صيانة سيارات مجانا...

السلام عليكم
اولا الف الف شكرا على الخدمه

ادخل في الموضوع على طول
نوع السياره دودج
اسمها تشارجر
سنة الصنع 2006
المشكله ياطويل العمر
انه لما ادوس على الفرامل وانا ماشي فوق 120
الدعسه حقت الفرامل ترج بطريقه واضحه جدا
وبعض الاحيان الدركسون
غيرت هوبات واقمشه وكل شئ في الشركه ولا راحت المشكله
على فكره المشكله في اغلب سيارات التشارجر
والشركه مو قادرين يحلونها
والمشكله موجوده حتى في امريكا
فما الحل تعتقد
انا قريت في منتدى التشارجر الرسمي
انو الحل تركب الهوبات الرياضيه
فما رايك
وما الحل تعتقد
واسفين على الاطاله

اخوي الفني
جزاك الله كل خير على ماتقوم به وجعله في ميزان حسناتك
سيارتي كابريس 2000 LTZ فيها اكثر من مشكلة وما ادري هل هي مشاكل مترابطة او ان كل واحد منها مالو علاقة بالثاني
1- السيارة فيها كتمة عند القومة وصوت بعد المشي عليها لمدة طويلة وديتها لاكثر من واحد (من بينهم احد الوكلاء) وعملوا تنظيف بخاخات وتغيير بواجي مع اسلاكها وتغيير منظم الهواء وتغيير طرمبة بنزين . الصوت راح والكتمة خفت لكن لايزال فيها كتمة وخصوصا بعد ماتوصل لسرعة 80 احس انها كتمت وكان عزمها راح وكانها مش قادرة تغيير في الجير او معلقة وتستمر لمدة واحتاج اني ازيد الدعسه علشان يرجع العزم
2- احيانا مع الكتمة اللي تصير الهواء حق المكيف يكتم و يصير يطلع من الفتحات اللي عند القزاز الامامي واذا رفعت رجلي من البنزين يرجع زي طبيعي
3- الحرارة تكون طبيعية ولكن احيانا ترتفع الى قريب النص وترجع تنزل وشوية وترجع ترتفع الى قريب النص وعلى هذي الطريقة
4- استهلاك البنزين احس انوا مو طبيعي ابدا . قبل تنظيف البخاخات كان وصل الى 26 ليتر /100 كيلومتر وبعد التنظيف نزل الى 19 ليتر /100 كيلومتر
5- مع الدعسة والقومة احس انو فيها هزة مو طبيعية زي انو السيارة تبغى تغيير ومش عارفة تطلع للقير اللي بعده
واحد من اصحاب الورش قالي انوا منظم الهواء اللي يبيعوه بعض الوكلاء تجاري (سعره بعد الخصم 400 ريال) وقال اذا تبغى المشكلة تروح خذ من الجميح او التوكيلات وسعرهم حوالي الالف ريال (حسب قوله) وحتنحل المشكلة
معليش اخوي الفني طولت عليك بس ان شاء الله يكون الحل على يديك

اخوي انا بسالك لقيت لي شفر موديل 81

السيارة حليوة ميكنتها 400 ..اول مرة اسمع عن هالمكينة
ومرهم فيها اشياء فلتر ومساعدات وبديها حليو وقير عادي

المشكلة ان الدبل يلقم على الـL بس الـ H لازم امسكه والا يفلت مع المشي
والكلتش احيانا اذا رفعته يسوي رجه في الموتر
وش هالمشاكل منه وكم تكلف تقريبا

السيارة في معرض مابعد شريتها وملاحظت عليها الا هالشيين

وبالنسبة لمكينة ال400 لها قطع اولا

احس اني كثرت ...الله يعطيك القوة

المشكاة الأولى



والمشكلة الثانية

الفني حرام عليك راح تعب يوم على الفاضي...!!!!!

(((لا أكيد خطأ .. الكثير أتي بمحرك 350 خاصة من أمريكا

الآن .. ماهو سؤالك ؟:))))
وشلون ماهو سؤالك؟:(
انا ياخي قاعد اجرب الموتر يوم كامل ابطلع عذاريبه علشان اسألك!!!
وحطيتلك كل الي فيه ..
وقعت يوم كامل اكتب المشاكل واخرته كني ماكتبت شي!!!!







ههههههههههههههههههههههههههههههههههههه
>> طرار ويتشرط <<
تراها مزحه من واحد مايعرف يمزح..

اعيد لك سؤالي لا هنت...
عندي جمس موديل 1994
8 سرندل
المكينه 454
المشاكل
1-- عند الوقوف والقير على D تضعف السياره وينزل ضغط الزيت تحت النصف وكأن السياره بتطفي

2-- عند القومه والدعس على السياره بقوه تطلع لمبة التشييك.. ذهبت الى فني فدعس على البنزين والقير على N فقال السياره مافيها شي لانه لايقطع

3--عندما احرك بعد الوقوف والقير على D اسمع طقه عند الكفرات وكأن فيه شي ماسكه وانفك

هذه المشاكل فقط واسف على الاطاله وجزيت خيرا

هلا اخوي الفني


ابي اسالك عن صوفة الدفرنس تهرب زيت

وش افضل ورشة
وهل بالامكان امشي على السيااااااااااارة 600 كلم لاني برا الرياض

والورش عندنا مااااااااعندك احد

السؤال غير مفهوم أخي .. هل ممكن توضح :confused:

النوع الوحيد الذي يتم تغيير كامل هو نوع في أمريكا اسمه " إيتون "

ومع ذلك يأتي له إصلاح ..
تأكد من الشركة .. فأنا لم أفتح واحد أشوفه من الداخل .

أخى الفنى أشكرك على معلوماتك الفنيه وودى أسئلك عن سياره ماكسيما موديل 99 وأشم وأنا داخل فيها رائحة البنزين وصرفية البنزين الغير طبيعيه مع ان البواجى سليمه حيث أن السياره ماتقطع ( دفدف ) فى المشى ؟ ياترى برئيك ماهو الحل

وشكرا ؟

اقتباس:
أرسل أصلا بواسطة الفني
إشتري كلتشات دفرنس خلفي وقم بتركيبها ..

لقد صرفت الكثير من المال لتحسين أداء السيارة ... فنصيحتي لك أن تكمل المشوار
غير الكتشات ... وتأكد من تغيير زيت الدفرنس (( الخاص بالكلتشات )) فهناك زيت خاص .

في حفظ الله .


اخوي الفني الميكانيكي يقولي ماتجي كلتشات لحاله لازم كارونه كامله مدري هو صادق ولا بس عشان يبيني اشتري من عنده

لأن هو بنفس الوقت عندي قيور ودبلات ودفرنسات يبيع فيها

وهل تعتقد ان الصوت يمكن الزيت يكون ناقص حق الكلتشات مع اني اول مرة اسمع

بس ودي اعرف وين مكانه زيت الكتشات بالضبط؟؟

هذا ليس له لعاقة بال ABS .. صح ؟

أظن البواجي سبب رئيسي الباقي قد تكون السيارة بحاجته على ما يبدو

عموما من الجيد تنظيف لبخاخات مع البواجي

لا أكيد خطأ .. الكثير أتي بمحرك 350 خاصة من أمريكا

الآن .. ماهو سؤالك ؟:)

السلام عليكم

مرة اخرى اخي الفني

السيارة قراند ما ركيز موديل 2000

المشكلة اسمع صوت في المكينة كانه صوت ماس كهربائي مثل ززززززززززززززز

ومع الدعسة القوية يختفي

رحت لورشة قالو لازم نفحصها كمبيوتر ب100 ريال قلنا طيب وفحصناها وطلعت المشاكل كالتالي

تنظيف بخاخات
تنظيف بلف هواء
تنظيف EGR
طقم بواجي

علما اني مغير البواجي اصلي من شهر تقريبا

وش تتوقع تكون المشكلة اللي تسبب الصوت


وشكراا لك

انا اقصد ياطويل العمر الشاص 2500
والمكينه ( 454 )
وللمعلوميه الجمس سوبربان

** الفني وانت اعرف مني &&حسب معلوماتي انه مايجي شاص ( 2500 ) الا تكون المكينه ( 454 )
مادري هل هذا صحيح ام خطاء؟؟؟

شاكرا ومقدر لك

اخوي الفني الميكانيكي يقولي ماتجي كلتشات لحاله لازم كارونه كامله مدري هو صادق ولا بس عشان يبيني اشتري من عنده

لأن هو بنفس الوقت عندي قيور ودبلات ودفرنسات يبيع فيها

وهل تعتقد ان الصوت يمكن الزيت يكون ناقص حق الكلتشات مع اني اول مرة اسمع

بس ودي اعرف وين مكانه زيت الكتشات بالضبط؟؟

ماذ تقصد بمحرك 2500 لا يوجد شيء بهذا النوع
هل تقصد الشاص 2500 ؟
لكن ما نوع المحرك ( 350 ) أم ( 454 ) ؟

كبداية إفحص جميع توصيلات أسلاك حساسات الabs عند الكفرات ( من الجهة الداخلية )

تأكد من عدم وجود أي شحوم أو أتربة أو أوساخ عليها .

إن كان كل شيء سليم فلابد من فحصها بالكمبيوتر لمعرفة أي جزء من نظام ABS لا يعمل ويسبب هذا الخلل

ارجو ان يكون في ميزان حسنات الفني



والله الموفق

الفني اسأل الله ان يجعل عملك هذا تفريجا لك من المصائب
""انا احس ان الموضوع قديم بس لعلي اجد تجاوب منك مشكورا""

عندي جمس موديل 1994
8 سرندل
المكينه 2500
المشاكل
1-- عند الوقوف والقير على D تضعف السياره وينزل ضغط الزيت تحت النصف وكأن السياره بتطفي

2-- عند القومه والدعس على السياره بقوه تطلع لمبة التشييك.. ذهبت الى فني فدعس على البنزين والقير على N فقال السياره مافيها شي لانه لايقطع

3--عندما احرك بعد الوقوف والقير على D اسمع طقه عند الكفرات وكأن فيه شي ماسكه وانفك

هذه المشاكل فقط واسف على الاطاله وجزيت خيرا