سؤال ...ليش تفضلون الدفع الخلفي ... ؟

انا جربت الثنين من ناحية الخرابات ماقصرو الاخوان في الشرح

لاكن من ناحية الاقتصادية في البنزين والعزم يتفوق الدفع الامامي واكبر دليل الالتيما والمكسيما على صغر مكاينهم تمشي مع مواتر V8

الامان اذا انفقع الكفر الدفع الامامي افضل بكثير من الدفع الخلفي

انا جربتهم كلهم بس اخر سيارة اضطريت اني اخذها دفع خلفي لاني ساكن بالرياض ولانني احب الزرزره مع الملفات
ومع الملف الدفع الامامي مافيه راحه الا الهوندا فيها شوي

عشان كدا في اختراع اسمه ESP هو الي مايخلي السياره تعمل Over steerوUnder steer

انا افضل الخلفي لانه راسي وممتاز بالشغل تحس ان السيارة كلها على مسار واحد واوفر للكفرات لان لفة الكفر ورا واللف قدام لكن الامامي الكفر اللي قدام يلف والدوران عليه يعني خطورة على الكفر بالاضافة الى ان خرابه كثير وصيانته صعبة ومكلفة بالاضافة الى كل الكلام اللي قالوه الاخوان ما ابغى اعيده لانهم ما قصروا فعلا
وشكرا

مافي نظام 100% أحسن من الثاني كل واحد لة ميزاتة و عيوبة

أكبر ميزات الدفع الأمامي إنة أرخص يعني السيارة الدفع الأمامي بالعادة أرخص من الخلفي

شغلة ثانية إن الدفع الأمامي يعطيك مساحة أكبر داخل السيارة خصوصا للكراسي الخلفية, مثلا الVW Golf دفع أمامي والمساحة الخلفية جيدة لكن الBMW 1 series من نفس الفئة بس دفع خلفي و ضيقة مرة من ورا

الدفع الأمامي يمسك أكثر في المطر

في ناس يقولون الأمامي مو قوي لكن ألحين فية سيارات كثيرة دفع أمامي قوية مثل النيسان ألتيما 6 سلندر على سبيل المثال و الSTS في التسعينات و الVW Golf GTI كلها سيارات قوية و سواقتها حلوة خصوصا الGTI سواقتها خيال



الدفع الخلفي زين بس ماخذ دعاية أكبر كثيييير من حجمة

الحلو بالدفع الخلفي إن توزيع الثقل بالسيارة أحسن من الأمامي وهالخاصية يمكن ماتكون ملحوظة لأكثر السيارات لكنها مهمة للسيارات القوية مرررة مثل الفيراري أو الCL600 إلخ إلخ

طبعا إلي يحبون التخميس بالسيارة يبون خلفي لأن الخلفي سهل يحذف لكن الأمامي يبغالك تسحب الجلنط عشان تحذف معاك وهاذا برجعنا للنقطة السابقة إن الأمامي أرسى

صحيح الأمامي أرسى لكن إذا حذف الأمامي فالتحكم فية أصعب من الخلفي لكن مع وسائل السلامة الحديثة مثل الABS و الESP أعتقد إن الفرق صار صغير جدا


في فرق واضح بين الأثنين عند اللفات القوية:

الأمامي بيسوي Over steer يعني السيارة راح تتوجة لخارج الملف
الخلفي بيسوي Under steer يعني السيارة راح تحاول التوجة لداخل الملف




لي شخصيا, راح أختار الخلفي إذا كانت سيارتي فوق ال300 حصان عشان الرساوة

إذا قوة سيارتي أقل من 300 حصان, ماأظن السالفة تفرق


إذا سيارتي صغيرة راح أخذ أمامي لأن المساحة الداخلية مهمة




الله يخلي ال4X4

الدفع الأمامي مع الزمن يتخلخل بسرعة خصوصا مع المطبات
بعدين الدفع الخلفي له طعم خاص :D

يعطيكم الف عافيه اخواني .. :D ماقصرتو والله
من ناحيتي سيارتي دفع خلفي فما حسيت بنعمته الا يوم قريت ردودكم ..~_~ لاني نادر جدا اسوق دفع امامي لكن لاحظت ان كل سيارات الدفع الامامي اللي اسوقها احس فيها خلل ما ادري ايش هو بالظبط ... او بالاحرى كل السيارات اليابانيه اللي سقتها يجيني هالشعور ...مدري هل بسبب الدفع او غيره

ياخي مافي سيلرة دفع امامي سقتها عبت راسي ولو فيه خير كان حطوه عالبورش والفيراري
وصيانة الدفع الامامي مكلفة لان القطع مركبه فوق باصغر مساحة للتوفير بالصناعة والتكاليف بالنسبة للمنتج ولكن حين يحين موعد الصيانة شوف انواع التكاليف
كرسيدا-هايلكس- مكسيما- لومينا اس اس - اوبل اوميجا - فورد ماركيز - بنز 500 كوبيه - بي ام 740
سيارتي جميعها دفع خلفي عدا المكسيما اللي كرهتني بالسيارات اقل مطب او حفرة ولازم تغير جلود واذارعه والسيارة ماهيب راسيه خير شر وملاحظة ترى ماعندي غير سيارتين حاليا بي ام 740 واوبل عشان لا تقولون مهايطي كل ذي سياراته
تحياتي ونصيحه لا تقرب دراجات الدفع الامامي قصدي سيارات

مدري بس احس الامامي مافيه ثبات
الخلفي تحسه ارسى
وغير كذا متا ماقفلت معك وانت بلفه تخليها تفر :D

الدفع الخلفي اضافة الى ان مشاكله اقل...


ممتع في القيادة << على الأقل بالنسبة لي

خصوصا اذا كان 8 سلندر :D

زي التشارجر مثلا..

يعطيكم العافيه اخواني ..
لكن ما فهمت كيف تعمر اكثر من الخلفي ... فيه سبب يعني ؟

الاسباب كثيره
:اولها المطبات
2- القوة تكون بالخلفي اكبر واقصد قوة الدفع مع الثبات
3- اسهل بوضعية المكينه واجزائها بالكبوت
4- انها تعمر اكثر من الدفع الامامي
والله اعلم

بدرجه اولى 1عشان المطبات وبعده 2احس ان في السياره تحكم اكبر 3طوال عمري وانا اسوق سيارات دفع خلفي
تحياتي للكاتب