رد: هل تعطلت سيارتك وصلحتها بنفسك أو بأقل الخساير (شاركنا بتجربتك )
السلام عليكم ورحمة الله وبركاته
اعزائي الكرام احب ان افيدكم عن طريقة تجنبك شراء عصى او مساعد للكبوت لان سعره عالي 280 ريال
والصيني 35 وما يدوم ولكن هذه الفكرة تدوم للابد وتنسى شراء هذه القطعه
وبذلك تصدي عند الوكاله ما احد يا خذها وهذا هو المطلوب
المهم الفكرة في هذا الفيديو البسيط
http://www.youtube.com/watch?v=nrwlT...layer_embedded
رد: هل تعطلت سيارتك وصلحتها بنفسك أو بأقل الخساير (شاركنا بتجربتك )
سيارتي يوكن2007 وارد سعودي.
شغلتها صباحا قبل أسبوعين.. وقضيت كم مشوار..فجأة خرجت صوت طقطقة ورجة عنيفة جدا في المكينة مع نتعة قوية في القير.. وأضاءت شارة المكينة.. ومسجات عن توقف التركشن..
وديتها محطة الجميح كويك..فحصوها كومبيوتر وقال المكينة فيها تهريب كهرباء.. والبواجي والكوايلات سليمة.. ولا نقدر نصلح المشكلة..لازم توديها الوكالة لأنها فوق إمكانياتنا.
نصحني زميلي اوديها مركز البيان لصيانة السيارات في حي الملك فهد.. وبالفعل وديتها.. وبعد فحص دام عدة ساعات قام به فني فلبيني.. جاءني الخبر الصاعق من مدير المركز(مقيم عربي)..وقال: كل الفحوصات تدل على أن الكهرباء سليمة..يعني المشكلة من جوا المكينة.. ولازم فك المكينة وفحصها جوا.. ونسبة95% تكايات الزيت.. وتكلف حوالي(7000)..(3000) شغل يد و(3000) قطع..يمكن تزيد أو تنقص..!!
قلت فيها فك مكينة وتوضيب...؟!!
قال: نعم..
قلت: ليه..؟!!
قال: عيب مصنعي..!!
قلت: وش هالعيب اللي توه يطلع..؟!!
قال: عادي... فيه سيارات على طول يبين العيب... وسيارات تحتاج سنوات من شان يبين..!!
وشوف كل اليوكنات الموقفة في المركز هذي مثل حالتك..وفكينا مكاينها وغيرنا التكايات طقم كامل.. واحنا كتبنا للوكالة بهالشي.. وإن فيه خلل مصنعي.. وبيطلع من المكينة حاجة زي السخم أسود..لازم تتنظف من جوا.
قلت باستخير وأرد لك باكر الصبح..
استخرت ولا ارتحت.. ومن ثاني يوم وأنا مصبح عندهم دفعت(150) حق كشفية وأخذت السيارة على الوكالة..
بعد ما سويت الدخول..لاحظت المهندس المصري ما هول الموضوع ولا قال شيء.. عطاني ورقة الدخول وقال باتصل عليك بعد الفحص..
اتصل ثاني يوم.. وقال المشكلة عندك في: سويتش الكهرباء.. وفيوزين ضاربة..والثلاجة... وتحتاج تنظيف بخاخات.. وممكن تكلف (4000) ريال..قلت توكل.
كم يوم إلا ويرسل رسالة السيارة جاهزة والتوتل ككل(3400) ريال بعد الخصم...
ولافيها فك مكينة ولا هم يحزنون.
بعد ما استلمتها سألت المهندس عن تغيير التكايات...ضحك وقال: دول نصابين.
وقال إن أكبر سبب للمشكلة عندي استعمالي لفلاتر غير أصلية.. أتاريه راعي غيار الزيوت يضحك علي ويحلف إنها وكالة.
المهم نصيحة لكم:
1ـ اشتر كل فلاترك من الوكيل مباشرة ولاتثق في عمال غيار الزيوت في المحطات.
2ـ أفحص سيارتك في الوكالة أولا...إذا جاز لك السعر وإلا شف مركز محترم.. وتكون عارف المشكلة ومقدر الثمن من قبل.
والله هذا ماحدث لي.. وأحمد الله إني ما سمعت كلام مركز البيان النصابين أو الفاشلين في تقدير الأمور والكشف عن الأعطال.
رد: هل تعطلت سيارتك وصلحتها بنفسك أو بأقل الخساير (شاركنا بتجربتك )
اخ عبدالله يعني سبب المشكله لديك كانت من فلتر الهواء غيرته انت من عند بنشري ؟
رد: هل تعطلت سيارتك وصلحتها بنفسك أو بأقل الخساير (شاركنا بتجربتك )
بعد التحيه .. شباب عندي مشكله في فكتوري ميلان موديل 2008 فجاه صارت .
أذا حطيت القير D تمشي السياره في نمره 3 ولاتعشق اربعه ولاخمسه علاطول في الثالث .. ياليت الي عنده خبره يفيدنا.. لكم تحياتي
رد: هل تعطلت سيارتك وصلحتها بنفسك أو بأقل الخساير (شاركنا بتجربتك )
أحسن شي يخووي أنك ماستعجلت ولعبووو في موترك .. وبعدين وربي اكثر السيارات يكون خرابهاا بسيط جدا بس يكون مايعرف الشغله ويخمن من راسه ويفك 100 قطعه عشان يعرف الخراب بس أحسن حل للعطال الي مثل هذي الوكاله
رد: هل تعطلت سيارتك وصلحتها بنفسك أو بأقل الخساير (شاركنا بتجربتك )
أنا سياراتى الكيا مره حدفت منى مع أنها جديده عرفت بعد كده أن فى الشحنه إلى جت مصر كان فيها سيارات فى عيوب
رد: هل تعطلت سيارتك وصلحتها بنفسك أو بأقل الخساير (شاركنا بتجربتك )
السلام عليكم ورحمة الله وبركاته
سوف اطرح عليكم اليوم مشكلة واجهتني في الأكورد 2005 ففي يوم كنت طالع للدوام الصباح وشغلت السيارة واذا بصوت المكينة يروح وييجي والrpm يطلع وينزل على كيفه،طبعا خفت وطفيت السيارة واتصلت على صديق عنده نفس السيارة وقالي جيب مفك او شاكوش وضربة خفيفة على منظم الدعسة في المكينة والامور تمام ، المهم ضربته والمكينة رجعت زي ما كانت ، بعد الدوام رحت للورشة ونظف المنظم ب 40 ريال .
المهم بالموضوع لاصحاب الهوندا ان المهندس (في ورشة الجنوب) قالي ان منظم الهوندا حساس جدا ولازم بعد كل مشوار طويل تنظفه ، لأنه اذا خرب عليك رح تدفع 800 ريال ثمن واحد مستعمل.
واسف للاطاله
رد: هل تعطلت سيارتك وصلحتها بنفسك أو بأقل الخساير (شاركنا بتجربتك )
يوم من الايام راحت اركب شكمان لي فورد قراند ماركيز 2010 امريكي يوم ركبت الشكمان اكلت مطب واسمع صوت هبده واروح لي المكانيكي و قالي ما ثبتناها زين وثبتها ودفعتله 50 ريال ورجعت مع نفس الشارع الي في المطب واسمع نفس الصوت ورجعتله مره ثانيه وقالي والله مدري وشبها المهم رحت الاستراحه وفكيت الشنطه و لقيت الي يخبط تلفزيون :mad1: