمي , و3 من أصحابي !! <<< أبغى أصير مميز شوي :)
3) وكالتــها تعبـــــــــــــــــااانه !!
4) سيارتي الحالية "طوارق" , فما أشوف هذاك الفرق بينها وبين سيارتي (بإستثناء المكينة طبعا)


على كل حال مرة شكرا على الإفادة ومنوره الموضوع والله :)

اخوي عبدالرحمن...شكرا على الافادة بخصوص الطوارق...فعلا لما جربت اسوقها طلعت"....." مثل ماقلت هههه

البي ام فخامة وانسيابية داخلية عالية لا تقارن بالرنج خاصة كراسي السيارة...Very stiff
بس الرنج hsc احسن عن السبورت مع ان السبورت شكله الخارجي احلى احلى
سيارة اخوي ماشية معاه 3 سنين ماعرف كم كيلومتر
سيارة اختي صار لها اقل من سنة!!!! الاعطال اللي فيها اغلبها الكترونية...

والله اقترح عليك البورش كاين S
بس دام متعقد من وكالتها...هاي بعد مشكلة كبيرة.
استخير انشالله والله يوفقك في كل اختيار

نمر قطر
مشكور على إبداء رأيك, وفعلا الأكس5 فخم جدا من الداخل :)


طالب الإدارية
مشكور على المرور


F10
شكرا على الرد :)


اكورداوي
بإذن الله
دعواتــك بس |3|

مهما كان اختيارك اتمنى لك التوفيق

وعند شرائك لاحدى السيارتين ارجو اضافه الصور لنتمكن من مشاركتك الفرحه


لاتنسى تروينا

مع السلامه

[
والرنج اذا ركبت فيه تحس السياره عاديه من الداخل مافي اي شي يلفت انتباهك بالعكس ممكن يسوئك شكل الطابلون الاسود العادي وعدم وجود اي تطعيمه من التيك او الكاربون فايبر مافيه الا الكراسي ترز شوي والا الموتر من الداخل عادي الكروزر احلى منه من الداخل :confused: , بعكس الـ X5 من الداخل روعه وتحس انك فعلآ راكب سياره دافع عليها دم قبك وهي تستاهل

لكن انا بشور عليك تركز على الكايين S |1| وعليك بالاستخاره واذا عزمت على الـX5 عليك بـ 4.6 او 4.8

راي من راي اخوي نمر قطر

انا ارشحلك الـX5 طبعآ سياره شكلها جديد وما انتشرت في الشارع للحين

وبخصوص الاعطال والتكاليف السيارتين قراب من بعض والفرق طفيف وما اعتقد انه يخليك تغير نوع السياره لان السارتين اوربيه :eek:
واسعار السيرفس متقارب

والرنج اذا ركبت فيه تحس السياره عاديه من الداخل مافي اي شي يلفت انتباهك بالعكس ممكن يسوئك شكل الطابلون الاسود العادي وعدم وجود اي تطعيمه من التيك او الكاربون فايبر مافيه الا الكراسي ترز شوي والا الموتر من الداخل عادي الكروزر احلى منه من الداخل :confused: , بعكس الـ X5 من الداخل روعه وتحس انك فعلآ راكب سياره دافع عليها دم قبك وهي تستاهل

لكن انا بشور عليك تركز على الكايين S |1| وعليك بالاستخاره واذا عزمت على الـX5 عليك بـ 4.6 او 4.8


{بالتوفيق}

DARK TRIPLE A
وكالة السيف ما يمدحونها(وعن تجربة بعد)
بس أتوقع قطع الغيار والأشياء اللي مثل كذا متوفرة
ومشكور على الرد


MAGNA
أخوك كم ماشي الرنج حقه؟؟
وأختك كم مشت بسيارتها؟؟
وككيف انطباعهم عن سياراتهم؟؟
لأن طبعا الكيلو يفرق كثير, وكل ما مشت السيارة أكثر يمكن تكثر خرابها!


بالنسبة للطوارق: مواصفاتها عالية وفخمة وممكن تشوفين موضوع "الخل الوافي" لأن موضوع شامل عن الطوارق
الإيجابيات: هيكل صلب,داخلية فخمة قوية في البر وعمرها ما غرزت معي(بعكس اللاند كروزر والباترول),سعرها مناسب

السلبيات: تعتبر من الأضعف من ناحية التسارع بين كل منافساتها(جحشة السيارة :D ),حساااسة جدا جدا, قطع غيار غالية جدا وغير متوفره جميعها عند الوكيل(ساماكو_السعودية)

واتمنى أكون افدتك ومشكورة على الرد


القمر المديني

وهذا الخوف منه وأنا أخوك :)
وشكرا على المرور

LAMBDA

قالي واحد كذا, بس البنزين رخيص الين الله يطول بعمر أبومتعب (قلب ينبض)

وفعلا الأكس5 أقوى من الرنج
شكرا على المرور :)

اكورداوي
أتوقع فعلا أن الأكس5 أقل خرابات من رينج سبورت ,بس كلهم ما يصفون عند خرابات الطوارق :) , والله يسهل إن شاء الله
مشكور على الرد

JEDDAHBOY
شكرا على إبداء رأيك :)


اللي عنده إفادة زيادة عن أي من السيارتين لا يتردد بليز :)
ساعدوا أخوكم المحتار :)