المشاركة الأصلية كتبت بواسطة Malibu 1
السلام عليكم ورحمة الله ,,,
اسعد الله صباحكم ,,
الحمد لله اشتريت امس ماليبو 2013 الفاخرة V6 ولحسن حضي كانت اخر حبة
من التوكيلات العالمية .
عندي كذا سوال
اول شي الموظف يقول اول صيانة بعد 10 الاف كيلو ؟ لان المكاين الجديدة كلها مدربة وتقدر تطبق الطبلون اول ما تطلع ؟؟
وثاني شي ايش افضل بنزين للسيارة لو يكون الجواب من احد مجرب افضل بالذات لنفس الفئة
اخيرا ابغى شرح مفصل عن اهم ميزات السيارة يعني لو في موضوع سابق او مقطع في اليويتوب .
وشككرا واسف ع الاطالة
المشاركة الأصلية كتبت بواسطة لودي ماليبو
معليش اخوي عيسى بس كيف طريقه تنظيفها ؟
المشكله الموتر وكاله ما مشى اكثر من 3000 الاف
عادي نشاف وماء ونظفها من الرمل
والجهة الي فوق النافذة جهة السايق والراكب لا تحاول تمسحها لانها خشنه تمنع الصوت
امسح الربلات الجلد فقط حتى الي حول فتحة السقف من الغبار .
التللين فقط اول 850 كيلو للفرامل حاول ماتدعس بقوة على الفرامل ولا تفاجئها بدعسات قوية
مكينة الماليبو ماتحتاج تللين جاهزة من المصنع و خلال اول 850 كيلو الفرامل جاهزة
وافضل بنزين 91
بنزين 95 مافيه فرق وخسارة فلوس.
المميزات
*
نظام الدخول الذكي والقيادة بدون مفتاح
(نظام ذكي تقدر تفتح السيارة في كل الأبواب والمفتاح في جيبك بدون ما تضغط اي شي أهم شي انك في محيط السيارة
فقط أسحب مقبض الباب واركب وشغل خلص مشوارك وطفها وانزل اللمس المقبض ببصمتك وبتقفل اوتو بالعربي المفتاح في جيبك ماتحتاجه
)
*بلوتوث التحدث بدون لمس الجوال + أوامر صوتية .
* نظام الحد من السرقة
(لو احد حاول يسرق السيارة بيصيح الانذار ولا راح تشتغل بدون شفرة المفتاح وبتطلع لك رسالة بمحاولة السرقة)
* التشغيل عن بعد.
* نظام الانذار عن بعد بواسطة الريموت
(3 ثواني علق على زر الانذار في الريموت)
+ معرفة مكان السيارة
(علق ثانية وحده على زر التحذير)
*نظام التحكم بالجاذبية.
*نظام التحذير من القيادة في الجليد.
*كاميرى خلفية.
*نظام التحذير عند الرجوع للخلف.
*العدسات توزن نفسها اوتو بشكل مستمر على حسب وزن السياره ووضعية القير.
*نظام ترفيه عارض صور ومشغل صوتيات و AUX و USB.
*تحكم من الدركسون (مثبت سرعة + تحكم في الشاشة ).
*نظام حماية القير وحماية المكينة من الحرارة في حال السرعة العالية في المناطق الحارة.
( السيارة بتخفف من سرعتها وبتطلع لك رسائل تحذير ونغمة مستمرة)
*نظام حماية القير من التبديل العشوائي في الوضع العادي على سرعات دوران محدده.
*جنوط 18 . (اكسسوارات جنوط 19).
*كراسي كهرباية ب 8 وضعيات للسايق والراكب.
* نظام التحكم بالمناخ للسائق والراكب كل شخص بشكل منفصل عن الثاني.
*حفظ وضعيات 2 (الكرسي + المرايات الجانبية ).
*تحكم في مسند الرأس.
*تستطيع تحديث الشاشة من USB . (طبعا التحديث في المستقبل او عن طريق الوكالة)
*نظام تحديد المواقع NAVIGATION من GM اعتمادي جدا.
( لاكن الهجر وبعض القرى لاتظهر شوارعها في ذا التحديث حاليا )
* فرامل في جميع الكفرات الاربعة.
*نظام مانع الانزلاق والسيطرة على المركبة EBS + TRACTION.
* أشارات على المرايا الجانبية.
* ميزة صفط المرايا.
(علق ثانيتين على زر التقفيل وبتسفط اوتو + فعل الميزة من الشاشة)
*ميزة التعتيم في المراية الوسطى.
*أضائة داخلية على كامل الكونسول وتستطيع اطفائها .
*مانع التحكم في الاقفال من الداخل من عند باب السائق.
* ألغاء تفعيل ايرباق الراكب من سوتش جهة باب الراكب.
*فيشين 2 كهرب 12V واحد في التاكية وواحد في الكونسول.
*مستشعر ضوء . (الاسطبات ونور السيارة يشتغل اوتو)
* مستشعر هطول المطر (تقدر تخلي المساحات تمسح اوتو)
*مستشعر لكرسي الراكب لألغاء الحزام
(اذا فيه شخص راكب وما ربط الحزام بيصيح انذار اذا مافيه راكب بيطفي الأنذار والمؤشر)
*أيرباقات في كل مكان .
*7 سماعات GM.
باقي شي الشباب مايقصرون
وسلامتكم