تقرير تجربة يوم الخميس شاطئ الهافمون 12/4/2007 (فورنتشر+ باجيرو + 2 باثفايندر )

نصيحه لوجه الله اي سياره فيها كمبويتر سيستم لا يعبث احد بالفويز لأنه غلطه بسيطه راح تكلفك سيسنم كامل لأنى عندي قريب حاول يتفلسف بكمبويتر فياغرا (مرسيدس ) وطلعت عليه فوق بيع السوق,, بعد ما طاح الفاس في الراس وطلع عليه فوق 10.000 ريال والسياره وقفت ديكور عن بيته اكثر من ثلاث اشهر|5| لين ما جاته القطع والشغله ما كانت تسوي لو انه رجع للوكاله واستشارهم او خاطب الوكاله الأم في المانيا والسبب كانت نصيحة واحد من الشباب الله يسامحه كان مسوي فيها فاهم:confused: .


ويعطيكم العافيه يا شباب مع كل الشكر والتقدير لجهودكم .

Assallamu Alykum wa Rahmatuh Allah wa Barakatuh

Would removing the fuse ....damage the car or its components?

the new pajero has a factory built rear diff lock...that when switched on disables the ASTC of the car... however they are not imported in uae with a rear diff lock :mad:

...........................

wa baraka Allahu feekom for the thread

|1|

يعطيك العااااافية، تفصيل وافي وكافي، الله يجزاك خير.

والنظام إسمه تراكشن كنترول، لكن قد تكون متسوبيشي تسميه شيء آخر. وأتوقع أن فيه فيوز إذا شلته يفصله. إذهب إلى قسم الفيوزات في الكتالوج ودور الفيوز إللي يتحكم في التراكشن كنترول، وانزعه لما تبغى تروح البر. ما يحتاج فاصل أو زر.

أما بالنسبة لسؤال الأخ/ بوقلبين، فالبرادو ليس فيه دف لوك، ولا أي نوع منه. لكن ... نظام التراكشن كنترول في البرادو متطور جداً.

|3| يا اخوان عجبتني خاصيية الدف لوك
هل هذه الخاصية موجودة في البرادو و شكرا
:confused:

الله يعطيك العافية اخوي المهنا

اولا شباب شكرا لكم على امتاعنا بهالتجربه الرائعه ...

و شخصيا اعتقد ان خبرة السواق وتمكنه من سيارته (تعوده عليها) له دور كبير في النتيجه ... مهما كانت قدرة السواق اذا كان ماهو متعود على السياره بتفوت عليه حاجات كثيره ...على اي حال ما ابغى اخوض في النتيجه وما الات اليه ...

عندي تنويه مهم من خبرتي البسيطه مع الباجيرو (سيارتي ربع 2005 ... 3800 ... فل كامل) ...
الباجيرو فيه نظامين منفصلات عن بعض (الاول يستعمل الثاني في عمله ...عند الحاجه ... والثاني يشتغل حتى لو فصلت النظام الاول) ... وهما :
- الاول نظام التحكم في التوازن ... وهذا له زر قدام القير تقدر تفصله بشرط ما تتعدي سرعتك 80 كم (اذا عديت السرعه هذي فهو يشتغل من حاله) ... انا متعود دائما اول شئ اسويه عند تشغيل الدبل اني افصل النظام هذا (لاحظ انه يفصل عند تشغيل الدبل الثقيل) ... طبعا النظام هذا يتحكم في المحرك والفرامل (ABS) لحقفظ توازن السياره حسب اعدادات مسبقه وبواسطة نقاط استشعار متعدده يعرف الكمبيوتر من خلالها وضع السياره و يتحكم فيها .... (بالنسبه للتجربه اذا كانت الباجيرو ماشيه والنظام هذا شغال فتاثيره كبير على كل شئ من ناحية الصعود او الخروج من الرمال ... الكاتلوج يقولك انه قد يسبب التغريز للسياره ... لذلك اداء الباجيرو في الرمال يكون افضل بكثير عندما يكون مفصول ... وهو يساعد في حالة المنعطفات المفاجئه و نحوها ... )

- النظام الثاني ... النظام هذا يشتغل بطريقه منفصله عن النظام السابق ... وهو (نسيت الحقيقه الاسم الي تطلقه عليه ميتسوبيشي) يقوم بايقاف اي كفر (بغض النظر عن العدد) يفقد التصاقه بالطريق ... والنظام هذا يستعمل الفرامل في عمله (اذا اشتغل يبين عندك في الطبلون الكفر الي عليه الفرامل يطفي ويولع )... وهو استعاضه عن قفل الدفرنس في الباجيرو 3800 (قبل 2007) ... عشان كذا تلاحظ ان الباجيرو الي عليها 3800 قبل 2007 لايمكن يجي فيها قفل للدفرنس ... الي اعرفه ان 2007 فيها قفل للدفرنس ... ولا ادري هو يشتغل مع نظام قفل الكفرات او انه بديل له (وصدقوني في الوكاله حتى مهندس الصيانه ماعنده علم ) ... مشاكل النظام حسب خبرتي معه :

1- لو كنت مغرز ... يسبب استعمال النظام للفرامل المتعدد ارتفاع في درجة حرارة الفرامل ... والنتيجه ان السياره تطفى تماما (بواسطة الكمبيوتر) ... وتحتاج فتره عشان تبرد قبل تقدر تشغلها مره ثانيه ..... (حصلت معي مرتين )... مره كنت في رباضه لحالي ... والثانيه كنت اسحب سياره مغرزه ...
2- عندما ترقى طعس (وفيه رمال ناعمه) يسبب استعمال النظام ضعف في العزم و نتيجة ذلك ضعف في قدرة السياره على الصعود ...

الحل :
وضع مفتاح لقفل هذا النظام مثل نظام التحكم في التماسك ... وبالتالي تشغله لما تحتاجه وتطفيه وقت يكون ضرره اكبر من نفعه .... المشكله مين يقدر يسوي المفتاح هذا اذا المهندسين في الوكاله ما عرفوا يسوونها ؟؟؟؟!!!!!!!.... وللاسف الشديد تعاون الوكاله في هذه الناحيه صفر ...

هذا ما حبيت اضيفه ... مع العلم ان الكلام الي فوق هو عن فهمي للكاتلوج الخاص بسيارتي وتجربتي لها لمدة سنه .... وقد اكون مخطي في فهمي وتصوري ... ومنكم نستفيد .... مع خالص تحية اخوكم .... ابو اسامه

مشكووورين على هذا التقرير الوافي

ولكن ينقصه التصوير

المعتصم

هدّي يالطيب :D ... كنت بس حاب احط النقاط على الحروف |1| ... وما حصل الا كل خير :cool:

ماشاء الله
تعدت المعرفة حدود النت والمنتدى الى أرض الواقع

كل سيارة تفوقت بشئ...
ومع ان الباث قديم الى انه اثبت قوته وسط المنافسين الأكثر حداثه...

اما الباث الجديد فما صار جيب تطعيس كما هو في السابق...
هيكله ما يساعده وارتفاعه غير مقبول لجيب متوسط

الله يعطيكم العافية يا شباب واتمنى تكرروها...

مع إني من السعودية، حيث الجنس اللطيف ما يسوقون، لكن من سفرياتي وجدت إنهم بالفعل يحبون سيارات الدفع الرباعي، لكن مو عشانها دفع رباعي، بل عشان خطوطها الناعمة وارتفاعها النوعي عن السيارات الصغيرة. ولو جبتها لهم دفع أمامي ولا خلفي ما فرقت معهم.

لذلك خرجت موضة سيارات الدفع الرباعي الخفيف الأداء، في العقد الأخير، من أجل النساء. وأولها الراف فور، ثم لحقت بها هوندا سي آر في ولاند روفر فري لاندر. لكن هذه يبغالها موضوع مستقل.

تروح وتجى بالسلامه يا ابوالخل ويكفى معرفتك ومعرفت الشباب الموجودين وهذى بحد ذاتها اكبر فوز لنا بغض النظر عن النتيجه سواء كان الباجيرو اكثر او البرادو اكثر الناس اذواق وعلى حسب امكانيات كل شخص .

معلومه بسيطه احب اضيفها وبدون زعل للناس الطيبه وهذي حسب ما لاحظتها في الآونه الأخيره وخاصة في دول الخليج بدون تحديد ان الجنس اللطيف (السيدات ) يفضلوا سيارات الدفع الرباعى وخاصة الجلوبر من هيونداي والبرادو من تويوتا

تحياتى للجميع

أنا حالياً في الكويت، وتذكرت قول الأخ/ نسناس، إن الباجيرو ماشي أكثر من البرادو. لكن صراحة، من إللي شفته، أشك بشدة بكلامه. البرادو هنا مثل الرز، في كل مكان، والكل يسوقه، سواء من أهل البلد أو من الخواجات. ولو أقول نسبة البرادو إلى الباجيرو، أقول 4 إلى 1 أو أكثر! بل ما أتوقع أكون مخطئ إذا قلت إن البرادو أكثر سيارة انتشاراً في الكويت!

Daylight، الظاهر إنك تتحرش :)

أنا قلت كل إللي عندي، وما راح أزيد.

كين...خلي عنك الباجيرو الحين..|6| .

اذا تقدر تجيب ناتيفا 3.0 وهي بتتكفل بموضوع الفورتشنر من مبدأ" لكل مقام مقال". |4|

لا طبعاً، جيت قبل كذا للموقع وإلا كيف دليتكم عليه؟

أما التجربة الأولى فهي أصلا ما كانت في مخططاتي، لكن لما شفت الطعس ما استطعت مقاومة إني أحاول أرقاها، وإذا بالكل يتبعني :)

ولو تلاحظ، أنا جربت أرقى نفس الطعس بالباث الجديد، وما قدرت أوصل للحد إللي وصلته بالفورتشنر وأنا لست ذاك الخبير وما قد إدعيت إني خبير بالطعوس.

يعطيك العافيه يابو الخل على هذا التحليل بس حبيت اذكرك بحاجه الانظلاق كان من نفس النقطه منذ البدايه وطلع الباجيرو بمسافه اعلى من الفورتشن

وعدد المحاولات كانت متساويه وكان الباجيرو في المقدمه دائما الى ان خضعت للأمر الواقع بأن الفورتشن ما في امل انه يطلع مع الرغم انه كان في فرصه

وانت وضعت هذا التجربه الاولى وكان يجب عليك اعطاها الضوء الكامل والاعتراف في النهايه بأن الفورتشن ما قدر حتى يلامس القمه بينما الباجيرو لامس القمه اكثر من مره واستطاع ان يتجاوزها ايضا في النهايه اكثر من مره,,,, وهذا الكلام مش انقاص في حق الفورتشن بل اعطاء كل ذي حق حقه لأنى لم اري القوة المتوقعه او المرجوه من هذه السياره مع الرغم انها سياره لا يستهان بها وذات امكانيات جيده جدا لكن اين ذهبت ,,,,,,,, هذي اتركها لك يا ابو الخل تجاوب عليها براحتك ولمحبين الفورتشن اما من ناحية التجربه الثانيه فحلال عليك يا سيدي ولا يصير خاطرك الا طيب بعد . الفورتشن طلع اسرع من الباجيرو وهذي انا معك فيها بس ما طاح ولا برك لأنه في النهايه الباجيرو طلع منها مثل الشعره من العجين يعنى في النهايه واحد واحد والكل حبايب وعندي لك سئوال بسيط واترك لك حربة الاجابه,,,,,, هل اتيت الى الموقع قبل كذا اقصد مكان التجربه او انها كانت المره الأولى لك وللكل !!!!!

شاكر ومقدر لك هذه الجهود الطيبه مع كل الأحترام والتقدير للجميع .