[ALIGN=CENTER][ALIGN=RIGHT]أنا من خلال تجربتي للفولفو والله أشوفها سيارة ولا أروع .... أنا كان عندي ميتسوبيشي ماجنا بعد ما بعتها إشتريت فولفو S60 2.4 وقوتها 170 حصان بخاخ مو تيربو بس الشهادة لله إنها قوية بس مو مثل قوة الماجنا ... لكن إذا جيت لعمر المكينة تجد إن الفولفو تعمر معك أكثر وهذا في الأول والأخير يرجع إلى إستخدامك ..... عندنا في السعودية وكيل فولفو الزاهد وانا والله ما شفت منه إلا كل خير لكن أسعارهم شوي غالية ... ومرة كنت هناك وواحد من الي يشتغلون فيها قالي: لو تروح البحرين تلقى أسعار القطع هناك أرخص بحوالي النص. ومن بعدها خلاص كل ما أحتاج شي آخذه من البحرين لكن هذا لا يدل على إن السيارة كثيرة خراب لا والله بالعكس ... وبرضو أخوي عنده فولفو S70 موديل ألفين برضو ماهي تيربو والسيارة حلوة ولا أروع .. بس مرة ودها تتشيك في الوكالة لأنها مشت تقريباً 130000 كيلومتر وماكان فيه شي بالسيارة وطبعاً فهمهم إنهم يبلغونه قبل لا يركبون شي في السيارة .. وفعلاً إتصلوا عليه وقالوا ركّبنا وركّبنا المهم منا منا ووصلت 9950 ريال ............. طبعاً إنصدم أخوي ومنا ومنا خلاهم يسون الحاجات المهمة ونزلت إلى 4500 ريال ودفعها وراح صلح باقي الحاجات في الصناعية مثل خرط الهوبات وقماشات زي كذا (مع العلم إن أخوي كل يوم دوامة 50 كيلو رايح و 50 راجع وغير المشاوير الثانية) ....... المهم أنا ما أبي اطول عليك الي ابي اقولة إنها سيارة ولا أروع بس شعبنا ظالمها شوي
تحياتي[/ALIGN][/ALIGN]