هل تعطلت سيارتك وصلحتها بنفسك أو بأقل الخساير (شاركنا بتجربتك )

[salam1000]

ايضا كمان نسيت اعلمكم بخصوص مشكلة كانت تخوفني دائما

اللي هي إمبير الحرارة اللي بالطبلون كان يلعب يعني ماهو ثابت على النص ينزل ويطلع صرت كل ما اسوق اشك بان الحرارة مرتفعه المهم رحت عند واحد يقلي من الرديتر <<الرديتر جديد والمراوح جديدة والبلف جديدة مغيرة استبعدت فكرة الرديتر المهم رحت عند واحد ثااني وسالته

تدرون اش طلع شي تاااااافه


حساس الحرارة ضعيف عشان كذا ما يوصل زي الناس غيرته ب 25 ريال وتركيب 10

لذلك انتبهوا من الورش اللي يقولك سوي وهو مايدري انتبهو لو اني سمعت كلامة

وخليته يلعب بحسبت الرديتر كانت الحين علووم صارت

والسلام مسك الختام

[salam1000]

ايضا مشكلة اخرى (وان شاء الله ما كون ثقلت عليكم لاني والله مابغى احد يصير له زي ماصار لي)

كانت تجي بالسيارة تفتفه غير طبيعية لما ادعس بنزين وكمان بالطلعات تطفي ما تطلع تفتف تفتف وبعدها تطفي

المهم انا جاء في بالي ثلاثة اشياء ما راح تخرج عنها

اللي هي
يانها البواجي
او اسلاك البواجي يانها خربانه او انها مجروحه وما تنقل كهرباء
او الكربريتر يبغاله تنظيف

اخذت بالاقرب او اللي ممكن انه مسبب هالمشكلة اللي هو الكربريتر نظفته وغيرت الوجية وكل شي لكن

للاسف المشكلة ما زالت موجودة قلت اجل مافيه اللي البواجي غيرت البواجي وفحصت الاسلاك طلعت تمام ما فيها شي
ولازالت موجودة المشكلة المهم انا تعبت من السيارة وطفشت منها وديتها لواحد الله يذكره بالخير اي والله ساق السيارة وشاف التفته وقلت له اني غيرت وسويت كذا وكذا قالي المشكلة

مو في اللي سويته ولا اللي غيرته المشكلة (بصفاية البنزين ) المهم فك الصفاية القديمة وفعلا كانت مليانة كلها تراب ركبت صفاية البنزين الجديدة والسيارة سارت زي الحلاوة الين اليوم

وتقبلوي فائق تحياتي

[اهلا اهلا]

لاحظت ان قوة الاضواء الاماميه للسياره ضعيفه
وبعد الفحص تبين ان الفيوز الذي عن طريقه
يمر الموجب .. يوصل تيار لكن ... يوصل تيار قليل جدا
فتم تغيير الفيوز وانتهت المشكله , والحمد لله
المقصد انه لربما يكون الحل بسيط ويلزم الفحص بتروي وعدم استعجال

[فني سيارات]

هذه تجربه لاحد الاعضاء عن الهواء الي في خزان البنزين وكثير يشتكي منها ان شاء الله تستفيدون من هذه التجربة

http://www.assayyarat.com/forums/sho...d.php?t=127862

[salehhd]

السلام عليكم

بارك الله فيكم جميعاً واشكركم على طرح تجاربكم القيمة والمفيدة لللاعضاء

كما اشكر الاخ فني سيارات على اهتمامه

تحياتي لكم

اخوكم
صالح

[ابو فرح1]

عندي تاهو 2001
اذا مشيت على سرعة 40 او 60 يطلع صوت طقه وراى بعض بشكل مزعج اذا تعديت سرعة 60 يروح الصوت .
رحت للمكانيكي وطلع معي وسمع الصوت وقال لازم تربيط وربط ولا خلى شي ماسواه بالتربيط الين قلت يالله سترك لا تنقطم المسامير .
النتيجه لاشي يذكر مازال الصوت موجود .
جنني الصوت ، ركبي احد الاخوان جزاه الله خير معي وسمعته الصوت ونقعد نتسمع على هالصوت وصاده ماشاء الله عليه ( والله ما تتوقعون وين حصله )
صوت الشبك اللى يجي فوق يجي عليه حديتين بالعرض سحبناها يمين ويسار وركبت زين وراح الصوت .

.
شكر خاص لصاحب الموضوع وجزاه الله الجنه .

[هيا نتعلم]

فكرة جدا جميلة واشكركم على طرحها

( المشكلة )

مرة كنت ماشي 130 في الخط السريع فجاة اكلت مطب بديت احس السيارة تطفي والدركسون يعلق
بس واحوال الف على اليمين واوقف السيارة وطفيت من حاله فكيت الكبوت ورحت اطالع يمين ويسار ما ادري وايش المشكله اشغل السيارة ما هي راضية تشتغل لاحظو معي دق سلف الدينمو مافي اي شي اشغل مرة مرتين ثلاث مااشتغلت رجعت للكبوت اطالع قلت والله شكل المشكله عويسه
جلست ادق على واحد من اقربائي اخليه يجيني جلست امسك اسلاك السيارة اللي في الكبوت ولاااااااااااااااااااااااااااااقي تدرون ويش كانت المشكله سلك الديلكو مفصول شبكته والحمد لله اشتغلت السيارة وكملت مشواري

[فني سيارات]

يعطيكم العافيه على اثراء الموضوع شكرا لكم


هذا عضو قد طرح مشكلته او عدة مشاكل و اليوم هو يقدم لنا ماتوصل اليه من حلول و اليكم هذا الرابط
http://www.assayyarat.com/forums/sho...d.php?t=128880